Yuk tashish korxonalarida tashish ishlari o'quv amaliyotidan o'quv-uslubiy qo'llanma

Yo’nalishda ishlaganda nazorat qilish – Avtomobil yurib ketayotganda haydovchi uning texnik holatini,qirilmalarning (pribor)ko’rsatishiga, boshqarish organlaridagi kuchning o’zgarishiga, avtomobil agregatlaridagi shovqin darajasiga qarab nazorat qiladi. To’xtash joylarida haydovchi shinalardagi havo bosimini va shinalar holatini, tirkash asbobining holatini, yoritish va elektr priborlarining ishini tekshiradi. Agar harakat xavfsizligiga ta’sir qiladigan buzuqliklar sezilsa, va ularni shu joyning o’zida tuzatishning iloji bo’lmasa, haydovchi texnik yordamni chaqirishi, uning ham iloji bo’lmasa, tegishli ehtiyot choralarini ko’rib, ATKga qaytib kelishi lozim.
ATKga qaytgandan keyin nazorat qilish – Transport vositasi ATKga qaytgandan so’ng, OTK nazoratchisi, yoki, navbatchi mexaniq uning texnik holatini tekshiradi. Buzuq avtomobillar nuqsonlarini bartaraf etish uchun TXK zonasiga jo’natiladi.
Avtomobillar va uning agregatlarini tehnik holatini tekshirishda transprot vositasi tormozlari va dvigateli to’xtalishi lozim. Faqatgina, avtomobil harakatda bo’lgan da transport vositasining tormoz tizimi dvigatelning ishlashi tekshirilganda shuningdek transport vositasini qabul qilishda dvigatelni to’htatib, tekshirish lozim. Avtomobil holatini tekshiruvchi ishchi «Avtotransport korxonalari uchun texnika xavfsizligi qoidalari» va «Harakatlanuvchi tarkibni ishlatish qoidalariga» asosan avtomobilni ishlatib, yoki, har bir qismini ko’rib tekshiradi. Shuningdek, avtomobildagi birlamchi zaruriy ehtiyot qismlar va asbob – uskunalar tekshiriladi.
Avtomobil tormoz tezligi korxona hududida maxsus ajratilgan maydonchada, yoki, tezligini ishlashini tekshirganda quyidagi talablarni bajarish lozim.
Tormoz va tormoz tizimi tekshiriladigan maydoncha tekis asfaltlangan va ogishsiz bo’lishi lozim.
Maydoncha: avtomobillar saqlash maydonchalari, ishlab chiqarish binosi va boshqa qurilmalardan uzoqroq bo’lishi lozim. Tekshirilgandan so’ng tormozlar kerak bo’lganda sozlanib, avtomobil garajga kiritilishi, yoki, ishga chiqarish mumkin.
Trasport vositasini texnik xizmat ko’rsatilgandan, yoki, ta’mirlangandan korxona hududida haydovchisi bo’lmagan hollarda, trasport vositasini boshqarish huquqi va guvohnomasi bo’lgan shahslar boshqarishi mumkin. Кorxona hududiga kirish joyida avtomobil 10 km/s tezlikda, korxona hududida 5km/s tezlikda harakat qilishi mumkin. Avtokorxona hududida transport vositalarining harakatlanishi harakat reja sxemalari tuzilishi zarur. Bu rejalar har bir haydovchiga tanishtirilib, bir necha joyda o’rgatilishi lozim.