Xalqaro tijorat ishi

Tadbirkorning ayrim maxsus majburiyatlari. Shartnoma shartlari bo’yicha eksptorter shartnoma bo’yicha savdogarning muvaffaqiyatli faoliyatini, xususan, uskunalar etkazib berishni muvofiqlashtiruvchi bir qator majburiyatlarni o’z zimmasiga oladi. U, shu jumladan, savdogar ixtiyoriga aniq texnik xujjatlarni taqdim etadi va unga uskunalarni sotish jarayonida yuzaga keladigan barcha texnik muammolarni hal qilishda yordam ko’rsatadi. Eksport qiluvchi savdogarga zarur zaxira qismlar rezervlarni yaratish uchun imtiyozlarni ham taklif etadi. Shartnoma bo’yicha savdogarning faoliyatni yanada kengaytirish uchun eksport qiluvchi unga kreditlarni taklif qiladi, texnik xizmat ko’rsatish va reklamalar bo’yicha barcha xarajatlarning qisman va butunlay kompensatsiyalarni tavsiya etadi.
Shartnoma bo’yicha savdogar faoliyati ustidan nazoratni amalga oshirish. Bu bo’limda savdogar faoliyati ustidan nazorat o’rnatishni amalga oshirish yo’llari aniqlanadi. Bu odatda, eksport qiluvchining savdogar mamlakatiga doimiy va vaqtinchalik vakillarni yuborish vositasida amalga oshiriladi. Ular borgan joylarida mustaqil qaror qabul qilish huquqiga ega bo‘ladilar.
Omborxonadan tovarlarni sotish. Shartnoma bo‘yicha savdogar ma‘lum muddatda omborxonadagi tovarlarni uchinchi shaxsga o‘z nomidan va o‘z hisobiga sotish evaziga eksport qiluvchi topshirgan majburiyatlarni o‘z zimmasiga oladi. Modomiki, savdo amaliyotida shartnomaning maxsus ko‘rinishi - kossignatsiya shartnomasi mavjud. Bu shartnoma dastlabki komission tarzda tovarlarni omborxonada sotishni va qanday sharoitlarda shartnoma bo‘yicha savdogar omborxonadan tovarlarni uchinchi shaxsga sotishi mumkinligini ko‘rib chiqadi. Shuning uchun shartnoma bo‘yicha savdogar bilan konsignatsion ombor haqida maxsus bitim imzolanadi. Tomonlarning barcha huquq va majburiyatlari sotish uchun huquq berish haqida shartnomada bayon etilgan; ular asosida konsignatsion ombor yaratish bilan bog‘liq barcha qo‘shimcha masalalar kelishib olinadi. Konsignatsion ombor haqidagi kelishuvlar asosiy shartnomasiz ahamiyatsiz bo’ladi. Oxirigisini bekor qilish hollarida konsignatsion ombor haqidagi shartnoma o‘z kuchini yo‘qotadi.
Komission konsignatsiya shartnomasidan farqli ravishda shartnoma bo’yicha savdogar ishlab chiqaruvchiga munosabat - ombordan olingan tovarlar qiymatini to‘lash majburiyatini bajarish uchun uchinchi shaxsga tovarlarni qanday narxda sotishi kerakligini o‘zi aniqlaydi. Shartnoma bo‘yicha savdogarga eksport qiluvchi ombordagi tovarlarga qo‘ygan narx bilan uchinchi shaxsga sotiladigan narx o‘rtasidagi farq orqali mukofot to‘lanadi.
Konsingatsiya shartnomasi