Xalqaro tijorat ishi

Konsignatsiyaga qo'yilgan tovarlarga mulkchilik huquqi. Konsignatsiyaga berilgan tovarlar ular uchinchi shaxsga sotilguniga qadar konsignanat mulki bo‘lib qoladi. Ko‘p hollarda konsignatsiya shartnomasida konsignatsiyaga berilgan tovarlar ular uchinchi shaxsga sotilguniga qadar uning mulki bo‘libgina qolmay, balki uchinchi shaxsga sotilgan tovarlarning narxi to‘languniga qadar va u summa konsignantga etib kelgunga qadar uning mulki bo‘lib qolishi haqidagi izoh berilgan.
Narx shartlari. Tovar sotilishi topshirig‘ini bajarar ekan, konsignator narx munosabatida konsignant ko‘rsatmalari bilan bog‘lanadi. Bu narx orqali u uchinchi shaxsga tovarlarni sotishga majbur. Ular shartnoma shartlarida bayon etilgan bo‘lib, u erda minimal sotuv narxi o‘rnatilgan va konsignator bundan past narxda tovarlarni konsignantning yozma kelishuvisiz sota olmaydi. Bunda shuningdek, konsignatsiyaga tovarlar etkazib berishning bazis shartlari ham ko‘rsatilgan.
Konsignatorni taqdirlash to'lovlarining tartibi haqida shartlar. Shartnomada konsignatorga to‘lanadigan mukofot to‘lovlarining ko‘rinishi, hajmi, tartibi aniq ko‘rsatiladi. U sotilgan tovar qiymatidan olingan foiz ko’rinishida yoki komitent tomonidan o’rnatilgan narx va konsignator amalga oshirgan bitimning foydali narxi orasidagi farq (yoki farqning bir qismi) ko‘rinishida bo‘lishi mumkin. Konsignitsiya shartnomasi bo’yicha mukofot hajmi tomonlar kelishuvi asosida aniqlanadi. Shartnomada konsignator qaysi vaqtda mukofotni olishi mumkinligi haqida ham ko‘rsatib o‘tilgan. Odatda, konsignator belgilangan summa komitent ixtiyoriga kelib tushgandan so’ng mukofotni olish huquqiga ega.
To'lov shartlari. Konsignatsiya shartnomasida hisob-kitob tartibi ochiq-oydin aniqlanadi: to‘lovlar qanday valyutada o‘rnatiladi, tovarlar sotilgandan keyin qancha muddatda konsignant foydasiga to‘lovlar amalga oshirilishi haqida ham izohlar beriladi. To‘lovlar konsignanat bu to‘lovlarning olinganligi va to‘g‘riligi haqida tasdiqlangandan keyingina u tugallangan hisoblanadi.