«vismut-surma telluridlari asosidagi yarimo’tkazgichli plyonkalarning tenzorezistiv xususiyatlarini tadqiq etish»

Tadqiqotda qo’llanilgan metodikaning tavsifi:
Belgilangan vazifalarni hal qilish uchun avvalo tezorezistorlardan nima maqsadlarda foydalanishni anglab yetish,tenzorezistor turlari bilan tanishib chiqish, yarimo’tkazgichli tenzorezistorlarning o’tkazgich, folgali tenzorezistorlardan afzallik tomonlarini o’rganib chiqish, tezorezistorlarning afzallik tomonidan tashqari kamchilik tomonlarini ham tadqiq etishdan iborat. Tadqiqot ishining asosiy qismida Vakuumli issiqlik bug’latish yo’li bilan olingan polikristall yupqa plyonkalarning elektrofizik parametrlarini o’lchash metodikasi qo’llanilgan. Geterogen strukturaning parametrlarini o'lchash uchun egiluvchanlikka ega bo'lgan konsol balkadan foydalaniladi. Olingan namunalar balka ustiga qattiq o'rnatilgan bo'lib, eksperimental ma'lumotlar geterogen polikristall yupqa paralarning elektr qarshiligidagi qaytarilmas o'zgarishlarini aniqlash imkoni beradi. Polikristall yupqa plyonkalarning volt-amper xarakteristikasi standart sxema orqali doimiy tokda xona haroratida o’lchangan. Potensiometr orqali namunadagi tokni va kuchlanishlar tushishini moslashtirilgan va mos ravishda ampermetr B7-35 va voltmetr B7-38 yordamida olchalgan, quvvatlantirish manbai sifatida akkumulyator ishlatilgan.
Tadqiqot natijalarining nazariy va amaliy ahamiyati: Dissertatsiya ishida qo‘llanilgan metodlar yarimo’kazgichlarning xossalarini o‘rganishda, ularda yuz beruvchi fizik jarayonlarni tushuntirishda muhim ahamiyatga ega. Bundan tashqari, yarim o’tkazgichli moddalarning xossalaridan foydalanilgan holatda o’tkaziladigan eksperimental natijalar o‘quv jarayonida xususan fizik mutaxassislar tayyorlashda, yarimo’tkazgichli yupqa pardalarning xususiyatlari, ularda yuz beruvchi jarayonlarni o‘rgatishda katta ahamiyatga ega.
Dissertatsiya ishining tuzilmasi tavsifi: dissertatsiya ishi kirish, 3 ta bob, xulosa va muallifning chop etilgan ishlari, foydalanilgan adabiyotlar ro’yxatidan iborat. Dissertatsiya materiallari 81 betda bayon etilgan bo’lib u 31 ta rasm, 11 turdagi jadval va 27 ta formuladan iboratdir.