Xalqaro turizm va turizm servisi

4.2. VXUTEMAS (Visshiye xudojestvenno-texnicheskiye masterskiye) Rossiya Oliy badiiy-texnik ustaxonalar maktabi
Oliy badiiy –texnik ustaxonalar 1920-26 yilda Rossiyada faoliyat ko‘rsatgan maktab. Unda badiiy va ishlab chiqarish fakultetlari bor edi. Asosiy maqsad –atrof muhitga, narsa buyumlarga ishlov berishda mehnat, turmush va madaniyat hamkorligi asosida ish tutmoq bo‘lgan. Birinchi dekan dizayner fotograf, teatr va kino ustasi Aleksandr Mixailovich Rodchenko bo‘ldi. VXUTEMASning grafika fakultetida ksilografiya, metografiya, metall gravyurasi, fotomexanika va harf terish bo‘limlari bor edi. Lazer Markovich Lineskiy intererlar dizaynidan dars berardi.

V.Tatlin materiallar madaniyatidan saboq berdi. 1926-1927 yilda VXUTEMAS VXUTEINga aylandi.

VXUTEIN – (visshiy gosudarstvenniy xudojestvenno-texnicheskiy institut). 1926-27 yilda Moskvada VXUTEMAS bazasida vujudga keldi. Institutning: arxiyektura, skulptura, rasm (jivopis), poligrafiya, yog‘ochni qayta ishlash, metalni qayta ishlash va to‘qimachilik fakultetlari bor edi. 1930 yilda VXUTEMAS yopilib, o‘rnida Moskva arxitektura instituti va Moskva badiiy instituti tashkil topdi. Unga V.I. Surikov nomi berildi.
4.3. ULM maktabi G‘arbiy Germaniyaning Ulma shahrida dizayn yo‘nalishida Xalqaro o‘quv markazi

1955 yilning 2 oktyabrida G‘arbiy Germaniyaning Ulma shahrida dizayn yo‘nalishida Xalqaro o‘quvmarkazi sifatida forma (shakl) yasovchi oliy maktabning tantanali ochilishi bo‘ldi. Bu yerda Tomas Moldanadoning dizaynerlik faoliyatda, uni tasnif qilishda o‘n yillar mobaynida hukm surgan “badiiy” va “texnik” jihatlar o‘rtasida qarama qarshilik mavjud degan qarashni rad qilishi o‘ziga xos yangilik bo‘ldi.

U dizaynni jiddiy ikki yo‘nalish: san’at va art-dizaynga ajratadi.
3-MODUL. MEHMONXONA INTERERI VA LANDSHAFTI LOYIHALARINI YARATISHDAGI TALABLAR VA USLUBLAR