Virusli gepatit

5-ilova


6-ilova

Vaziyatli masala № 1
Bemor 8 yoshda.
Yuqumli kasalliklar shifoxonasiga quyidagi shikoyatlar bilan olib kelindi.
Onasining shikoyatlari: kasallik to’satdan soat 18⁰⁰ da boshlanib, tana harorati 39⁰ C ga ko’tarilishi, boshida chidab bo’lmas darajada og’riq paydo bo’lib, qusa boshlashi, alahsirab hushdan ketishiga.
Anamnezidan: onasining so’ziga qaraganda bola maktabdan 16⁰⁰ darmonsizlik va ishtahasi yo’qligidan shikoyat qilib kelgan va uxlagan.
Ob’yektiv tekshiruvda: umumiy ahvoli og’ir. Tana harorati 40ºC. Bola boshini orqaga tashlab, oyoqlarini tizza va chanoq-son bo’g’imlarida bukib, qorniga tortib yotibdi. Es-hushi aniq emas, vaqti- vaqti bilan alahlaydi. Terisi oqargan, nafas olishi og’iz-burun orqali aralash tipda, 1 daqiqada 20 ta. Puls 1 daqiqada 120 ta, yurak tonlari bo’g’iqlashgan.A/B 110/70 mm.im. ust. Og’iz bo’shlig’i ko’zdan kechirilganda halqum orqa devori qizargan, shishgan. Meningial simptomlar: ensa mushaklari tarangligi, Kernig, Brudzinskiy simptomlari musbat.
Eslatma: Quyidagi savollar asosida vaziyatli masalani tahlil qiling.
Savollar:
1. Sizning taxminiy tashxisingiz?
2. Tasdiqni tasdiqlash uchun qanday laborator tekshiruvlar o’tkazilishi kerak?
3. Qanday davo chora tadbirlari o’tkaziladi?





Vaziyatli masala № 2
Bemor bola 3 yoshda.
Onasining shikoyatlari: tana harorati ko’tarilishi, bezovtalanishi, ishtahasi pasayishi, yo’tal, uyqusizlik, tovushi xirillashiga.
Anamnezidan: onasining gapiga qaraganda kasallik ertalab tana harorati 38ºC ga ko’tarilishi, bezovtalik, ishtahasining pasayishi, oldiniga quruq, keyin xurujsimon, qo’pol, it akkillashiga o’xshash yo’tal, ovozining xirillashi bilan boshlangan. Ob’ektiv ko’rikda: umumiy ahvoli og’ir, tana harorati 38,4ºC. Bemor bezovta, atrofga qiziqishi yo’q. Yuzi azoblangan, ko’zlarida qo’rquv alomati kuzatiladi. Boshining sochli qismi va yuzi sovuq ter bilan qoplangan. Terisi oqargan, lablari va burun-lab uchburchagida sianoz kuzatiladi. Nafas olishi yuzaki, og’iz-burun orqali, nafas soni 1 daqiqada 35 ta, nafas olishda qo’shimcha mushaklar qatnashmoqda.Tomir urishi tezlashgan, bir daqiqada 100 marta. Yurak tonlari bo’g’iqlashgan. Nafas olishi qiyinlashib, ovoz bo’g’ilishi kuchayib, ovozsiz yo’tal kuzatilmoqda.