Зайлобитдинов дилмурод номонович

ХУЛОСА ВА ТАКЛИФЛАР

«Мамлакат банк тизимида замонавий хизмат турларидан фойдаланишни ривожлантириш йўллари» мавзусидаги курс ишини бажариш натижасида қуйидаги хулосалар шакллантирилди:

1. Ўзбекистон Республикаси банк тизимининг банк инфратузилмасини ривожлантириш бўйича норматив-ҳуқуқий ҳужжатларига банк инфратузилмасига доир таъриф ва инфратузилманинг таркибий қисми ва уларнинг таърифлари киритилиши мақсадга мувофиқ.

2. Ҳудудий аҳолининг банк хизматларига талаби юқорилигини инобатга олган ҳолда мамлакатимиз ҳудудларида давлат-хусусий шерикчилик асосида вилоят банкларини очиш имкониятидан фойдаланиш тавсия этилади. Вилоят ҳокимликлари банкнинг устав капиталида иштирок этишда тадбиркорлар билан шерикчилик 55/45 асосида банкларни очиши лозим. Бу эса, ҳудудлардаги инвестиция лойиҳаларини молиялаштиришда ҳамда ҳудудларга инвесторларни жалб этиш, шунингдек, туризмни ривожлантириш, банк инфратузилмасини ҳудудларда янада ривожлантиришга асос бўлиб хизмат қилади.

3. Банкларда масофадан бошқарилувчи хизмат турлари Online banking, mobil bankingнинг иловаларини халқаро тизимларга интеграциялаш орқали мобиль иловаларни такомиллаштириш ва халқаро пул ўтказмаларини йўлга қўйиш мақсадга мувофиқ.

4. Банкларимизда мавжуд муаммоли кредитларнинг вужудга келишига кредитор тўғрисида етарлича маълумотга эга эмаслик сабаб бўлмоқда. Ушбу ҳолатнинг олдини олиш мақсадида мамлакатимиз банк тизимига йирик маълумотлар базаси - Big Dataнинг «Data mining» кредит тарихи дастури тизимини жорий этиш лозим. Ушбу Data банк мижози унинг молиявий ҳолати, кредит тарихи, банк мижозлари идентификациялашни амалга ошириб, банк мижозларига кредит ажратишдан олдин мижознинг молиявий ва иқтисодий ҳолати бўйича таҳлилларни амалга оширишда қўлланилади.

5. Мамлакатимиз банк тизимида замонавий технологияларни жорий этиш ва қўллашда Ўзбекистон Банклари ассоциацияси ҳузурида «Молиявий технологияларни жорий этиш» бўлимини ташкил этиш лозим. Ушбу бўлимнинг асосий вазифаси илмий-тадқиқот институтлари билан ҳамкорликда инновацион технологиялар, startup лойиҳаларни молиялаштириш, инвестиция киритиш ва молия тизимига жорий этишни назорат қилиб боришдан иборат бўлади.