«Юриспруденция» йўналиши 1-курс

Давлат органларининг ҳуқуқ яратиш ижодкорлиги. Конституцияга асосан барча давлат органлари ўз ваколати доирасида ҳуқуқ ижодкорлигига эга бўлиб, улар турли норматив ҳуқуқий хужжатлар қабул қилади. Ўзбекистон Республикаси Конституциясининг (2023 йил референдумдан олдинги таҳририда) 83-моддасига асосан Олий Мажлис қонунлар, қарорлар ва бошқа хужжатлар қабул қилади. Олий мажлиснинг раиси фармойишлар чиқаради. Вазирлар Махкамаси қарорлар ва фармойишлар чиқаради. Махаллий давлат хокимият вақиллик органлари жойларда вилоятлар, туманлар ва шаҳарларда (туманга буйсунадиган шаҳарлардан, шунингдек шаҳар таркибига кирувчи туманлардан ташқари) ҳокимлар бошчилик қиладиган халқ депутатлари Кенгашлари қарор ва фармойишлар, ҳокимлар эса қарорлар чиқаради.

Жамоат бирлашмаларининг ҳуқуқ яратиш ижодкорлиги. Булар ҳам ўз ваколат доирасида ҳуқуқ ижодкорлигига эга бўлиб, тегишли норматив - ҳуқуқий ҳужжатлар қабул қилади. Масалан, Ўзбекистон Республикаси Касаба уюшмалари федерацияси Республика ёшлар иттифоқи билан биргаликда қўшма қарорлар қабул қилади.

Бевосита халқнинг ҳуқуқ яратиш ижодкорлиги.⁴ Ўзбекистон Республикасининг Конституциясининг (2023 йил референдумдан олдинги таҳририда) 9-моддасига асосан жамият ва давлат ҳаётининг энг муҳим масалалари халқ муҳокамасига тақдим этилади, умумий овозга қўйилади. Бунинг ўтказиш тартиби қонун билан белгиланади. Референдум халқнинг ҳуқуқ яратиш ижодкорлиги бўлиб, унинг натижасида тегишли хуқуқий нормалар қабул қилиниди. Масалан, Ўзбекиистонда референдум Олий Мажлис ташаббуси билан Президент И.А.Каримов муддатини 1997 йилдан 2000 йилгача ўзайтириш тўғрисида ўтказилди. Ўзбекистон халқи якдиллик билан бу ташаббусни қўллаб овоз берди.

Шунинг учун ҳам давлатнинг қонун ижодкорлиги фаолияти муҳим бўлиб, у амалдаги қонунлар ва бошқа ҳуқуқий ҳужжатларни янгилаш ва нашр этиш, эскирган ҳуқуқий нормаларни бекор қилиш, қонунлардаги бўшлиқларни тўлдириш, жамиятда фуқаролар ўртасидаги турли ижтимоий муносабатларни тартибга солишга хизмат қилади.