Xotiramizning 7 gunohi

Tayyorgarlik
Demak muammo aniq, uning sababini ham tushundik, bunga yechim kerek xolos! Avvalo yechimdan avval shuni aytishim kerakki, siz o’zingiz bilgan holda buni yo’qotishga qaror qilishingiz darkor . Miyangizga buyruq berishni o’rganing, aks holda u sizga buyruq beradi!!! Keyin, hozirgi vaqtning o`zida bo`lishni o`rganing, kelajak fikrlaridan bo’sh qolib, o’tmish tashvishlarini ozgina muddatga qo’yib yuboring, ko’p holatda shular haqida fikrlayverganimizdan hayotimiz uchun eng muhim bo’lgan vaqt o’lchovi HOZIR esimizdan chiqib ketadi. Men o’zim multfilmlarni ko’p ko’rmayman-u, lekin san’at darajasidagi multiklar doimo meni qiziqtirib kelgan , ayniqsa undan o’zimga fiklar ozuqasini olsam. Shundaylaridan biri bu “Kungfu Panda” ning 1-qismi bo’lib , unda toshbaqa ustoz o’zining dono va tajribaga boy hayotidan faylasufona gaplar aytib ko’ngilni ko’taradi. Shundaylaridan biri esa Ingliz tilida jarangdor yangraydigani “Yesterday is history, tomorrow is mystery, today is a gift, that’s why it is called present” buning O’zbek tilidagi  tarjimasi esa “kecha bu o’tmish, kelajak esa kechmish, bugun esa haqiqiy sovg’amish” Shunday ekan, bugunning qadriga yeting va sovg’adan unumli foydalaning. Men nima demoqchi bo’lganimni tushungan bo’lsangiz kerek.

Yechim
Endi parishonxotirlikka qaytsak, siz kalitni muzlatgichning ustiga qo’yayotganizda hozirda bo’ling har qanday fikrlardan voz keching, aks holda bu sizga bekordan bekorga yarim soatga qidirish bo’lib qaytadi. Undan tashqari miyamizning asosiy qoidalaridan foydalaning : Assotsatsiya, Tasavvur, Makon. Siz ikki buyumni bir-biriga assotsatsiya (bog’lash) qiling  va miyangizda tasavvur qiling, tasavvur qilganda ham oddiy tasavvur emas, balki noodatiy, bir-biriga o’xshamagan kulguli qilishga harakat qiling. Negaki, oddiylik miyamizga hech qachon yoqmagan va ularni eslab qolish qiyin bo’ladi. Misol uchun, siz kalitni muzlatgich ustiga qo’yayotganizda, kalit KATTALASHIB ketib muzlatgichni bosib qolar yoki mashinangiz kaliti orqali muzlatgichni ochsangiz ichidan hamma maxsulot tushib ketar va ustingizni rasvo qilar. Bu sizga ozgina kulguli va yosh bolacha bo’lib ko’rinar, lekin ishoning bu usul ishlaydi va foyda beradi. Undan tashqari sizga natija bo’lsa bo’ldiyu , vosita nima ahamiyatli va aynan kulguli bo’lgani uchun ham esda qoladida!! Siz bunday qilganingizda miyangiz tasavvur qildi, assotsatsiya qildi va siz hozirda bo’ldingiz, parishonxotir bo’lmadingiz. Chamasi 1 soatdan keyin kalitim qayerda edi desangiz, miyangizga muzlatgich bilan bo’lgan kulguli voqea keladida, siz jahlingiz chiqmasdan o’z ishlaringizni davom ettiraverasiz.
Yoki bo’lmasam yana bir holat, siz dars qilmoqdasiz va ruchkangizni qulog’ingizga qo’yasiz va qo’yayotgan paytingizga tasavvur qilasizki, ruchka orqali siz qulog’ingizga yozib yuborasiz. Oqibatda esa bunday esdan chiqmaydigan holat o’z natijasini beradi.
Gapning po’st kallasi shuki, xotirangizga ishoning, u siz o’ylaganingizdan ko’ra ko’proq qobilyatga ega, faqat undan qanday foydalanishni biling, parishonxotirlikni “davolasa” bo’ladi, shunchaki assotsatsiya va tasavvurni hayrotomuz qilsangiz buyumingiz qayerdaligi miyangizga magnitdek yopishib oladi, doimo hozirda bo’lishni o’rganing, va eng muhimi buyuk rus olimi Ivan Pavlovning refleksga oid tadqiqotiga ko’ra, o’zingizni doim eslab qolishga majburlasangiz keyinchalik bu oddiy odatga aylanib shartli refleks sifatida hayotingizni nurafshon qiladi.

3. 
   
   

APR

21
Kuchli Yaratuvchanlik Qobiliyati Sohibi

"Muvaffaqqiyatning kaliti  –  ilk qadamni qo`yishdir”