Oliy va o‘rta maxsus ta’lim vazirligi O‘rta maxsus, kasb-hunar ta’limi markazi

YOshlar erta turmush qurishga nega shoshishadi?

• 
  Noqobil oilalarda yashayotgan farzandlar kundalik kelishmovchiliklar, mushtlashuvgacha boradigan janjallardan bezib, ota-onasining uyini tezroq tark etish uchun oila qurish kerak deb bilishadi.
  
• 
  Ota-onasi ajrashgan, ota yoki onasi bilan yashaydigan farzandlar esa tezroq oila qurib, ota-onalariga qanday oila tutishni ko‘rsatib qo‘yishga urinishadi.
  
• 
  Ba’zi hollarda ota-onaning farzandiga nisbatan o‘ta qattiqliklari tufayli doimiy bosimdan qutilishni turmush qurib, alohida chiqib ketishda deb bilishadi.
  
• 
  Farzandlariga e’tibor berish faqat moddiy ta’minotdan iborat deb bilgan ota-onalarning farzandlari to‘kis hayot kechirgan holda ham, e’tiborsizlikdan nolishadi. Tezroq farzandlarga ega bo‘lib, ularga mehr ko‘rsatishga, asl ota-onaning muhabbati darajasini ko‘rsatishga urinishadi.
  
• 
  Axloqsizlik oqibatida homilador bo‘lib qolishi, el-yurt oldida sharmanda bo‘lmay, unga tezda ota topish maqsadida nikohdan o‘tishga majbur bo‘ladi.
  
• 
  Jinsiy hayotga qiziqishning kuchliligi tufayli, his-tuyg‘ularga berilib, qizning nomusiga tegib qo‘yishi natijasida tezroq uylanishga majbur bo‘lishadi.
  
• 
  Ba’zida birinchi muhabbat yoshlarga o‘ta kuchli bo‘lib tuyuladi. Umr bo‘yi birga yashaymiz, ota-onalarning qarshiligi ham bizni to‘xtata olmaydi deb o‘ylashadi. Kattalarga muhabbatining kuchliligini isbotlashga harakat qilishadi.
  
• 
  “Baxtsiz sevgi”, ya’ni birinchi muhabbatining aldab ketishi, boshqaga ko‘ngil qo‘yganligi, aldangan yoshning o‘zini nimalarga qodir ekanligini sobiq sevgilisiga ko‘rsatib qo‘yish, “sen bo‘lmasang boshqasi” naqlini amalda isbotlash uchun surishtirib-netmay turmush qurishga shoshishadi.
  
• 
  U yoki bu tomonning ta’minlanganlik darajasi, oila a’zolarining yuqori mansablarni egallaganligi, go‘yoki muammolarsiz rohatda yashash haqidagi o‘ylar yoshlarni o‘ziga ohangrabodek tortadi.
  
• 
  Ba’zi yoshlar xayolparastligi tufayli erta turmush qurishga urinishadi. Ularning nazarida kelinlik –
  

oq ko‘ylakda sayr qilish;


²⁹ 1001 savolga psixologning ming bir javobi . Respublika “OILA” ilmiy-amaliy markazi T.: 2016 . B.:69
xilma-xil liboslarda moda ko‘rsatish; qimmatbaho taqinchoqlarga ega bo‘lish; kuyovning butun fikri-zikrini tortib olish;
aytganlarini bir zumda muhayyo qiladi, deb o‘ylash; o‘z uyini o‘z xohishicha bezash;
o‘z xohishicha bekalik qilish;
unutilmas to‘y sayohatlari kabilardan iborat, deb bilishadi. Kelinlikning o‘ziga xos sinovlari ko‘ziga ko‘rinmaydi.