Yeryong’oq (Xitoy yong’og’i) qimmatli moyli va oziq-ovqat o’simligidir. Bugungi kunda dunyoda aholining oziq-ovqat mahsulotlariga bo’lgan ehtiyojini qondirishda moyli ekinlar, jumladan, yeryong’oq

Xorijiy yeryong’oq nav namunalari tavsifi: Hindiston, Pokiston, Xitoy, Rossiya, Turkiya, Yaponiya va boshqa mamlakatlardan O’zbekiston hududiga kirib kelgan va kam miqdorda bo’lsada ekib kelinayotgan navlar uchraydi. Bu kabi nav urug’lari och-sariq, to’q-qizil, kulrang, siyohrang, binafsha ranglarda bo’lib, shakllari turlicha: yumaloq, ovalsimon, cho’zinchoq.
1000 ta urug’ vazni ham turlicha bo’lib, eng kichik 1000 ta urug’lar vazni 285 grammdan eng og’ir urug’lar vazni 580 grammni tashkil etadi. Tezpishar xorijiy navlarida vegetatsiya davri 110-135 kunni tashkil etadi. Urug’i tarkibidagi moy miqdori o’rtacha 45-55%, o’rtacha oqsil miqdori esa 18-21%. Tezpishar navlarda hosil pishib yetilganda yong’oqchalar poyasidan oson ajraladi. Yong’oqlardan mag’izning chiqishi turlicha, o’rtacha 65-72% tashkil etadi.
Tropik va subtorik mintaqa nav namunalarining tezpisharlik xususiyatlariga ega ekanligini alohida ta’kidlagan holda, ularning urug’chiligini yanada takomillashtirish va mamlakatimiz tuproq-iqlim sharoitlariga mos navlarini tanlab olib, istiqbolda takroriy ekin sifatida ekish maqsadga muvofiq hisoblanadi.
1.4. Yeryong’oqning asosiy to’rt navlarining tavsifi
Barcha yeryong'oqlar bir xil o'simlikdan, “Arachis hypogaea”dan kelib chiqqan va bugungi yeryong'oqlar 10 000 dan ortiq yoshli ajdodlari bilan genetik jihatdan deyarli bir xil. Biroq, bugungi kunda bizda ko'p yillik selektsiya natijasida yeryong'oqning turli xil “navlari” mavjud.
Yeryong’oqning asosiy to’rtta navi mavjud:

• 
  Ranner: eng ko’p uchraydigan nav. Ishlab chiqariladigan yeryong’oq pastasining aksariyat qismi ushbu navdan tayyorlanadi.
  
• 
  Virdjiniya: ushbu navga tegishli yeryong’oq urug’lari qobig’i bilan sotiladi.
  
• 
  Spenish: urug’i boshqa navlarga qaraganda eng kichik o’lchamda va yumaloq shaklda bo’lganligi uchun konditer mahsulotlari ishlab chiqarishda yuqori baholanadi. SHu bilan birgalikda ushbu nav yuqori moyliligi bilan ahamiyatli.
  
• 
  Valensiya: boshqa navlardan farqli o’laroq yeryong’oqning bu navi quruq iqlim sharoitlarida yetishtirilishi mumkin.