Xalqaro tijorat ishi

Segment - aniq tovar bozorining bir qismi bo’lib, unda xaridorlarning aniq guruhlari aniq modifikatsiyalangan mahsulotga yo’naltiriladi. Segmentlashtirish asosida, yuqorida aytilganidek, raqobat sharoitida bir firma aniq bozordagi barcha ehtiyojlarni qondira olmaydi va o‘z ishlab chiqarish, moliyaviy, savdo imkoniyatlari nuqtai nazaridan afzal deb hisoblangan segmentlarga tayanadi.

• 
  Segmentlashtirish ko'rinishlari: geografik, demografik, ijtimoiy-psixologik omillar bo‘yicha segmentlashtirish, alohida iste‘molchilar guruhlari bo‘yicha sigmentlashtirish (bir martalik xaridorlar, doimiy xaridorlar, salohiyatli xaridorlar, shaxs va firmalar, manfaatli tovarlarni sotib olmaydiganlar);
  
• 
  Segmentni baholash uchun ko'rsatkichlar: mahsulot savdosining o‘sish sur‘atlari, firmaning bozordagi ulushi, segmentning firma daromadi va savdo xajmidagi ulushi (har bir segment uchun aniqlanadi). Iste‘mol tovarlari bo‘yicha segmentlarni baholash uchun quyidagi ko‘rsatkichlardan foydalaniladi: xaridorning yoshi, jinsi, bandligi, oilaliligi, ta‘lim darajasi, daromadlarining hajmi, tovarning xaridorlar tomonidan foydalanish xarakteri, aholi ko‘p qismi gaplashadigan til, aholining madaniy darajasi, an‘ana va udumlar, tovarning tashqi ko‘rinishiga talablar, reklama vositasining qo‘llanilishi. Ishlab chiqarishga mo‘ljallangan tovarlar bo‘yicha segmentlarni baholashda quyidagi ko‘rsatkichlardan foydalaniladi: firma faoliyatining xarakteri, bozordagi xaridorlarning xajmi va miqdori, buyurtmalarni joylashtirish bo‘yicha partiyalar xajmi, texnik xizmatlar va texnik xizmat ko‘rsatish xajmi.
  
• 
  Segmentlarning bozor sharoitlarini baholash uchun ko'rsatkichlar: segmentning iqtisodiy, siyosiy, texnologik shartlari, segment rivojlanishi barqarorligi, o‘sish va rentabellikning avvalgi tendentsiyalari ekstrapolyatsiyasi, talabni aniqlovchi omillar asosida baholash, talab tendentsiyasidagi o‘zgarishlar va talab miqdoriy ko‘rsatkichlarining yuzaga chiqishi, rentabellik tendentsiyasidagi o‘zgarishlarni raqobat tahlili asosida baholash;
  
•