Z. E. Azimova adu, Maktabgacha ta’lim fakulteti dekani, P. f d., dotsent

O‘qituvchi – tarbiyachining tarbiyaviy ishlarni rejalashtirish mahorati. Ma’lumki, maktabda o‘tiladigan darslarning tematik (kalendar) rejasi bo‘lishi bilan bir qatorda sinf raxbarining ham tarbiyaviy ish rejasi buladi.
Sinf rahbari o‘quv yilining boshida yangi o‘quv yili uchun taxminan quyidagicha tarbiyaviy ishlarni rejalashtiradi. Tarbiyaviy ish reja har bir sinfning rahbari tomonidan o‘sha sinf bolalarining yosh xususiyatlari, ularning pedagogik – psixologik holatlarini hisobga olgan holda tuziladi. O‘quv yili davomida shu tuzilgan rejadan unumli foydalanish lozim bo‘ladi.
O‘quv yili uchun tuzilgan reja taxminan quyidagi masalalarni o‘z ichiga olishi mumkin :
Tashkiliy kundalik tarbiyaviy ishlar. Bu bandga kichik bandchalar kirgizilib, o‘quv yili davomida bajarilishi kerak bo‘lgan kundalik ishlar rejalashtiriladi.
G‘oyaviy tarbiya. Bu bandga mustaqillik g‘oyalari, tinchlik, o‘lkashunoslik, respublika tarixiy kunlari, davlatning ichki va tashqi siyosati sinf hajmiga mos ravishda rejalashtiriladi.
Milliy an’analar va baynalmilal ruxda tarbiyalash. Unda o‘zbek xalqining milliy, urf-odatlari, an’analari, zamonaviy yangi kelib chiqan urf-odatlari, qondosh va qardosh xalqlarning o‘rganishi mumkin bo‘lgan an’analarni aks etadi.
Vatanparvarlik tarbiyasi. Bu bo‘lim O‘zbekiston tarixi, hozirgi kuni, kelajagi o‘quvchilar ongiga, haqiqiy fuqaro, Vatan himoyachisi ruxini singdirishi lozim bo‘lgan ishlardan iborat bo‘ladi.
Mehnat va kasb tarbiyasi. O‘quvchining mehnatsevar, halol, kasb-korini sevuvchi, kishi uchun kerakli bo‘lgan xususiyatlarini o‘zlashtirib olish imkoniyatlarini beruvchi bandchalar kirgiziladi.
Sog‘lomlashtirish va jismoniy tarbiya. Bu bo‘lim shifokor va jismoniy tarbiya o‘qituvchisi bilan kelishilgan holda ish olib boriladi.
Hayotiy xavfsizlik tarbiyasi. Bunda texnika, elektr, yo‘l harakati va boshqa havfsizlik qoidalarini o‘rgatish sinf hajmi va bola yoshiga qarab rejalashtiriladi.