Xalqaro tijorat ishi

Savdoning sinov uslublaridan bozor haqida zarur ma‘lumotlar yo‘q bo‘lganda va firmaning uni har tomonlama o‘rganish uchun vaqti bo‘lmagani hollarida, shuningdek, o‘rganilayotgan bozor uchun noyob va yangi tovarlarni sotishda foydalaniladi. Bunday savdolarda firma zarar ko‘rish riskiga tomon yuradi va bu uslub firmaga xaridorlar bilan aloqa o‘rnatish imkonini beradi.

Shaxsiy faoliyat shartnomalarini quvvatlash xorijiy firmalar vakillari bilan imzolanadi va bozorni o‘rganish uchun katta ahamiyatga ega. Bu shartnoma firmalarga o‘zaro tashrif buyurish yo‘li bilan xalqaro yarmarkalar, ko‘rgazmalar, xalqaro auktsionlar, tovar birjalari ishbilarmonlik uchrashuvlari vaqtida belgilanadi va qo ‘llab-quvvatlanadi. Firma vakillari va xaridorlari o‘rtasidagi o‘zaro aloqalar mashina va uskunalar bozorini aniqlashda katta ahamiyatga ega. Xususan, bu texnik jihatdan murakkab bo‘lgan mahsulotlarga tegishli. Bunda sotuvchining vakili bir vaqtda xaridorning texnik maslahatchisi sifatida ham ishtirok etadi.

Bozor tadqiqotlarini o'tkazishda foydalaniladigan manbalar
Bozorni o‘rganishda ma‘lumotlarning keng doirasidan foydalaniladi. Bular bosmaxona mahsulotlari, firma vakillari va rasmiy tashkilotlardan olinadigan maxsus ma‘lumotlar, xorij vakillari va savdo vositachilaridan, kredit-ma‘lumot idoralaridan, xaridorlar savol-javoblari natijalaridan olinadigan xabarlardir.
Bosmaxona axborotlari quyidagi nashriyotlar orqali tavsiya etilishi mumkin: davriy nashrlar - gazeta va maxsus jurnallar, iqtisodiy byulletenlar; ixtisoslashtirilgan nashrlar - monografiyalar, bozor sharxlari, savdo palatalari va tadbirkorlik uyushmalari nashrlari, savdo shartnomalari yig’malari, bank, alohida firmalar, reklama agentliklari nashrlari, davlat qonunlarini tashkil etuvchi davlat tashkilotlari yig‘malari, tashqi savdo va boshqa masalalar bo‘yicha davlat organlarining nashrlari; alohida mamlakatlar, BMT va boshqa xalqaro tashkilotlar davlat muassasalari tomonidan nashr qilingan maxsus va umumiy xarakterdagi statistik ma‘lumotlar; yirik brokerlik firmalarining mijozlarga yuboriladigan ma‘lumotlari; telegraf agentliklarining byulletenlari.