Zahiriddin muhammad bobur nomli andijon davlat universiteti ijtimoiy fanlar kafedrasi

"Birlamchi" tabiiy borliq - obyektiv va dastlabki-ilk reallik, inson, insoniyat faoliyatini o’zida singdirmagan notirik va tirik tabiatdir.
Biosfera - (yun.-bios-hayot, sfera-shar) insonni o’rab turgan tabiiy muhit, hayot kechirish qatlami.
Butun (butunlik) - o’zaro bog’liq bo’laklardan tuzilgan mustaqil birlik. Obyektning ichki birligi, yaxlitligi.
Bulak - butunni tashkil etuvchi qism.
Bilish - voqelikning ma’naviy o’zlashtirilishi.
Bilishning obekti - insonning nazariy, amaliy faoliyati yo’naltirilgan narsa, voqea-
hodisa, jarayon.
Bilishning subyekti - bilishni amalga oshiruvchi inson, ijtimoiy birliklar.
Bilish usullari - bilish jarayonining tamoyili, qonun-qoidasi, talablar tizimi, uslub va vositasi. Ilmiy bilish ikki daraja - empirik va nazariy usullarga bo’linadi. Kuzatish, o’lchash, taqqoslash, eksperiment empirik bilish usullari.
Bosh strategik maqsadimiz - bozor iqtisodiyotiga asoslangan erkin demokratik davlat barpo etish, fuqarolik jamiyatining mustahkam poydevorini shakllantirish.
Bashorat - bilim va tajribaga asoslanib fikran kelajakka kirib borish, voqelikni oldindan ko’ra bilish hodisasi.
Bashorat-oldindan ko’rish-kelajak to’g’risidagi bilimlar, ya’ni obyektiv va subyektiv shart-sharoitlarni hisobga olib rivojlanishning istiqbolini oldindan payqash, ko’ra olish va belgilashdir.
Bashoratning ilmiy mezonlari: mantiqqa asoslanish; jamiyat taraqqiyotining
qonuniyatlari, tamoyillarini chuqur va har tamonlama tahlil qilish; kelajakning bosh,
belgilovchi jihatlarini, asosiy yo’nalishlari, belgi, xususiyatlarini ko’rsatish
Dualizm (lot.- duo - ikki) - dunyo bir-biridan mustaqil ikki ibtidodan, ya’ni modda va ruhdan tashkil topgan deb hisoblovchi qarash, ta’limot.
Dunyoqarash - olamni eng umumiy tarzda tasavvur qilish, idrok etish va bilishdir. Insonning tevarak - atrofini qurshab turgan voqelik to’g’risidagi, olamning mohiyati, tuzilishi, o’zining undagi o’rni haqidagi qarashlar, tasavvurlar, bilimlar tizimidir.
D unyoqarash falsafiy dunyoqarash ilmiy-falsafiy dunyoqarash.