Ўзбекистон республикаси ички ишлар вазирлиги академияси дастлабки тергов ва криминалистика кафедраси тергов фаолияти мутаҳасислиги

Агар жинсий эркинликка тажовуз сабабларига кўра одам ўлдириш жинояти бино ичида содир этилган бўлса, ушбу жойда изларни қидириш қуйидагилар бўйича амалга оширилади:
1) излар мурда танаси ва кийимларида қидирилади;
2) жиноятчи томонидан қолдирилган бўлиши мумкин бўлган предмет ва нарсалар ҳамда ушбу обьектлардаги излар;
3) наркотик ва қаттиқ таъсир этувчи воситалар, заҳарли моддалар ҳамда уларнинг қадоқлаш воситалари.
Мурда танасида, кийимларида ва унинг атрофида қуйидаги изларни қидириш керак:
1) танадаги жароҳатлар;
2) арқон, боғич;
3) мато ва бошқа толали материаллар (жабрланувчининг қўлида);
4) соч толалари (жабрланувчининг қўлида, кийимида ва танасида);
5) суюқ ажратмалар;
6) бақирмаслиги учун оғзига тиқилган латта ёки ўралган тасма (тасмада қўл, қон излари ва бошқа микрообьектлар аниқланиши мумкин, шунинг учун уларни қўлга олишда ва ечишда эҳтиёткорлик билан муносабатда бўлиш керак);
7) қон излари;
8) тишлаш излари;
9) кийимдаги ва пойафзалидаги жароҳатлар;
10) сперма излари;
11) тирналиш излари;
12) инексия (укол санчиш) излари.
Жиноятчи томонидан қолдирилиши мумкин бўлган предметлар, нарса ва изларни қидиришда қуйидагиларга эътибор қаратилади:
1) одамнинг ҳид излари;
2) сигарета қолдиқлари ва кукунлари;
3) сўлак, тупук излари;
4) оёқ (пойафзал) излари;
5) қўл, қўлқоп излари;
6) гугурт, ёндиргич;
7) толали материаллар ва бошқалар.
Ушбу жиноятларнинг содир этилиши кўпинча наркотик воситалар ва қаттиқ таъсир этувчи моддаларнинг истеъмол қилиниши билан боғлиқ бўлгани учун ҳодиса жойида уларни қидиришга алоҳида аҳамият берилади. Бунда нафақат ушбу воситалар, балки уларни қадоқлаш воситалари ҳам учраши мумкин.¹⁸
Очиқ жойларда жинсий эркинликка тажовуз сабабларига кўра одам ўлдириш жиноятлари содир этилганда, ҳодиса жойида изларни қидиришда қуйидагиларга алоҳида эътибор қаратилади:
1) мурда танаси, кийимлари, пойафзалидаги излар;
2) жиноятчи томонидан қолдирилган бўлиши мумкин бўлган предмет ва нарсалар, излар;
3) қаттиқ таъсир этувчи моддалар, заҳарловчи ва наркотик воситалар;
4) содир бўлган ҳодиса жойининг атрофлари бўйлаб жойлашган излар.