Xalqaro valyuta bozori

5) Savdo hajmi tendentsiya xarakterini tasdiqlashi lozim. Dou, savdo hajmini ahamiyati jihatidan birinchi darajali bo’lmasa-da, baho grafiklarida olingan daraklarni tasdiqlashda nihoyatda muhim omil deb hisoblagan. Ushbu qoidani oddiy va tushunarli qilib ifodalasak, unda hajm asosiy tendentsiya yo’nalishi bo’yicha o’sib borishi kerak.

Agar asosiy tendentsiya yuqoriga ko’tarilayotgan bo’lsa, hajm baholar o’sishiga muvofiq o’sib boradi. Aksincha, baholarning tushib ketishi bilan hajm ham pasayadi. Agar asosiy tendentsiya pasayib borayotgan bo’lsa, unda boshqa hodisalar bunga teskari zayilda harakat kiladi. Bu holatda baholarning pasayishida hajm o’sadi va o’z navbatida baholarning oraliq jonlanishi holatida hajm qisqara boradi. Biroq, bu yerda ta’kidlash lozimki, hajm ikkilamchi indikator bo’lib hisoblanadi. Dou nazariyasi bo’yicha sotib olish va sotishga daraklar, asosan yopilish baholariga asoslangandir.

Hajmning eng murakkab indikatorlari ham yagona muhim maqsadni ko’zlaydi, ya’ni qanday yo’nalish bo’yicha hajmning o’sib borishini aniqlash. So’ng esa ushbu ma’lumot baholar dinamikasi bilan solishtiriladi.