Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

Voyaga etmaganlarning nikohiga kim rozilik beradi?

Juda ko‘p davlatlarda voyaga etmaganlarning nikohiga ota-onalar yoki ularning o‘rnini bosuvchi kishilarning roziligini olish shart. Qonunlarda belgilangan muddatdan oldin turmush qurish sudning qarori yoki ichki ishlar vazirining ruxsati, ba’zan qirolning roziligi (Daniyada 15 yoshda turmush qurish uchun «Kongebrev», ya’ni “Qiroldan maktub” deb atalgan rozilik xati olish lozim) bilan amalga oshiriladi.

Qonunga amal qilish shart

1962 yili 55 davlat Nikoh haqidagi Konvensiyani qabul qilishadi. Unga ko‘ra voyaga etmaganlarning nikohlanishi bekor qilinadi. Xalq an’analari yoki diniy qarashlarga ko‘ra nikoh yoshi qanday bo‘lishidan qat’iy nazar, hamma
Davlat Qonuniga bo‘yinsunishi shart. Nikoh yoshi homiladorlik bilan bog‘liq bo‘lgandagina uni qonunan ko‘rib chiqib, ruxsat beriladi.

O‘zbekiston Respublikasi Oila kodeksidan

15-modda. Nikoh yoshi
Nikoh yoshi erkaklar uchun o‘n sakkiz yosh, ayollar uchun o‘n etti yosh etib belgilanadi.
Oldingi tahrirga qarang.
Uzrli sabablar bo‘lganida, alohida hollarda (homiladorlik, bola tug‘ilishi, voyaga etmagan shaxsning to‘la muomalaga layoqatli deb e’lon qilinishi (emansipatsiya), nikohga kirishni xohlovchilarning iltimosiga ko‘ra nikoh davlat ro‘yxatidan o‘tkaziladigan joydagi tuman, shahar hokimi nikoh yoshini ko‘pi bilan bir yilga kamaytirishi mumkin.
LexUZ sharhi
Qarang: O‘zbekiston Respublikasi Fuqarolik kodeksining 22 va 28- moddalari, O‘zbekiston Respublikasi Vazirlar Mahkamasining 1999 yil 12 apreldagi 171-sonli qarori bilan tasdiqlangan «Fuqarolik holati dalolatnomalarini qayd etish qoidalari» 73-bandining birinchi xatboshisi.
LexUZ sharhi
(15-moddaning ikkinchi qismi O‘zbekiston Respublikasining 2013 yil 30 apreldagi O‘RQ-352-sonli Qonuni tahririda — O‘R QHT, 2013 y., 18-son, 233- modda)