Xx боб ҳомиладорлик давридаги гипертензив ҳолатлари

Диазепамнинг оғир преэклампсия ва эклампсияда қўллаш схемаси:
Юклама доза:
* 10 мг (2мл) диазепам вена ичига 2 дақиқа ичида
* агар талваса такрорланса юклама дозани такрорланг.
Қувватлаб турувчи доза:
* седатация ҳолатини сақлаб туриш учун 40 мг диазепамни 500 мл физиологик эритмада вена ичига томчилатиб юборинг, аммо аёл ҳушида бўлиши керак.
* агар доза 1 соат ичида 30 мг дан ошса, нафаснинг сустлашиши кузатилиши мумкин, бундай ҳолларда 24 соат мобайнида 100 мг дан кўп диазепам қўлламаслик лозим:
- тўғри ичак орқали юбориш, агар в/ичига юборишнинг иложи бўлмаса, 20 мг диазепамни 10 мл ли шприцда тўғри ичак орқали юборилади. Агар талваса қайталинса, яна қўшимча соатига 10 мг дан диазепам юбориш мумкин.
Юқори босимни пасайтириш (АД>160/100 мм сим. уст. тенг) ва диастолик босимни 90 ва 100 мм сим. уст. тенг ушлаб турилиши цереброваскуляр қон қуйилиши хавфини камайтириш учун зарур. Даволаш кейинги хуружларнинг олдини олиши мумкин.
Сўнгги йилларда гипотензив препаратларга муносабат анча эҳтиёткорона бўлиб қолди, чунки уларнинг бир-бирини кучайтирадиган таъсири кузатилмоқда. Ҳозирги кунда гипертензияга қарши битта воситани тавсия этиш учун маълумотлар камлик қилади, шунинг учун танлаш индивидуал ва иқтисодий шароитга боғлиқдир. Бундан ташқари, антигипертензив воситалар гипертензияни қай даражада ишлатилиши зарари фойдасидан кўпроқлиги тўғрисида маълумотлар етарли даражада эмас. Одатда КБ 169-170/110 мм сим. уст.тенг бўлса, уни туширишга ҳаракат қилинади. Лекин КБ нинг кескин пасайиши бачадон-плацента қон айланишининг бузилишидан ҳомила нобуд бўлиши мумкин!
ЖССТ томонидан ҳомиладорлик давридаги гипертензив ҳолатларни даволашга тавсия этиладиган гипотензив воситалардан қуйидагиларни кўрсатиш мумкин:
қисқа муддатли препаратлар:
гидралазин – томир ичига қуйиладиган препаратлардан танланади, артерияларни кенгайтириб, қон оқимига тўсқинликни камайтиради.
Инъекция тарзида буюрилади, одатда тузли инфузион эритма шаклида.
50% ҳодисаларда ножўя таъсирлари кузатилади (кучли бош оғриши, тахикардия, безовталаниш, қўрқув ҳисси), яқинлашаётган преэклампсия симптомларига ўхшаш белгилари пайдо бўлиши мумкин;
гидралазин бўлмаганда ишлатиш мумкин:
нифедипин (кальций йўлакчаларининг блокатори), у ҳам артериал босимни пасайтирали ва уни перорал ишлатиш мумкин.
афсуски, у бош оғришларга гидралазиндан кўра кўпроқ олиб келади;