Xalqaro valyuta bozori

3) Asosiy tendentsiya 3 fazadan iborat. Odatda asosiy tendentsiya rivojida 3 fazani ajratib ko’rsatish mumkin. Birinchi faza yoki jamg’arish fazasi, bunda eng tajribali va uzoqni ko’ra bila oladigan investorlar sotib olishni boshlaydilar, chunki har qanday noxush axborotlar bozor tomonidan hisobga olinib boriladi.

Izlanishning texnik tendentsiyalaridan foydalanuvchilar o’yinga qo’shilishi bilan 2-faza boshlanadi. Bozorda baholar keskin o’sadi va iqtisodiy ma’lumotlar tobora optimistik tus olib boradi. Bunda, tendentsiya o’zinig 3- yoki yakuniy fazasiga kiradi va bunda ishga (harakatga) omma tushadi, hamda bozorda ommaviy axborot vositalari tomonidan g’ij-g’ijlantirib turiladigan sarosima boshlanadi. Gazetalarda “ho’kizlar” ning yulduzli onlari haqida yozishadi va iqtisodiy prognozlar optimizmga to’la hamda bunday sharoitda chayqovchilik avjiga minadi.

Aynan shunday paytda, ya’ni ayiqlar bozori kuchayganda sotishning o’rniga barcha (hamma) sotib olishni xohlaganda ular yig’ib kelgan ma’lumotga ega investorlar tarqatishni (sotishni) boshlaydilar, ko’pchilik boshqalar esa sotib olishni boshlaydilar.

Elliotning to’lqinlar nazariyasida ushbu ho’kizlar bozorining 3 fazasi o’z aksini topgan. R. Elliot o’zining nazariyasini 1930 yilda Roberi Rianing “Dou nazariyasi” kitobiga asoslangan holda yaratgan. Elliot ham ho’kizlar bozorining 3 asosiy fazasi mavjudligini tan olgan. Elliotning to’lqinlar nazariyasiga bag’ishlangan bobda Dou bo’yicha o’sib borayotgan tendentsiyasining 3 fazasini Elliot bo’yicha turli to’lqinlarga o’xshashligiga alohida to’xtalib o’tamiz. Biroq, bu ikkala nazariyani bir-biridan farqlovchi Dou nazariyasining to’rtinchi asosi bo’lmish tasdiqlash tamoyili mavjud.