Xalq ta’limi tizimida kadrlarga oid ish yuritish bo‘yicha namunaviy yo‘riqnoma 1-bob. Umumiy qoidalar

2-bob. Ishga qabul qilish to‘g‘risidagi hujjatlarni rasmiylashtirish  

7. Ishga qabul qilishni rasmiylashtirish uchun quyidagi hujjatlar zarur bo‘ladi: 

mehnat shartnomasi –

 

xodim bilan ish beruvchi o‘rtasida muayyan mutaxassislik, malaka, 

lavozim  bo‘yicha  ishni  ichki  mehnat  tartibiga  bo‘ysungan  holda  taraflar  kelishuvi,  shuningdek, 

mehnat to‘g‘risidagi qonunlar va boshqa normativ hujjatlar bilan belgilangan shartlar asosida haq 

evaziga bajarish haqidagi kelishuv; 

ishga  qabul  qilish  to‘g‘risidagi  buyruq  –  xodimning  mehnat  daftarchasiga  yozuvlarni 

kiritish uchun asos bo‘luvchi hujjat; 

mehnat daftarchasi – xodimning mehnat stajini tasdiqlovchi asosiy hujjat;  

shaxsiy  varaqa  –  anketa-tarjimai  hol  tusidagi  ma’lumotlarni  o‘z  ichiga  oluvchi  hisob 

hujjati; 

shaxsiy yig‘ma jild – xodim to‘g‘risidagi tarjimai hol tusidagi ma’lumotlar, shuningdek, 

uning kasbiy tajribasiga oid ma’lumotlarni o‘z ichiga oluvchi hujjatlar yig‘indisi. Shaxsiy yig‘ma 

jild  xodimning  butun  ish  davri  mobaynida  shakllantiriladi,  zaruriyatga  ko‘ra  yangilab  boriladi  

va uning ushbu tashkilotdagi mehnat faoliyatini aks ettiruvchi hujjatlar bilan to‘ldiriladi. 

Ishga  kirayotgan  shaxs  mazkur  hujjatlardan  tashqari  ishga  qabul  qilish  to‘g‘risida  ariza 

yozadi.  

8. Kadrlarga oid hujjatlarni ro‘yxatga olishning quyidagi shakllari yuritiladi: 

mehnat daftarchalarini hisobga olish kitobi; 

mehnat shartnomalarini ro‘yxatga olish jurnali; 

kadrlarning shaxsiy tarkibiga oid buyruqlarni qayd etish jurnali; 

tarmoq mukofotlari bilan taqdirlashga oid buyruqlarni qayd etish jurnali; 

xizmat safariga yuborish to‘g‘risidagi buyruqlarni ro‘yxatga olish jurnali; 

ichki  mehnat  tartibi  qoidalari  va  tashkilotning  boshqa  lokal  normativ  hujjatlari  bilan 

tanishtirish jurnali. 

9. Ishga kirayotgan shaxs kadrlar xizmati xodimiga quyidagi hujjatlarni taqdim etadi: 

pasport  yoki  uning  o‘rnini  bosuvchi  hujjat,  o‘n  olti  yoshga  to‘lmagan  shaxs  

esa – tug‘ilganlik haqidagi guvohnoma va yashash joyidan ma’lumotnoma; 

mehnat  daftarchasi  (birinchi  marta  ishga  kirayotganlar  bundan  mustasno).  O‘rindoshlik 

asosida  ishga  kirayotgan  shaxslar  mehnat  daftarchasining  o‘rniga  asosiy  ish  joyidan 

ma’lumotnoma taqdim etadi;  

harbiy guvohnoma yoki qayd guvohnomasi; 

oliy  yoki  o‘rta  maxsus,  kasb-hunar  ta’lim  muassasasini  tugatganligi  haqidagi  diplom, 

mazkur  ishni  bajarish  huquqini  beruvchi  guvohnoma  yoxud  boshqa  tegishli  hujjat  (qonun 

hujjatlariga  muvofiq  ish  bajarishga  faqat  maxsus  ma’lumot  yoki  maxsus  tayyorgarlikka  ega 

shaxslar qo‘yilganda); 

soliq to‘lovchining identifikatsiya raqami berilganligi to‘g‘risidagi guvohnoma;  

jamg‘arib  boriladigan  pensiya  daftarchasi  (shaxsiy  jamg‘arib  boriladigan  pensiya  hisob 

varag‘ining raqami to‘g‘risida ma’lumot olish uchun). 

Yuqoridagilarga qo‘shimcha ravishda quyidagilar taqdim etiladi:  

tibbiy ko‘rik natijalari haqida hujjat, ya’ni ma’lumotnoma yoki xulosa (zarur bo‘lsa); 

o‘n  olti  yoshga  to‘lmagan  shaxslarning  ota-onasidan  birining  yoki  ularning  o‘rnini 

bosuvchi shaxslarning yozma roziligi; 

yashash guvohnomasi – chet el fuqarolari va fuqaroligi bo‘lmagan shaxslar tomonidan; 

6 dona 3x4 hajmli rasm. 

10. Mehnat  shartnomasi  tuzilganda  mehnat  daftarchasi  qonun  hujjatlarida  o‘rnatilgan 

tartibda dastlab ish beruvchining kadrlar xizmati (kadrlarga oid hujjatlarni yuritish uchun mas’ul 

bo‘lim, sho‘balar, mutaxassislar, kadrlar bo‘yicha menejerlar)  xodimi tomonidan to‘ldiriladi. 

11. Kadrlar  xizmati  xodimi  ishga  qabul  qilishni  rasmiylashtirishni  mehnat  shartnomasi 

tuzilgandan keyin boshlaydi. 

12. Tashkilot  xodimlari  uchun  mehnat  shartnomasining  shakli  tashkilot  rahbarining 

buyrug‘i bilan tasdiqlanadi yoki har bir xodim uchun yakka tartibda to‘ldirilishi mumkin. 

---

13. Mehnat shartnomasi yozma shaklda, kamida ikki nusxada tuziladi. Bir nusxasi imzo 

ostida  xodimga  topshiriladi,  ikkinchi  nusxasi  esa  arxivda  saqlashga  topshirilgunga  qadar  ish 

beruvchi tomonidan kadrlar xizmatida saqlanadi.  

14. Mehnat shartnomasini ish beruvchi tomonidan tashkilot rahbari, u bo‘lmagan vaqtda 

esa vakolat berilgan shaxs imzolaydi.   

15. Tomonlar  imzolagandan  keyin  mehnat  shartnomasi  Yo‘riqnomaning 1-ilovasiga