Xalqaro tijorat ishi

Kontragentlari ishtirokidagi shartnomalarni imzolash
Oldi-sotdi shartnomasining shunday xujjatlarni imzolash huquqiga ega shaxslar tomonidan imzolanishi, ularning yuridik manzili shartnomada ko‘rsatilishi lozim, aks holda u yuridik xujjat hisoblanmaydi. Savdo amaliyotidan xalqaro savdo bitimlarining tomonlari sifatida uch yoki undan ortiq ishtirokchilarning ishtirok etishi odatiy holdir. Ularning shartnomaviy munosabatlari ularning barcha ishtirokchilari tomonidan bir yagona xujjat imzolash yo‘li bilan yoki matnda ularning har biri bilan bog‘liq boshqa bir qancha ikki tomonlama shartnomalar imzolash yo‘li bilan va shartnomaning ilovasi bilan rasmiylashtiriladi.
Sotuvchi qat'iy ofertasining xaridorga aktsepti
Agar xaridor ofertaning barcha shartlariga rozi bo’lsa, u sotuvchiga sotuvchining qat’iy ofertasi barcha shartlarini o’zgarishsiz qabul qilishi haqida tasdiqnoma xatini yuboradi.
Xaridor kontrofertasiga sotuvchining aktsepti
Taklif shartlari jiddiy o’zgaradigan bir yoki bir necha shartlarga xaridor rozi bo’lmasa, u sotuvchiga o’z shartlari va javob muddati ko’rsatilgan kontrofertani yuboradi. Taklifni jiddiy o’zgartiradigan har qanday qo’shimcha va o’zgarishlar munosabatidagi shartlar quyidagilar hisoblanadi: narx, sifat va miqdor, etkazib berish joyi va muddati, bir tomonning ikkinchi tomon oldidagi mas’uliyati hajmi, munozaralarga ruhsat berilishi tartibi.
Erkin oferta shartlariga xaridorning yozma roziligiga sotuvchi aktsepti
Bu rozilik tegishli tarzda rasmiylashtirilishi va belgilangan muddatda yuborilishi lozim. Sotuvchi oldin olgan xaridor yoki bitimni imzolashni mo’ljallayotgan xaridor kontrofertasini aktseptlaydi.