Vitaminlarga xos sifat reaksiyalar

Reaktivlar: a) E vitaminining yog`li konsentratini 0,15% li etil yoki butil spirtidagi eritmasi, b) konsentrlangan nitrat kislota.
Ishning bajarilishi: E vitaminining spirtli eritmasidan bir necha tomchi olib, ustiga 8-10 tomchi konsentrlangan nitrat kislotadan sekinlik bilan qo’shiladi va probirkalar sekin chayqatiladi. 1-2 daqiqadan keyin probirkadagi aralashma qizil yoki sarg`ish-qizil rangga kiradi. Reaksiya juda shiddat bilan boradi, shuning uchun nitrat kislotani probirka devoridan sekinlik bilan qo’shilishi va bu ishlar tortuvchi shkaf tagida olib borilishi kerak bo’ladi.


Temir xlorid bilan olib boriladigan reaksiya
Tokoferollar temir xlorid bilan oksidlanib, temir xlorid FeCI₂ gacha qaytariladi. Fe²⁺ ioni ortofenantrolin bilan reaksiyaga kirishib, Fe(C₁₂H₈N₂)₃ ning kompleks ioni xosil bo’ladi va natijada eritma qizil rangga bo’yaladi.
Tokoferollar temir xlorid bilan oksidlanganda piran halqasining buzilishi amalga oshadi va oksialkilxinon hosil bo’ladi.
Reaktivlar: a) vitamin E ning 0,15% li etil spirtidagi eritmasi, b) 0,2% li temir xloridning spirtli eritmasi (bu eritma qorong`u joyda saqlanishi kerak), v) ortofenantrolinning 5% li spirtli eritmasi.
Ishning bajarilishi: 1-2 ml vitamin E ning spirtli eritmasiga 1 ml ortofenantrolin qo’shiladi va temir xlorid tomchilatib turiladi. Bu ish qizil rang hosil bo’lguncha amalga oshiriladi.


Vitamin K ga xos sifat reaksiyalari
K vitamini qon ivishida asosiy omil hisoblanadi. Vitamin K yashil o’simliklarning xloroplastlarida sintezlanadi. Uning molekulasi 2-metil 1,4-naftoxinon va fitol spirtidan tuzilgan. K vitamini bosh va rangli karam, pomidor, qovoq, na’matakning mevasi, beda, petrushka, sabzi, yel va qarag`aylarda bo’ladi. Undan tashqari mol go’shti, buyrak va jigarda bo’ladi.

Vitamin K₁
Anilin bilan boradigan reaksiya
2-metil1,4-naftoxinon anilin bilan reaksiyaga kirishib, 2-metil-3-fenilamino-1,4-naftoxinonni hosil qiladi va bu qizil rangli bo’ladi.