Замонавий психология муаммолари

Ўзаро, шахсий низоларни ҳал этиш алгоритми қуйидаги босқичларни бажаришни талаб қилади:

1. 
   Зиддиятни мухокама қилиш учун иккинчи томон билан қулай вақтни келишиб олинг;
   
2. 
   Оппонентингизга нисбатан самимий бўлинг;
   
3. 
   Музокара давомида низонинг асосий мазмунига роя қилинг;
   
4. 
   Музокара давомида ўз мақсадларингизни равшанлаштириб боринг;
   
5. 
   Низони хамжихатлик асосида ҳал этиб икки томонни манфаатларини тўла қониқтиришга интилинг;
   
6. 
   Низони ҳал этувчи шартнома натижалари асосида ўз зиммангизга олган мажбуриятларингизни албатта тўла ва ўз вақтида бажаринг;
   
7. 
   Музокара давомида оппонентингизнинг ҳар бир сўзини хурмат билан эшитинг ва эътибор билан хамма гапларини тушунишга интилинг.
   

Хулоса.

1. 
   Низолар муаммоси бошқариш назарияси ва амалиётининг уйғунлиги ва энг муҳим йўналишидир.
   
2. 
   Ҳар бир мутахассис ва раҳбарни низоларни олдини олиш ва ҳал этиш билим ва малакалари билан қуроллантириш хозирги замоннинг энг долбзор талабларидан бирига айланиб қолди.
   
3. 
   Бу вазифани бажаришни мураккаблиги шундаки, низоларни ҳал этишда ягона оқилона рецепт ёки битта энг афзал концепция йўқ. Ҳар вақтда ва ҳар жойда низони айни пайтда мавжуд бўлган шароитга роя қилган ҳолда ҳал этиш керак.
   
4. 
   Низосиз жамиятни ўзи бўлмайди, ҳар қандай жараёнда қарама-қаршиликлар пайдо бўлиши муқаррар. Бу ҳолда раҳбарлар низолар муаммоларида ўта малакали бўлишлари, мехнат жамоасини зиддиятлар шароитида муваффақиятли бошқаришга қобилиятли бўлишлари шарт.
   

Ҳиссиётлар тушунчаси шахс фаолиятининг муҳим жабҳаси сифатида инсон эмоционал соҳасининг ранг-баранглиги, кўпқирралиги ҳақидаги билимлардан ташкил топади. Стресс (инглизча stress зўриқиш), хиссий тон (юнонча tonos зўриқиш, урғу бериш), эмоциялар (лотинча emovere қўзғатиш, ҳаяжонлаш), аффектлар (лотинча affectus руҳий ҳаяжон, шижоат, эҳтирос) ва кайфият каби тушунчалар ҳиссиётлар мазмунини ташкил қилади.