Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

MAVZU: AYOL – MEHR-MUHABBAT TIMSOLI

Oilani ham, jamiyatimizni ham birlashtirib, unga fayzu barakot kiritadigan, xonadonlarimizni mehr-muhabbat,

nafosat, ezgulik nuri bilan munavvar qiladigan zotlar ham aslida mo‘‘tabar onalarimiz, munis opa-singillarimizdir.

Islom Karimov

Ona! Bolani dunyoga keltirib, komil inson darajasiga etishini nafaqat orzu, balki harakat qiladigan, bu yo‘lda borlig‘ini, umrini ayamaydigan birinchi ustozdir.
Ayol! Insonning kamoloti, aqliy va jismoniy barkamolligi uchun qayg‘uradigan, uning aqlu zakovatini, ilmu ma’rifatini, mehru muhabbatini hamda yuksak fazilatlarini murg‘akligidan shakllantiradigan, inson qalbiga odamiylik va ezgulikni olib kirishdek mas’uliyatni o‘z elkasiga ortgan zotdir.
Ayol! U haqda jahon fozillari, sevimli shoirlarimiz, aql-zakovat egalari aytib ketgan eng dono, haroratli fikrlarda, she’riy durdonalarda
«Ayol» so‘zining muqaddasligi, ayollarimizning qutlug‘ fazilatlari, ularning faoliyati, burch va vazifalari, ona va sevimli yor, qondosh singil va erka qiz sifatida insonga dildoshligi ulug‘lanadi. YOzuvchilar ijodida ham ularning insoniy xislatlari, mehribonligi, fidoyiligi, turmush tajribalari yoritib beriladi. Zero, muqaddas va fozila «Ayol» shunday oliy maqtovlarga, go‘zal o‘xshatish va sifatlarga munosib bo‘lgan tabarruk Insondir!
Ayol – ONA bo‘lgani tufayli mehrdan boshqa hech narsa talab qilmaydi, lekin hamma narsani beradi, hayoti davomida berib ulguradi.
Ayolning atrofida kunu tunlar – o‘g‘ri, oyu yillar - qaroqchi. Har biri o‘z ulushini olish uchun ayol bilan talashib yuradi. Ayol – mehrli zot. Har biriga chimdim-chimdim berib rozi qilib yashaydi. SHu sababli kun ham, tun ham, oy ham, yil ham Ayol atrofida parvona.
Ayolning ayolligi nomus bilan o‘lchanadi va baholanadi. SHu tufayli tojli boshlar nomus oldida ta’zimda.
Ayol buyuklikni bilmay yashaydi. Ayolning qo‘li, aqli bilan qilingan har bir narsa – oilaning bezagi. Ular bilan kelajak ko‘rkam, etuk.
Ayol - ona tarbiya berib voyaga etkazgan qator allomalarimizning zakovati va iste’dodiga tan bermaslikning iloji yo‘q.
Biz ayollarni sevamiz va ularga muruvvat ko‘rsatishga, ko‘klarga ko‘tarib ardoqlashga burchlimiz. CHunki Ayol, bu - bizni dunyoga keltirgan Ona,
boshimizga mehr-oqibat nurlarini sochib turgan buvijonlarimiz, aziz, jigarband opa-singillarimizdir. Ularni sevmay, e’zozlamay, ko‘zlarimizga to‘tiyo qilmay bo‘ladimi?!
Ayollar - go‘zallik manbai, nazokat sohibasi, mehr egasi, muhabbat timsolidir. Ularning latofati va qalb saxovati butun jamiyatga doimo kuch- g‘ayrat va shijoat baxsh etib keladi. Ayollarni faqat bayram kunlaridagina emas, balki har kuni avaylab-asrash, og‘irini engil qilish, ularga g‘amxo‘rlik ko‘rsatish yurt o‘g‘lonlarining burchidir.