Zahiriddin muhammad bobur nomli andijon davlat universiteti ijtimoiy fanlar kafedrasi

Egalitarizm – umumiy tenglikni targ’ib qiluvchi g’oyaviy-siyosiy oqim.
Ekzistentsializm – diqqat markazida hayotning ma’nosi, inson erkinligi va mas’uliyati muammolari turuvchi falsafiy yo’nalish.
Ekologiya – jonli mavjudotlarning o’zini qurshagan muhit bilan o’zaro munosabatlari haqidagi fan.
Ekologik muammo – jonli organizmlarning atrof muhit bilan muvozanatining buzilishi.
Ekologik tanglik – ekologik muammoning keskinlashuvi, bunda uning oqibatlari orqaga qaytarib bo’lmaydigan xususiyat kasb etadi.
Eksplikatsiya – u yoki bu predmet (yoki madaniyat ob’ekti)ning mohiyatini aniqlash, uning mazmunini keng tavsiflash.
Ekstravertiv – sirtga qaratilgan.
Empirizm – hissiy idrok etish va tajribani bilishning asosiy manbai deb hisoblaydigan falsafiy ta’limot.
Empirik – tajribada ko’rilgan.
Etimologiya – u yoki bu so’z yoki iboraning kelib chiqishi.
Epistemologiya – bilish haqidagi falsafiy ta’limot.
Etnogenez – xalqlar yoki millatlarning kelib chiqishi.
Falsafa (yun.-"fileo"- sevaman, "sofos"- donolik, "donolikni sevaman") tushunchasi tarixan tor va keng ma’nolarda qo’llanilgan. Keng ma’noda "donishmandlikni sevish", tor ma’noda madaniyat, san’at, aqliy yoki hissiy bilish usuli, vositasi tarzida ta’riflanadi.
Falsafa - olam, undagi inson o’rni, insonning olamga bo’lgan munosabatlari haqidagi eng umumiy nazariy qarashlar tizimidir.
Faylasuf - har tomonlama chuqur bilim va katta hayotiy tajribaga ega bo’lgan, inson ma’naviyatini boyitish va haqiqatni bilishga intiluvchi kishi. Hozirda faylasuf deganda falsafa sohasining zamonaviy mutaxassisi, uning asoslarini egallagan, falsafiy yo’nalishda ilmiy tadqiqot ishlari olib boruvchi shaxs tushuniladi.
Falsafiy muammo - nazariy, umumlashtirish xarakteriga ega bo’lgan muammo. Falsafiy muammolar: umumiy yoki xususiy, azaliy yoki o’tkinchi.
Falsafaning milliyligi - umuminsoniy mavzu, masala va muammolarning barchasi avval - boshda xususiy, mintaqaviy, milliy ahamiyatga molik masalalar tarzida ifodalanishida, falsafada muayyan milliy xususiyat, maqsad va intilishlar ham o’z ifodasini topishida namoyon bo’ladi. Umumbashariy falsafa milliy ong orkali yuzaga chiqadi.