Qashqadaryo viloyatining 2015 1-yarim yillikda ijtimoiy-iqtisodiy rivojlanish ko´satkichlari

Aloqa va axborotlashtirish. Interaktiv davlat xizmatlari
2015 yilning birinchi yarmida viloyatda axborot-kommunikasiya tizimlarini tashkil etish, yo´l-transport va muhandislik-kommunikasiya qurilishini rivojlantirish borasidagi ishlar izchil davom ettirildi 2013-2020 yillarda telekommunikasiya texnologiyalari, aloqa tarmoqlari va infratuzilmalarini rivojlantirish dasturi doirasida zamonaviy texnologiyalar asosida keng miqyosda foydalanish uchun 42,5 kilometrdan ortiq optik tolali tarmoqlar bunyod etildi va zaxiraga olindi.

Joriy yilning yanvar-iyun oylarida viloyat bo´yicha 58,97 kilometr uzunlikdagi OTAL (optik tolali aloqa liniyalari) tortilib, shundan 8,38 kilometri FTTx (uygacha OTAL tortish) loyihasi doirasida, 3,64 kilometri Wi-Fi internet hududlarini tashkil etish loyihasi doirasida va 46,95 kilometri tarmoqni rivojlantirish uchun qo´shimcha EATSlarni o´rnatish doirasida amalga oshirildi.

2015 yil 1 yarim yilida viloyat va tuman markazlaridagi mavjud telefon stansiyalarida foydalanilayotgan abonent nuqtalari (DS-LAM va MSAN portlari) soni 468 taga ko´payib, 21684 ta(102%)ni, sotali aloqa operatorlari tomonidan viloyat hududida o´rnatilgan baza stansiyalari soni 14 taga ko´payib, 1129 ta (101%)ni, “Internet” xizmatlaridan foydalanuvchilar soni 398,33 ming kishini tashkil etmoqda.

O´zbekiston Respublikasi Vazirlar Mahkamasining 2007 yil 23 avgustdagi 181-sonli qarorida ko´rsatib o´tilgan, aholining davlat boshqaruvida faol ishtirok etishini taminlashga qaratilgan bir qancha interaktiv davlat xizmatlar joriy etilib, viloyat hokimligining rasmiy veb-sayti orqali 12 xil turdagi davlat va 13 turdagi interaktiv xizmatlari ko´rsatilmoqda.

Viloyatdagi o´z rasmiy veb-saytiga ega hokimliklar, davlat va xo´jalik boshqaruvi organlari, korxona, tashkilot va muassasalar soni 58 tani tashkil etib, o´z rasmiy veb-saytlari orqali ko´rsatayotgan interaktiv xizmatlar soni xisobot davrida 37 taga oshirilib, 223 tani (119,00%) tashkil etdi.