Video: Ja si I përshëndet fansat Ballist Morina pas lirimit nga burgu

Shkrimi i “Express.co.uk”:

Të rinjtë shqiptarë janë larguar nga vendi duke kërkuar punë përreth kontinentit. Disa përdorin marrëveshjen e Shengen në BE për udhëtim pa viza drejt rrugës së tyre në Itali dhe në Gjermani për të punuar dhe për të marrë para dore, ndërsa të tjerë rrezikojnë duke kaluar ilegalisht në Mbretërinë e Bashkuar.

Situata në vend është e tmerrshme, shumica e familjeve janë ndarë me fëmijët, të cilët largohen nga vendi sa më shpejt që të kenë mundësi.

“Express.co.uk” foli me pronarët e bizneseve të cilët pretendojnë varfëria i ka dëmtuar. Burra të moshuar që qëndrojnë në rrugë, shesin këpucë, përpiqen të shesin pula. Dhe ata duan një gjë…Të integrohen në Bashkimin Europian.

LIVE/ Ndiqni mbërritjen e Kombëtares Shqiptare në Rinas

Kombëtarja Shqiptare e Futbollit ka mbërritur në aeroportin e Rinasit, ku po priten nga Kryeministri Edi Rama.

Fotogaleri/ Kombëtarja mbërrin në Rinas, nisin ceremonitë
Kombëtarja shqiptare e futbollit ka mbërritur në Rinas pas pjesëmarrjes në Kampionatin Europian të Futbollit. Në aeroport është duke u zhvilluar një ceremoni e veçantë për pritjen e tyre.

I pranishëm është edhe kryeministri Rama, ministrja e Arsimit dhe Sportit, Lindita Nikolla dhe të tjerë përfaqësues shtetërorë.

Pas ceremonisë në Rinas, Kombëtarja do të vijojë më pas pritjen në Bashkinë e Tiranës, Kryeministri dhe Ministrinë e Jashtme.

Ndërkohë përshëndetja me tifozët do të ndodhë në mbrëmje në Sheshin “Nënë Tereza”.

Ora 15:50– Ekzekutohet himni i Shqipërisë, në podium Edi Rama, De Biasi dhe Lorik Cana.

Edhe kreu i Qeverisë ka parashikuar pritje për futbollistët në Kryeministri dhe ndalesa e fundit do të jetë tek ‘Fan Zone’ në sheshin Nënë Tereza, ku do të takohen me tifozët.

Fotolajm/ Ja autobusi që do sjellë Kombëtaren në Tiranë

Ky është autobusi me të cilin Kombëtarja e futbollit do të përshkruajë rrugën nga aeroporti i Rinasit për në Tiranë ku edhe do të përshëndetet me tifozët.

Është parashikuar që në mbrëmje Kombëtarja të jetë në Sheshit “Nënë Tereza” pranë Fan Zone Tirana.

Ndërkohë ceremoni do të organizohet edhe në Bashkinë e Tiranës dhe Ministrinë e Jashtme, ku do t’u jepen pasaportat diplomatike.

Julian Deda ka një mesazh: “Mos e politizo kombëtaren”
Aktori i mirënjohur i humorit Julian Deda, i sapokthyer në Shqipëri pas një vizitë në SHBA, duket se është përballur menjëherë me realitetin e përditshëm këtu. Është ai realitet që ka të bëjë me përdorimin politik të edhe atyre pak gjërave të bukura që u kanë ndodhur shqiptarëve këto kohë, si përshembull kombëtarja në Euro2016.

Në prag të mbërritjes së kombëtares në atdhe, një reagim në rrjetin e tij social Deda bën këtë apel dhe kuptohet se për kë: “Sot mberrin ne Rinas ekipi jone kombetar.

Nuk me shqeteson fakti, qe Kryeministri do dale ti prese, por jam kunder privatizimit te kombetares.

Shpresoj te mos perseritet ajo qe ndodhi kur u kualifikuam. Nuk mund ta kthesh festen ne favorin tend, sepse ky triumf nuk te perket vetem ty, por ne rradhe te pare futbollisteve dhe tifoze, te cilet meritojne fjalet me te mira. Larg duart nga kombetarja. Mos e politizo te vetmen gje perfaqesuese qe kemi..!”.

Dhe kur e mendon a nuk ka kaq shumë të drejtë?!…

Foto prekëse/ Rinas, sot u kthyen edhe komandot nga Afganistani
Janë kthyer sot në Shqipëri, pas 6 muajve në mision ushtarak në Kabul të Afganistanit, forcat komando të Ushtrisë Shqiptare.

Familjet dhe fëmijët e tyre kishin rezervuar për ta një pritje shumë më emocionuese se pompoziteti i pritjes së Kombëtares së futbollit, që përkoi në të njejtën ditë.

Video/ Kur Noizy rrihej me grushta...
Siç ka rrëfyer më herët, jeta e tij dikur ka qenë krejt ndryshe dhe me shumë probleme. I rritur në një ambient emigrantësh shqiptarë në Londër, Rigelsi atë kohë adoleshent, ishte i zhurmshëm dhe sherrxhi, arsyeja pse mësuesit në shkollë ia ngjitën nofkën “Noizy”.

Ndonëse i rrethuar nga dhuna, Noizy arriti të shkëputet nga ndeshjet e “street fight” dhe me t’u fokusuar në muzikë, reperi u kthye menjëherë në atë që sot, udhëheq turrmat e fansave shqiptarë.

Rigels Rajku ka kujtuar kohët e sherreve përmes disa postimeve në IG, si për të vërtetuar ato ndeshjet me baste, që shumë i kemi dëgjuar por nuk i kishim parë.


Kukës/ Mbytet në liqen një vajzë 17-vjeçare

Një vajzë 17 vjeçe është mbytur tragjikisht në liqenin e Fierzës mesditën e sotme. Adoleshentja dyshohet se ka rrëshqitur dhe ka rënë në ujët e liqenit, që më pas ka ndërruar jetë.

Adoleshentja shoqërohej nga një shoqe e saj në momentin kur ka ndodhur ngjarja e rëndë.
Pasaportat diplomatike, ka kush i përfiton nga Kombëtarja

Ata që do të përfitojnë pasaportat diplomatike do të jenë 23 lojtarët që na përfaqësuan në Kampionatin Europian, trajneri De Biasi, Tramezzani, Armando Duka, Erion Bogdani, si dhe menaxheri Alban Bushi.

Kombëtarja shqiptare do të mbërrijë në Tiranë pasditen e sotme pas përfaqësimit dinjitoz në Euro 2016 dhe përveç pritjes që do t’i bëhet, stafi i kombëtares do të bëjë edhe aplikimin për pasaporta diplomatike

Ky është vendimi i firmosur nga kryeministri Rama, i cili menjëherë pas fitore me Rumaninë i premtoi të gjithë lojtarëve të kombëtares pajisjen me pasaporta diplomatike.

Mësohet se ata që do të përfitojnë pasaportat do të jenë 23 lojtarët që na përfaqësuan në Kampionatin Europian, trajneri De Biasi, Tramezzani, Armando Duka, Erion Bogdani, si dhe menaxheri Alban Bushi.

Pasaportat janë gati. Kombëtarja do të bëjë aplikimin brenda zyrave të ministrisë.

Gjermani/ Të shtëna me armë në një kinema, të plagosur dhe pengje
Të paktën 20 persona kanë mbetur të plagosur nga të shtëna me armë në një kinema në Gjermaninë Perëndimore.

Mediat gjermane raportojnë se, një person i maskuar dhe armatosur ndodhet brenda në kinema, ku edhe dyshohet të ketë marrë peng disa persona.

Ndërkohë ende nuk dihet nëse ka viktima.

Ngjarja ka ndodhur në kompleksin Kinopolis në qytetin e Viernheim.

Një person i armatosur dhe i maskuar ka hyrë në kinemanë Viernhein të Gjermanisë, duke shtënë me armë zjarri.

Personi është i veshur me maskë dhe me mbrojtëse, i cili ende gjendet brenda kinemasë.

Policia ka rrethuar zonën.

Tiranë/ Aksident në Sauk, humb jetën një grua
Një aksident me pasojë vdekjen ka anodhur pasditen e sotme në rrethrrotullimin e Saukut në Tiranë.

Viktimë ka mbetur një grua, identiteti i së cilës nuk dihet ende.

Ndërkohë policia mbërriti në vendin e ngjarjes dhe ka nisur hetimet, ndërsa është bërë shoqërimi i shtetasit Z.D. që drejtonte mjetin tip “Mercedez Benz” që shkaktoi aksidentin.

Foto/ Ja kush është shqiptari i arrestuar për prostitucion në Itali
Shqiptari i arrestuar nga policia italiane në Caserta është Asim Koleci, shkruajnë sot mediat italine.

29-vjeçari akuzohet për prostitucion dhe për grabitjen e një vile në Itali, në vitit 2002.

Koleci, personi që shihni në fotografinë më poshtë, raporton syri.net, kërkohej prej rreth një viti nga policia italiane.


Festimi i humbjes, tradita e re e Edi Ramës!
Nga Enton Abilekaj
Vapë, ora 15 42. Forca të Gardës së Republikës me veshje të rënda pas një pritjeje 1 orëshe në zheg, Kryeministri me kostum dhe Ministrja përgjegjëse për sportin bashkë me të, të dy të kujdesshëm për kombinimin kuqezi, presin të hapet dera e avionit për të filluar shfaqjen. Ja ku hapet, me siguri, gardistët e ceremonialit po psherëtijnë të lehtësuar, në prag të fundit të torturës, për kryeministrin është e kundërta; shfaqja e tij po fillon.

Edhe kombëtarja është pjesë e protokollit, Presidenti, trajneri, kapiteni, autori I golit të vetëm dhe pastaj të tjerët. Me radhë përqafohen me Kryeministrin dhe me Ministren. Problemi më I madh I tyre nuk është vapa, por shprehja e fytyrës, a duhet të shprehin gezim apo trishtim.

Ata nuk janë aktorë, por një rol mund ta kishin luajtur nën regjinë e një piktori. Protokollit në këtë pikë nuk I ka shkuar mendja, disa dalin të qeshur, të tjerët e ruajnë akoma trishtimin në sy dhe në cehre. Pavarësisht kësaj, “The show must go on”. Presidenti I Federastës zhduket dhe në podium shfaqet kryeministri me trajnerin dhe kapitenin për të nderuar himnin kombëtar (kolona zanore default).

Pas cmalljes me cunat në zonën VIP të aeroportit, Ai I hipën ata në një autobus të marrë enkas, në një nga ata autobusë që kemi parë të udhëtojnë kampionët e Trofeve më të rëndësishme të botës dhe niset për të korrur lavdinë.

Një I huaj do të pyeste, cfarë ka ndodhur? Cfarë fitoi Shqipëria? A perfundoi Europiani? Por shqiptarët nuk pyesin, megjithëse as mund t ‘u përgjigjen këtyre pyetjeve. Shqipëria u rendit e 20-a në Europian, ishte ndër humbëset e para, por prapë po feston.

Një festë jo e zakonshme, protokollare, e organizuar deri në detaje nga qeveria, me celësa bashkie dhe pasaporta diplomatike, me pritje zyrtare dhe darkë festive. Pse u bë festë atëherë? A nuk u bë festa pas fitores në Armeni? Ndoshta duhej një bis, pas dështimit të skenarit dhe regjisë së atëhershme. Ndoshta duhet dhe një festë tjetër, ndoshta u duhet thënë shqiptarëve se duhet të festojmë, pavarësisht nga rezultati, se rezultati nuk është I drejtë, se meritonim më shumë.

Dhe vertëtë meritonim më shumë, rezultatet nuk ishin të drejta në asnjë nga ndeshjet që bëmë, por as në ndeshjet e grupeve të tjera, ku vendet e treat morën rezultatin që dëshironin, duke patur favorin e njohjes së rezultatit të kombëtares Shqiptare.

Vërtetë ndryshuam imazhin jo vetëm për futbollin, por edhe për shqiptarët, me atë tifozeri paqësore dhe festive që pushtoi Lensin, Marsejën dhe Lionin. Vërtetë Shqipëria bëri figurë të mirë dhe demonstroi më të mirën e vet, por rezultati nuk ishte pozitiv. Festa nuk është e justifikuar, aq më tepër në përmasa të tilla. Atëherë pse festojmë?

Mos ndoshta duhet të ndryshojmë këndvështrim për humbjen? Është nëjsoj si të gëzohemi se Shqipëria po zhvillohet përderisa qeveria po përpiqet dhe po bën maksimumin, pavarësisht se njerëzit ndihen të varfër, pavarësisht se institucionet ndërkombëtare e shprehin hapur alarmin, pavarësisht se bizneset e huaj e bërtasin Lamtumirë.

Është njësoj si të gëzohemi se nuk ka më krim se qeveria po bën maksimumin, pavarësisht se kërcasin armët në mes të bllokut, është sit ë gëzohemi që nuk ka më kanabis që kur u clirua Lazarati, pavarësisht se kudo në Shqipëri lulëzon trefletshi I bëkuar nga deputetë të maxhorancës, është njësoj si të gëzohemi se nuk ka më korrupsion që kur u hap Transparence.al, pavarësisht se 2 % e prodhimit të përgjithshëm bruto të vendin humbet në dogana dhe tatyime, është njësoj si të gëzohemi se kemi turizëm pasi u rregulluan 2 shëtitore fshatrash, pavarësisht se rrugët kryesore janë të bllokuara dhe plazhet nën gërmadha, është njësoj si të gëzohemi se reforma në drejtësi do na bëjë anëtarë të Bashkimit Europian, pavarësisht se kriminelët qeverisin në parlament apo në krye të Bashkive.

Eshtë nëjsoj si të gëzohemi se nuk ka më varfëri që kur rilindja rregulloi qendrat e qyteteve, pavarësisht rritjes së numrit të njerëzve që jetojnë në varfëri të plotë, shtimit të emigracionit dhe uljes së shpenzimeve. Sepse sot po festojmë një humbje, një humbje shumë dinjitoze, për të cilën organizatori I festës nuk ka asnjë pjesë të meritës, por vetem të fajit.

Nuk ka meritë se nuk ka bërë asnjë fushë ku fëmijët shqiptarë të luajnë, nuk ka lënë asnjë obbor pallati që kur ishte në Bashkinë e Tiranës, ku t’I bien topit një herë, nuk ka subvencionuar asnjë akademi futbolli dhe as ka bërë ndonjë kontroll në akademitë private, nuk ka nxitur asnjë klub futbolli më politika fiskale favorizuese.

Ndaj e kërkon meritën të disenjimi I bluzës së kombëtares, ndaj kërkon të shesë biznesin privat për stadium kombëtar. Ndërsa ata që bënë historinë në Francë, po kërkojnë të përshendeten me tifozët dhe ndoshta t’u shprehin ttrishtimin që nuk bënë dot më shumë, Edi Rama, po themelon një traditë të re, festimin e humbjes.

Autori është Drejtor i Informacionit në “News 24”
Foto+16/ Skandali, çifti bën seks “live”, kolegët e duartrokasin

Britania e Madhe vijon të trondisë me shfaqjet televizive, të cilat po bëjnë bujë anembanë globit.

Në një tjetër reality-show që transmetohet në “ITV2”, ka ndodhur një ngjarje e cila i ka lënë gojëhapur shikuesit.

Dy prej banorëve të “Love Island” gjatë transmetimit direkt, në pjesën e djeshme, kanë bërë seks teksa banorët e tjerë i dëgjonin, i përgjonin, madje i stimulonin të vazhdonin më tej.

Por pjesa më interesante ishte kur çifti mbaroi së bëri seks, gjithë banorët e tjerë i duartrokitën.

Nëse keni penis të vogël, do të thotë…
Madhësia e penisit është diçka me të cilën meshkujt kryesisht identifikohen, ndërkaq ndonjëherë shkaktarët përse dikush ka organin gjenital të vogël nuk janë vetëm rast fatkeq.

Shumica e meshkujve, të cilët kanë penis të vogël, turpërohen që lidhur me këtë të bisedojnë me këdo qoftë, madje edhe me mjekët.

Mirëpo, nuk është mirë të mos bisedohet, sepse shkaktari mund të jetë ndonjë çrregullim siç është ky.

Sindroma e Klinefelterit është çrregullim gjenetik që e përfshin mesatarisht një ndër 450 meshkuj në botë.

Është një sëmundje pak e diagnostikuar dhe pak e njohur pavarësisht se është një ndër anomalitë më të zakonshme në numrin e kromozomeve.

Meshkujt që janë të prekur kanë të paktën një kromozom seksual X më shumë krahasuar me çiftin normal XY, me një numër të përgjithshëm prej 47 ose më shumë kromozomesh.

Ja pse njerëzit duhet të pikturojnë...

Një studim amerikan ka zbuluar se piktura ndihmon për të luftuar çrregullimet e ankthit dhe sulmet e panikut. Nuk ka nevojë të jeni piktorë apo artist.

Ajo që rezulton terapeutike është thjesht përdorimi krijues i ngjyrave dhe penelave.

Ankthi dhe sulmet e panikut mund të luftohen me anë të proceseve krijuese, duke shmangur kështu simptomat ekstreme që ato sjellin si marramendje, të vjella, mbytje, takikardi dhe frikë.

75% e pjesëmarrësve në studim kanë treguar përmirësim të dukshëm në gjendjen e tyre të humorit, pavarësisht se çfarë kishin pikturuar.
Rrëfimi+18/ Bëra seks me zyshën time, por s'e përballoj dot...

Thonë që dashuria nuk njeh moshë, por a nuk ka ardhur koha ta quajmë klishe këtë gjë? Një djalë i cili është vetëm 19 vjeç i ka shkruar psikologes së "The Sun", duke kërkuar ndihmë për situatën në të cilën ndodhet tani.

Ai prej kohësh ka rënë në dashuri me zyshën e tij të kimisë, madje dhe është shpërngulur në apartamentin e saj, por nuk ka parashikuar se çfarë do t'i ndodhë më pas.

Ja çfarë i ka shkruar ai psikologes së "The Sun".

Letra e djalit:

“Jam 19 vjeç dhe jam në përfundim të vitit të parë të fakultetit. Por që në nisje të këtij viti akademik unë nisa të flirtoja me zyshën time të kimisë e cila po ashtu ma ktheu me të ‘njëjtën monedhë’.

Ne prej disa muajsh jemi të lidhur dhe kemi filluar ta forcojmë edhe më shumë ndjenjën tonë. Vetëm pak kohë më parë unë jam zhvendosur në apartamentin e saj dhe jetojmë së bashku. Edhe pse ajo është 10 vite më e madhe se unë, ky fakt nuk më pa penguar aspak të jem me të!

Por një tjetër problem shumë i madh më ka dal…ajo është shtatzënë dhe unë nuk jam ende gati të jem një baba adoleshent. Nuk di si të veproj apo çfarë zgjidhjeje t’i jap kësaj situate”.

Përgjigjja e psikologes:

“Së pari duhet të dish që zysha jote ka dalë kundër ligjit duke pasur një lidhje intime me nxënësin e saj…por le ta lemë mënjanë këtë pjesë!

Ti vërtetë je adoleshent, por je i rritur mjaftueshëm për të kuptuar se si bëhet një fëmijë dhe si masat mbrojtëse gjatë seksit mund ta parandalojnë.

Në bazë të ligjit ti je i aftë të kujdesesh për një fëmijë dhe nëse partnerja jote vendos që do ta mbajë dhe ta sjellë në jetë atëherë t’i duhet të përballesh me përgjegjësitë që të takojnë”.

Thellohet skandali, Anjeza Shabani ka dhunuar edhe dy fëmijë të tjerë

Mesa duket skandali i dhunës ndaj 3-vjeçarit nuk është i vetmi. Anjeza Shabani ka dhunuar edhe dy fëmijë të tjerë në kopshtin e saj.

Kështu, ndaj administratores janë bërë edhe dy kallëzime të tjera nga dy prindër që dërgonin fëmijët e tyre në këtë kopsht.

Sipas kallëzimeve, prindërit pretendojnë se Shabani ka dhunuar fëmijët e tyre, ndërsa vetë 32-vjeçarja ka dëshmuar se rasti i 3-vjeçarit ishte rasti i vetëm ku ajo ka ushtruar dhunë.

Zbulohet arsyeja pse policia vrau personin që hyri i armatosur në kinema

Një person i maskuar, i cili raportohet se hyri sot në një kompleks kinemash në Gjermaninë Perëndimore dhe nisi të qëllonte me armë, është qëlluar për vdekje, tha ministri i brendshëm Peter Beuth.

Peter Beuth tha se, policia mësyu në kompleksin Kinopolis në Viernheim, pranë Frankfurtit, pasi u raportua për të shtëna në orën 2:45 të pasdites.

“Policia mendoi se vrasësi po mbajte pengje dhe për këtë shkak ai u qëllua për vdekje”,- shtoi ai, raporton BBC.

Të paktën 20 njerëz raportohet se janë lënduar.

Shumica janë duke vuajtur nga efektet e gazit lotsjellës që hodhi policia, teksa mësyu në kompleks.

Fotolajm/ Vjen Kombëtarja, helikopteri i RENEA-s ‘vishet’ Kuqezi
Në pritje të ceremonisë për të përshëdetur ekipin kombëtar të futbollit, helikopteri “Mil-Mi 8” kreu disa kalime mbi Tiranë i veshur me flamurin kombëtar.

Ky helikopter i cili prej vitesh është në shërbim të forcave speciale policore “RENEA”, është me ngjyra bardh e blu në origjinal, por sot në okazion të Kombëtares së futbollit, edhe ai u vesh me ngjyrat e simbolit kombëtar.

Mil-Mi 8 ishte sot roja ajrore e autokolonës së Kombëtares Kuq e Zi, nga Rinasi në Tiranë.
“Faleminderit Rike!”/ Pas De Biasit, Rama falenderon tifozen seksi

Pjesë të fjalimit të Edi Ramës përballë kombëtares.

Për tifozët: Është një privilegj që tiu uroj me mirënjohjen më të madhe këtë kthim të paharueshëm në atdhe pas misionit në francë ku latë pas edhe falë lojtarit të 12, tifozëve, një imazh të paharruar. Jo vetëm kjo sallë po asnjë stadium nuk do.

Kjo duatrokitje ishte një duartrokitje për cdo shqiptar për të qëndrouar pranë jush e morën rrugën drejt Francës nga të gjitha viset ku jetojnë shqiptarë dhe patën në këtë europian një skuadër të vërtetë dhe një.

Qershia mbi tortë vazja që mori më shumë pëlqim për bukurinë e saj ishte një fanse kuqëezi.

Për emocionet:

E di mirë që filmi kthehet e kthehet mbrapsh tek dy rastet ku vetëm për vetëm me portierin, i fundit të ndeshjes me Francën apo apo ai dreq goli i dytë.

I thashë Dukës pas eleminmitë që kush nga ju e kush nga ne nuk do ta kishte pranuar këtë film që kthehet e rikthehet me dhimbjen e skualifikimit. Shyqyr që nuk e parashikuam që do të ishit kaq të mrekullueshëm se kushedi sa do të ishte premio.

Prandaj djema asnjë pishman pse u kthyet për vetëm një gol por vetëm krenari që e bëtë të ndjehet këtë popull. Tani po tani mund të them që e kam skuadrën time tha Giani dhe shtoi se kjo skuadër është gati për të përballuar eleminatoret e botërorit.

Falenderimi për Gianni De Biazin

Xhani o xhan falimenderit mik i shtrenjtë! Ti je një axurr i vërtetë ku hy për të mos marrë kot, dhe një kuqezi (jo milanist) kur gjen forcë edhe kur nuk ka asnjë pikë gjak.

Të jemi mirënohës sepse krijove një skuadër të vërtetë dhe e bëre një histori suksesi që është një shembull frymëzues për ne nëse gjejmë bashkimin brenda nesh përgjatë rrugës tonë të mundishme drejt një ëndrre.

Do ta kem peng qe nuk e nxorra nga xhepi im iphonen time për të xhiurar fjalimin tënd ndaj skuadrës pas përfundimit të ndeshjes me Serbinë ku humbëm. Më vjen keq që historia shqiptare nuk do ta ketë të regjistruar atë fjalim si leksion lidershipi që shërbeu si ringritje pas atij momenti të vështirë. Pas atij fjalimi nisi rikthimi që u shpërblye me

Krenar për ty, për të madhin Tramezzanin dhe për të gjithë bashkëpunëtorët e tu.

Falenderimi për Lorik Canën

Faleminderit Lorik. E di vllai im sesa keq e ke përjetuar kartonin e kuq që të pengoi të futeshe në stadiumin e skuadrës tënde Marsejsë. Por imazhi yt ka shërbyer shumë si model lidershpi për skuadrën. Ti do të mbetesh gjithmonë kapiteni i skuadrës që si në ditë të mirë ashtu edhe në atë të vështirë nxirrje më të mirën tënde. Një duartrokitje edhe për babain në pritje që me të drejtë zgjodhi sot të ishte pranë nënës dhe bebit, Elsi Hysaj

Falerminderit Armandos

Punë e shkëlqyer President, mos e mbaj kokën mbrapa. Asgjë nuk e zbeh këtë histori suksesi që është edhe historia jote e suksesit.

Dhe dy fjalë stadiumin e ri…

Ne kemi nisur Arenën Kombëtare dhe ju do të keni këtu në shtëpi një nga stadiumet më të mira. Edhe unë si Giani jam i sigurtë që kombëtarja do të na dhurojë sadisfaksione të reja. Në hyrje të stadiumet do të ketë një pllakatë me të gjithë emrat tuaj dhe dedikimin “Kjo arenë i dedikohet, kombëtares së Euro2016”.

Foto/ Vajzën e Eli Farës përvëlohet nga dielli?
Temperaturat e larta dhe dielli i fortë i ditëve të fundit duket se ia kanë dëmtuar lëkurën Marinës.

Pavarësisht problemeve të dukshme dhe në foto, juristja e njohur e IG, ka provokuar me një seri fotosh ku reklamon trupin me forma bombastike që duket si çokollatë.

Por, nuk përjashtohet mundësia e filtrave që ajo ka vendosur mbi foto, që këtë rradhë duket se e kanë turpëruar.

24/06/2016/.................................


Ankthi pas Brexit, reagimet pas referendumit
Presidenti i Këshillit Europian, Donald Tusk qe nga të parët që komentoi Brexit-in duke thënë se përbën një "moment politik shumë serioz, madje dramatik" dhe këmbënguli se është i përkushtuar të ruajë unitetin e 27 vendeve të BE-së.

Bashkimi, ishte komenti i tij, është korniza e ardhmërisë tonë të përbashkët

“Nuk ka pse e fshehim faktin që dëshironim një tjetër rezultat të këtij referendumi. Jam plotësisht i ndërgjegjshëm se çfarë pasojash dramatike do të ketë ky zhvillim politikisht, por dua t’i siguroj të gjithë se jemi të përgatitur edhe për këtë skenar negativ. I kam kaluar dy ditët e fundit duke diskutuar me liderë të BE-së mbi mundësinë e një Brexit-i”, tha Tusk.

Qëndrimin e tij kryetari i Komisionit Europian Jean-Claude Juncker e pati paralajmëruar që përpara votimit.

“Politikëbërësit britanikë dhe votuesit britanikë duhet ta dijnë se nuk do të ketë asnjë lloj rinegociimi. Jashtë është jashtë!”, deklaroi Juncker.

Në Parlamentin Europian lajmi i fitores së kampit në favor të largimit, ka sjellë trishtim.

“Ky është një moment i vështirë për të dyja palët, si për BE-në, ashtu dhe për Mbretërinë e Bashkuar. Tani do të fokusohemi tek aspekti ligjor e ai procedurial për të parë hapat që do të hidhen në vazhdimësi. Po hyjmë në kohë të trazuara, e na lipset stabilitet”, deklaroi Presidenti i PE-së, Martin Schulz.

Kancelarja Angela Merkel shprehu keqardhje të thellë pas lëvizjes britanike për largim.

“Po jetojmë në një botë të trazuar, por Europa duhet të qëndrojë e qetë dhe e bashkuar, e si një e tërë duhet t’i bëjë dhe analizat e marrjen e vendimeve”, u shpreh Kancelarja.

Shefja e ekzekutivit gjerman do të mbajë të hënën në Berlin një samit post Brexit-it me kryeministrin italian Matteo Renzi, me kreun e KE-seë,Tusk dhe presidentin francez Francois Hollande. Lëvizja nxjerr në pah vendosmërinë e kancelares për ta mbajtur bllokun të bashkuar, pavarësisht presioneve politike apo atyre populiste në mbarë kontinentin. Të katërt ata do të përgatiten me pas për takimin e Këshillit Europian që Tusk do të drejtojë ditën e mërkurë./TCh/

Arian Çani: Brexit, një superlajm i mirë
Gazetari i njohur, drejtues i emisionit "Zonë e Lirë", ka komentuar për “lapsi.al” rezultatin e referendumit në Angli:

"Lajm i mirë. Brexit fitoi. Demokracia funksionoi. Brexit një leksion i madh për të gjithë mashtruesit me kollare që vazhdojnë ende të mashtrojnë popujt me mitin e rremë të BE.

Por edhe një leksion i madh për të gjithë ata shqiptarë që vazhdojnë të ëndërrojnë se jeta e tyre do të bëhet më e mirë me hyrjen në BE.

Një BE që filloi si një projekt i bukur dhe që përfundoi me kohë në një dështim total dhe hapësirë frustrimi për shtresat e mesme dhe të varfra...

Brexit një super lajm i mirë!",- tha Çani./lapsi.al/


Donald Tramp për daljen e Britanisë nga BE: Është madhështore!
Donald Trump, kandidati i republikanëve për president të SHBA, përshëndeti daljen e Britanisë nga Bashkimi Europian. “Ata (anglezët) rimorën vendin e tyre”,- tha Tramp.

“Ata janë të inatosur për kufijtë. Janë të inatosur sepse njerëzit po hyjnë në vendin e tyre, po përfitojnë dhe askush nuk i njeh”,- iu tha Tramp gazetarëve.

“Ata janë të inatosur për shumë shumë gjëra. Nuk do të jetë kjo e fundit”,- tha Tramp, që nuk dha një përgjigje të qartë si do të ndikojë kjo në fushatën e tij.

“Ata rimorën përsëri vendin e tyre. Kjo është madhështore”,- u shpreh kandidati për president i SHBA, që mbërriti në Skoci, për të vizituar një nga fushat e tij të golfit.

Edhe më parë Tramp kishte mbështetur largimin e Britanisë nga Bashkimi Europian, që sipas tij ishte “një gjë e tmerrshme”. Të enjten, zëdhënësja e fushatës së tij, tha për “Sky News”: “Amerika ka arritur deri këtu, sepse e ka bërë një Brexit”.
Foto/ Ratajkowski na prezanton mamin...

Është një nga modelet më të famshme në botë dhe Emily Ratajkowski ka zbuluar se nga kush e ka trashëguar fizikun që ia kanë zili të gjithë.

25-vjeçarja postoi një foto së bashku me nënën e saj Kathleen në Instagram.

Emily kishte zgjedhur një bikini-leopard, ndërsa nëna e saj një bardhë e zi.

Brexit, Berisha: Europa humbi shumë. Anglia, vendi më i lirë

Daljen e Britanisë nga Bashkimi Europian, ish-Kryeministri Sali Berisha e ka pritur me këto fjalë: “Një ditë e trishtë për të gjithë; fiton Brexit!” – njofton ai miqtë e tij në rrjetet sociale.

Berisha e ka konsideruar humbje për vetë Britaninë, BE, vendet kandidate duke veçuar në fund, Kryeministrin e këtij vendi, për të cilin shkruan me konsideratë tepër të lartë:

“Për UK, promotor kryesor i lires se tregut ne Europe dhe ne bote, rolin e ardhshem e te gjithanshem te saj ne kontinentin tone dhe dhe kontinente te tjera.

Për BE qe deri dje besohej si projekt i parikthyeshem dhe tani humbi njerin prej vendeve me kryesore te tij, humbi Britanine e Madhe dhe se bashku me te anetarin e keshillit te sigurimit me te drejte veto ne OKB, njerin nga dy fuqite e tij berthamore, vendin qe prodhon 1/6 e GDP se BE

Për te gjithe te tjeret qe konsiderojne integrimin ne BE si te ardhmen me te mire te vendit te tyre

Për David Cameron, anglezin e madh qe ra ne kete beteje duke luftuar si luan por dhe duke deshmuar veten si kryeminisri me demokrat i planetit dhe vendin e tij te madh si vendin me te lire te kesaj toke!,” përfundon Berisha.
Vendimi i gjykatës/ Zagani: Bolino falsifikoi dokumentet italiane
Dritan Zagani, ish-oficeri i Policisë së Shtetit që denoncoi zyrtarë të lartë me lidhje kriminale, pretendon se Karlo Bolino, pronari i “Shqiptarja.com” dhe “Report TV”, ka falsifikuar disa dokumente italiane. Megjithëse është marrë si i pandehur dhe dërguar për gjykim nga Prokuroria Për Krime të Rënda për “Shpërdorim të detyrës” dhe “Moskallëzim Krimi”, ai ka dërguar një kallëzim penal nëpërmjet shërbimit postar në Prokurorinë e Përgjithshme të Republikës së Shqipërisë.

Kjo e fundit me shkresën nr. 1518/2 prot, datë 24.11.2015 e ka dërguar kallëzimin për kompetencë në Prokurorinë e Tiranës. Nga përmbajtja e materialit kallëzues rezulton se Dritan Zagani ka ngritur pretendime për disa të dhëna të publikuara ndaj tij në gazetën “Shqiptarja.com” në datën 13.11.2015.

Sipas këtij shkrimi referohet fakti se shtetasi Dritan Zagani paguhej nga 2000-3000 euro për çdo informacion që jepte, nga punonjësi italian A.G, si dhe të dhëna të tjera, të cilat ai pretendon se janë të pavërteta. Ai pretendon se faktet transformohen dhe shtohen me keqdashje, si dhe bëhen publike për qëllime të denigrimit të personit të tij.

Dhe këtë fakt ai ia atribuon shtetasit Karlo Bolino, pronar i gazetës dhe shtetases Ana Pogi, si drejtore e Zyrës së Interforcës Italiane, ku pretendon se në të dhënat e pasqyruara ka elementë të veprës penale të “Falsifikimit të dokumenteve”.

Në lidhje me këtë kallëzim penal është këqyrur nga ana e Prokurorisë, faqja zyrtare e website “Shqiptarja.com” ku pasqyrohet shkrimi “Çështja Zagani” historia e vërtetë e Ana Pogi”.

Në këtë shkrim ndër të tjera referohet fakti se Ana Pogi si funksionare italiane e Zyrës së Interpolit i ka dërguar një shkresë Prokurorisë për Krime të Rënda, sipas kërkesës së kësaj të fundit, për një informacion që është kërkuar për një numër telefoni me të cilin ka komunikuar shtetasi Dritan Zagani dhe ka pasqyruar përmbajtjen e shkresës dërguar nga kjo zyrë, duke publikuar dhe dy shkresat përkatëse.

Po ashtu jepet edhe një përshkrim i pozitës së kallëzuesit për hetimet që zhvillohen ndaj tij.

Për të marrë të dhëna nëse këto dy shkresa rezultojnë të kenë qenë pjesë e procedimit penal dhe për gjendjen dhe shkallën që ndodhej ky procedim penal, nga ana e Prokurorisë së rrethit gjyqësor Tiranë, në kuadrin e veprimeve me karakter verifikues, i është kërkuar informacion Prokurorisë për Krime të Rënda. Kjo e fundit me shkresën nr. 2476 prot, datë 29.12.2015 ka dërguar kërkesën për gjykim në lidhje me procedimin penal nr. 286/1, të vitit 2014, të datës 23.12.2015, pra që daton përafërsisht një viti më parë nga koha që është publikuar shkrimi datë 13.11.2015.

Sipas kërkesës për gjykim rezulton se shtetasi Dritan Zagani është marrë i pandehur dhe dërguar për gjykim për veprën penale të “Shpërdorimit të detyrës” dhe “Moskallëzimit të krimit”. Dy shkresat rezultojnë të jenë pjesë e procedimit penal nr. 286/1, të vitit 2014 ku me to janë njohur si të pandehurit dhe avokatët sipas legjislacionit të tyre.

Prokuroria shkoi në përfundimin se pretendimet e të kërkuesit (ankues), Dritan Zagani në lidhje me vërtetësinë e përmbajtjes së shkresave dërguar nga Zyra e Interforcës, sipas kërkesës së bërë nga Prokuroria, përbëjnë në vetvete objektin e të provuarit të veprës penale për të cilën akuzohet ai dhe pretendimet në lidhje me këto fakte kanë qenë objekt vlerësimi i prokurorit si dhe janë objekt i vlerësimit nga ana e gjykatës gjatë gjykimit të çështjes duke qenë kështu të lidhura ngushtësisht e pashmangërisht me të dhe si të tilla ato nuk mund të qëndrojnë më vete. Sipas Prokurorisë, këto pretendime nuk mund të vlerësohen nga një organ tjetër i ndryshëm nga gjykata, pasi kjo do të sillte ndërhyrje të padrejtë në veprimtarinë e gjykatës.

Akuza thotë se pretendimi për shpifje i Zaganit duhet të ndiqet në gjykatë. “Në analizë të pretendimeve e prapësimeve në lidhje me objektin e kësaj kërkese të parashtruar nga ana e ankuesit, Gjykata krijon bindjen se, nuk provohet prania e shkaqeve që përligjin regjistrimin e procedimit penal dhe për pasojë vijimin e hetimeve paraprake në lidhje me kallëzimin penal të bërë nga ana e Ankuesit Dritan Zagani.

Duke e parë çështjen në këtë këndvështrim, duke iu referuar kërkesave të domosdoshme që paraqet dispozita e posaçme e ligjit material penal, neni 120 i Kodit penal, Gjykata e gjen të drejtë disponimin e organit të prokurorisë për mosfillimin e procedimit penal” thuhet në vendimin e gjykatës./Boldnews.al/

Foto/ Këtij celulari nuk ia ka marrë dot askush për kamera

Deri në fillim të vitit 2016, “iPhone 6S Plus” ishte telefoni me kamerën më të mirë në treg, por kjo ndryshoi shpejt.

“Samsung Galaxy S7” hyri në shkurt të vitit 2016 me kamera edhe më të mirë. Por tani që kanë kaluar disa muaj, celularë të rinj janë futur në garë, duke premtuar t'i thyejnë kundërshtarët me çdo fushë.

Më i fundit që e synonte këtë ishte “Oneplus 3”, i cili erdhi me 6 GB RAM, më shumë se kushdo; me procesor tepër të fuqishëm dhe çdo parametër tjetër në maksimum. Po kamera?

Ekspertë të mediave të ndryshme teknologjike krahasuan menjëherë telefonët, duke futur edhe “Oneplus 3” në garë, dhe rezultati ishte se ndonëse në kushte me dritë të mirë “Oneplus 3” fotografonte njësoj si “S7”, në errësirë e në detaje të tjera fotografike, “Samsung S7” mbetet mbreti i kamerës më të mirë, për momentin.
Foto/ Të lundrosh me “Mercedes Benz”...
Keni ëndërruar të bëni një xhiro me “Mercedes Benz” edhe në det? Kjo tashmë është e mundur fal “Arrow 460-Granturismo”.

Ky është jahti i “Mercedes Benz” me të cilin mund të lundroni atje ku keni ëndërruar.

Kompania e famshme gjermane e makinave, me ndihmën e kompanisë britanike për ndërtimin e varkave “Silver Arrow Marine” ka projektuar këtë jaht luksoz.

I quajtur “Silver Arrows of the Seas”, jahti është 14 metra i gjatë dhe 960 kuaj fuqi. Nxë 10 persona në bord.

Pasojat e Brexit të shpjeguara thjeshtë në këtë video
Forcim i integrimit, rritja e levizjeve të ekstremit të djathtë, krizë qeveritare në Britani dhe rënie në bursa, goditje e rendit liberal politik dhe ekonomik. Shihni këtë video të përgatitur nga bota.al, për pasojat që do të ketë dalja e Britanisë së Madhe nga BE…


Europa dhe Shqipëria pas Brexit