Video: Ja si I përshëndet fansat Ballist Morina pas lirimit nga burgu

Listë e gjatë projektesh të dështuara

Projekti i TEC-it të Vlorës nuk është i vetmi projekt energjetik i dështuar nga Banka Botërore në Shqipëri.

Banka u angazhua si udhëheqëse në zbatimin e projekteve të bashkëfinancuara nga donatorë të tjerë përmes granteve apo kredive për sektorin elektroenergjetik në Shqipëri që nga viti 1995. Në total, gjashtë projekte me vlerë të përgjithshme prej 473 milionë dollarë, kanë përfunduar pjesërisht me rezultate “të pakënaqshme” apo “relativisht të pakënaqshme”.

Dhe ndërsa dështimet vinin njëra pas tjetrës, projektet e Bankës Botërore që shënjestruan zgjidhjen e problemeve të sektorit të energjisë elektrike erdhën në rritje.

Projekti i parë daton në vitin 1995 dhe kishte vlerë 7.5 milionë dollarë. Synimi i projektit ishte blerja e matësave të energjisë elektrike për të reduktuar konsumin e pamatur dhe vjedhjet. Humbjet në rrjet të energjisë elektrike në fillim të projektit qenë 43 për qind dhe projekti synonte t’i ulte. Por kur projekti u mbyll më 1998, humbjet arritën në 57 për qind. Dështimi në këtë rast nuk qe i projektit por i Shqipërisë. Trazirat e vitit 1997 e kthyen Shqipërinë efektivisht në shtet të dështuar. (kliko këtu për të parë raportin final të projektit).

Në vitin 1996, Banka Botërore me bashkëdonatorë të tjerë u angazhuan në një projekt tjetër të quajtur Projekti i Rrjetit të Transmetimit dhe Shpërndarjes së Energjisë, i cili parashikonte shpenzimin e 117 milionë dollarëve me synimin e reduktimit të humbjeve, si fizike ashtu edhe të vjedhjeve, si dhe të përmirësonte menaxhimin e Korporatës Elektroenergjetike, të krijonte autoritet mbikëqyrës dhe ta përgatiste kompaninë për privatizim.

Projekti mbeti fillimisht i bllokuar për shkak të trazirave të vitit 1996 dhe më pas për shkak se KESH u shpall nga grupi i Bankës Botërore një kompani jo e besueshme për t’u kredituar për shkak të paaftësisë së saj për menaxhim efikas dhe për mbledhje të faturave të energjisë së shitur. Kur projekti u mbyll në vitin 2002, ai u shpall nga Banka Botërore sërish si një projekt me rezultat të pakënaqshëm, por shqiptarëve u mbetën në dorë 117 milionë dollarë kredi për t’u shlyer.

Një projekt tjetër prej 35 milionë dollarësh, që synonte gjithashtu reduktimin e humbjeve, u zbatua nga viti 2002 deri në vitin 2006. Projekti u vlerësua si “Relativisht i Kënaqshëm” në rezultate, pavarësisht se humbjet në vitin 2006 qenë sërish 41 për qind dhe qenë rritur për tre vjet me radhë.

Projekti më i madh është ai që po zbatohet aktualisht me një kredi prej mbi 200 milionë dollarësh, i cili sërish synon të përmirësojë menaxhimin e sektorit dhe të ulë humbjet teknike dhe joteknike në rrjet, dhe vetëm koha do ta tregojë në qoftëse ai do te jetë i suksesshëm ose do të ndjekë fatin e paraardhësve të tij duke i lënë shqiptarëve kosto shtesë.
Fotot/ Ja si e festuan yjet e showbizit fitoren e Kuqezinjve
Edhe personazhet e shoubizit e kanë harruar vanitetin e tyre pas suksesit të kombetares shqiptare. Ata shpërthyen me postime, duke e vënë në qendër të vëmendjes personazhe të tjerë. Por çfarë shkruajnë ata?
Sara Hoxha e parezistueshme, ekspozon dekoltenë e saj
Që motra më e vogël Hoxha konkuron kokë më kokë me fashionistan Lori, kjo është e qartë domosdo! Nuk kanë kaluar shumë kohë nga heqja e kileve të tepërta dhe tashmë Sara Hoxha duket se është gati të ekspozojë pa drojë trupin e saj të "ri".

Në një event familjar ku dy trashëgimtaret ishin të ftuara fundjavën e kaluar, secila shfaqet e kuruar deri në detaj.

Por, në këtë foto ajo që ka rrëmbyer vëmendjen është Sara, pasi për të arritur selfie-n e shkrepur nga e motra, Sara është përkulur para. Kaq ka mjaftuar dhe poza nuk ka nevojë për koment... Dekolteja e 20 vjeçares është e parezistueshme!

50% e meshkujve zgjohen me penis të ngritur në mëngjes. Ja pse ndodh
Ju ka rastisur të zgjoheni pranë një mashkulli, “lodra” e të cilit është zgjuar shumë më herët dhe ke pyetur veten: Pse vallë?

Disa studiues thonë se, një mashkull nën të 50-at zgjohet në mëngjes dhe ndihet sikur organi i tij seksual është gati të urinojë, por në fakt nuk urinon kurrë. Këtu qëndron edhe misteri i “shkopit” të mëngjesit, siç quhet zakonisht.

Por disa kërkues e studiues të zyrës shkencore të Langone, NY, kanë dhënë idetë e tyre se pse penisi i një të riu “zgjohet” gjithmonë para këtij të fundit.

Penisi i tij “zgjohet” sepse truri nuk e kontrollon dot

Sipas studiuesve, disa pjesë të trurit bien në qetësi kur organizmi kalon atë që quhet gjumi REM dhe sistemi nervor qendror nuk është më i aftë të kontrollojë organin gjenital. Kur truri nuk është në qetësi, ai kontrollon pothuajse çdo lëvizje të penisit, por kur i pari është në gjumë, i dyti është i lirë të bëjë ç’të dojë. Dhe ajo që ai do të bëjë është të “ngrihet”.

Është thjesht lëvizja e hormoneve

“Në mëngjes niveli i testosteronit në organizëm është në nivelet më të larta sesa gjatë pjesës tjetër të ditës”, – thotë dr. Alukal, specialist i zyrës së Langone-s, i cili thekson se niveli i këtij hormoni në të 50-at fillon të bjerë, prandaj dhe burrat mbi këtë moshë nuk përjetojnë më eksperienca të tilla.

Kjo është mënyra e penisit për t’u “ushtruar”

NPT (Noctural Penile Tumescence), siç quhet në gjuhën shkencore eksitimi i mashkullit në mëngjes, është mënyra natyrale e trupit për të testuar kushtet në të cilat gjaku grumbullohet në penis. “Nuk ka vend tjetër në trupin tonë që e mban gjakun për një kohë shumë të gjatë, përveç penisit”, – shpjegon dr. Alukal. Ai shton: “Nëse e lidhim këmbën, atëherë ajo do të dhembë sepse gjaku i grumbulluar do të kishte pasoja negative, por nëse e shohim te penisi, kjo gjë nuk ndodh. Prandaj është kaq i “paparë” ky organ.

Ai u fërkua pa dashje me diçka dhe u eksitua pa vetëdije

Nëse një djalë zgjohet me batanije e ngritur në mes të krevatit, nuk do të thotë se ai ka qenë duke ëndërruar për Jennifer Lawrence. Gjatë gjumit, truri është përsëri i aftë të perceptojë ngacmimet fizike që vijnë nga mjedisi i jashtëm, që mund të jetë një arush, jastëku apo edhe e dashura dhe kjo gjë bën që organizmi vepron njësoj sikur të ishin zgjuar. Pra, para se të analizoni ëndrrat, shikoni edhe çfarë ndodhet brenda në shtrat./Express/

21/06/2016/........................................


Dhuna ndaj fëmijës, ministrja Nikolla e kap me gazetaren që e pyet për licencën e kopshtit
Kopshti “Diren” ku u filmua dhuna e administratores Anjeza Shabani ndaj një fëmije 3 vjeç, rezulton që është i palicensuar.

Kështu deklaroi sot ministrja e Arsimit Lindita Nikolla, duke iu përgjigjur interesit të gazetarëve. Por, në një moment ajo u shfaq e revoltuar, madje duke i kërkuar edhe llogari gazetares për pyetjen.

Gazetarët e pyetën se cilat janë kriteret që duhet të përmbushin kopshtet për t’u licencuar, por ministrja iu shmang përgjigjes në transmetim direkt. Sapo kamerat u fikën, ajo iu kthye gazetares që bëri pyetjen duke i thënë, përse e kishte pyetur për diçka të tillë.

“Doja të dija kriteret që duhet të plotësohen që këto institucione duhet të marrin licensat”,- i përgjigj gazetarja.

Ministrja vazhdoi replikën e saj me gazetaren duke i thënë: “Është njësoj sikur të pyes unë sesa është numri i gazetarëve në punë, nëse janë të diplomuar apo jo…”.

De Biazi kërcënon Italinë: Do na shihni në kualifikueset e botërorit

Xhani De Biazi është i sigurt se Shqipëria tashmë mund të luajë si e barabartë me çdo kombëtare tjetër. Ai shpreson që të ketë mundësinë ta provojë një gjë të tillë që në fazën tjetër të Euro 2016. Në një intervistë të dhënë për “La Repubblica”, trajneri ka treguar bindjen e tij për cilësitë e lojtarëve, ndërsa ka “kërcënuar” Italinë se do të shihte vlerat e kësaj skuadre gjatë eliminatoreve të Botërorit.

Pasi ka një motiv shumë të bukur, më tërheq. Fjalët janë pak të vështira, i njoh kuptimin, por shqiptimi është e komplikuar. Për fat të mirë, gjatë ekzekutimit të himneve më ndihmon pak edhe karaoke që kanë vendosur brenda stadiumit. Ky është një popull i jashtëzakonshëm, ka njohur diktatura dhe vuajtje, gjejmë tifozë shqiptarë ngado që shkojmë, një pasion të jashtëzakonshëm.

Më shumë emocione apo krenari?

Të dyja. Por kemi edhe pak keqardhje: të kishim bërë të paktën edhe një pikë në dy ndeshjet e para, tani nuk do të duhej të vuanim në pritje, për të kuptuar nëse do të qëndronim në turne.

Nuk jeni akoma i kënaqur?

E përse duhet të jemi? Kundër Zvicrës dhe Francës treguam se kombëtare të cilat në teori ishin shumë më të forta se ne, na kanë mundur vetëm falë detajeve. Kundër Francës, atë gol të Griezman nuk e kuptoj ende se si erdhi, nga doli. Dhe kundër Rumanisë kemi treguar se jemi një skuadër, një grup burrash: mund të dorëzoheshim psikologjikisht pas dy humbjeve, por ndeshja u interpretua në perfeksion.

Gjithçka duke lënë në stol kapitenin Cana…

Ishte një vendim i vështirë. Ia komunikova vetëm pak orë para ndeshjes. Megjithatë, duhet të heq kapelën para tij: u vu menjëherë në dispozicion të shokëve të skuadrës, i ka nxitur dhe mbështetur, kishte një sjellje si një njeri i madh dhe një kapiten i madh. Por në përgjithësi ishte shumë e bukur të shihje këto djem të ruanin dëshirën për të lënë mbresa në Europian dhe t’ia dilnin mbanë. Jemi rritur, jemi ata që dëshiroja të ishim. Jemi të gatshëm për të ecur përpara.

Ashtu?

Shihni, Shqipëria në fazën tjetër mund të shqetësojë shumë skuadra. Në fund të fundit duhej vetëm të zhbllokoheshim.

Ndaj çfarë do të bëni në këto ditë?

Do të stërvitemi, me idenë për të hyrë në fushë për fazën tjetër të premten apo të shtunën. Duke bërë një tifoz të çmendur para televizorit edhe për Italinë: sa mirë sikur të na bënte një dhuratë të bukur duke mundur Irlandën, do të bëj tifo si i çmendur dhe duke njohur Konten jam i sigurt se do të japin maksimumin. Por nëse nuk do t’ia dalim mbanë, do të përgatitemi për shtatorin: kualifikueset e Botërorit, jemi në grupin e Italisë dhe do ta vëmë në vështirësi, keni De Biazi, e dini se në tre Botërorët e zhvilluar me këtë formulë (1986, 1990 e 1994), vetëm një herë një skuadër e cila ka arritur e treta me 3 pikë është eliminuar? Më falni se duhet të prek diçka. Hekur, dru, plastikë apo ndonjë gjë tjetër. Shihemi…/Panorama Sport Online/

Basha-FMN: 1 mld euro në vit humb Shqipëria nga korrupsioni qeveritar

Kryetari i PD-së Lulzim Basha i ka shpalosur sot FMN-së, planin e Partisë Demokratike për nxjerrjen e ekonomisë nga kriza gjatë takimi që ka pasur me përfaqësuesit e saj sot në Tiranë.

“1 miliard euro në vit humb Shqipëria prej korrupsionit qveritar”, deklaroi ai pas takimit.

Basha tha se: “nga njëra anë bëmë konstatimin e gjendjes së tmerrshme ekonomike ku e ka katandisur vendin kjo qeveri dhe nga tjetrën planin e qeverisë për ta nxjerë nga kriza”.

Pr/ligji për kamerat/ PS rrëzon dekretin e Nishanit, LSI abstenon, PDIU kundër
Komisioni i Sigurisë Kombëtare u mblodh sot për të diskutuar për dekretin e Presidentit Nishani, për projektligjin për kamerat e sigurisë.

Ky pr.ligj u rrëzua disa muaj më parë nga Presidenti, i cili e cilësoi si antikushtetues.

Megjithatë, mazhoranca ka rrëzuar sot dekretin e Presidentit për këtë ligj, duke e kaluar edhe njëherë në Kuvend për votim.

Dekreti është rrëzuar vetë me votat e PS, ndërsa LSI abstenoi, kurse PDIU votoi kundër duke u bashkuar kështu me PD-në.

Sa vite burg rrezikon Anjeza Shabani, edukatorja që dhunoi barbarisht fëmijën 3-vjeçar
Edukatorja dhe njëkohësisht pronarja e kopështit “Diren”, Anjeza Shabani, e njohur edhe si ish-prezantuese e një emisioni televiziv, është arrestuar nën dy akuza.

Pas publikimit të pamjeve filmike të regjistruara me kamera të fshehtë nga emisioni “Stop”, ndaj saj është ngritur akuza për “Keqtrajtim të të miturve” dhe “Shpërdorim detyre”.

Dy veprat parashikojnë dënim me burg. Për “Keqtrajtimin e të miturve”, neni 124/b i Kodit Penal parashikon dënim me burg nga 2 deri në 5 vjet. Kur të miturit i shkaktohet dëmtim i rëndë i shëndetit, dënimi shkon nga 10 deri në 20 vjet burg.
Kopështi i Anjeza Shabanit, 3 muaj pa u inspektuar

Kopështi “Diren” i Anjeza Shabanit, edukatores dhe administrators që u filmua duke ushtruar dhunë barbare ndaj një fëmije 3 vjeç kishte 3 muaj që nuk ishte inspektuar.

Ministria e Arsimit dhe Shkencës, që ka për detyrë të kryejë inspektimet, nuk i kishte dërguar kontrollet.

Drejtues të ministrisë e justifikojnë mungesën e inspektimeve me mungesën e stafit për të kontrolluar shpesh çerdhet, kopështet e shkollat private.

Mungesa e kontrolleve të vazhdueshme në këto institucione, shihet si një ndër shkaqet e degradimit të tyre në fenomene të ngjashëm me atë që u zbulua në kopështin e Anjeza Shabanit.
Dëshmia/ Anjeza justifikohet në polici pas arrestimit për dhunë ndaj fëmijës 3-vjeçar
E vënë në praga për “dhunë ndja të miturve” dhe “shpërdorim detyre”, dy akuza që parashikojnë dënim me burg, administratorja e kopështit “Diren”, ka shpërthyer në lot para oficerëve të policisë që e kanë marrë në pyetje. Raportohet se ajo ishte në gjendje të rënduar psikologjike dhe qante papushim.

Shabani ka pranuar se e ka qëlluar fëmijën, por ka pretenduar se videoja e shfaqur në emisionin “Stop” nuk tregon të vërtetën, raporton “Panorama”.

“Videoja është prerë, nuk është e plotë. Unë, pasi e qëlloja, edhe e kam përqafuar fëmijën. Por ai përsëri nuk pushonte”,- ka qenë justifikimi i Shabanit për dhunën barbare të ushtruar ndaj një fëmije vetëm 3 vjeç, i cili kishte shenja dhune në trup, sipas denoncimit të prindërve.

“Unë nuk e dija që fëmija ishte autik. Nuk më kishin thënë. Po të shihni videot e plota shihet që unë e kam puthur dhe përqafuar disa herë”,- ka vijuar ajo me rrëfimin e saj.

Pamjet filmike të emisionit “Stop” tregojnë se si ajo e qëllon me forcë disa herë vogëlushin e frikësuar që nuk pushon së qari pas dhunës barbare të administratores Shabani.

E gjithë skena ndodh në prani të fëmijëve të tjerë, gjithashtu të frikësuar e traumatizuar, dhe një edukatorje që nuk reagon kur shefja e saj kryen këto veprime që bërbëjnë vepër penale.

Dëshmia/ Anjeza justifikohet: E rrihja fëmijën, por dhe e puthja
Ministrja Nikolla apel prindërve: Mos i çoni fëmijët në kopshte të paliçensuara
Dyshimet janë se kopshti Diren, i administruar nga Anjeza Shabani nuk kishte licensë dhe vepronte në paligjshmëri. Në skenë del Lindita Nikolla, që indiferente për përgjegjësinë e autoritetit që përfaqëson, artikulon këshilla për prindërit.

“U bëj thirrje prindërve që të kenë kujdes se ku i dërgojnë fëmijët. Ne inspektime kemi kryer, por ka edhe shumë kopshte informale të fshehura në apartamente pallatesh të cilat nuk mund t’i identifikojmë të gjithë, ndaj duhet ndihma edhe e juaj si media”,- tha Nikolla.

Me këtë deklaratë, përfaqësuesja e qeverisë i lau duart nga një skandal, që ka nxjerrë në pah indiferencën e autoriteteve, për atë që ndodh me kopshtet private.

Rasti i Anjeza Shabanit; kush është monstra
Nga Armir Shkurti

Lajmi i mbrëmshëm nuk qe se Anjeza Shabani u filmua duke zhdëpur një fëmijë, por se ish kolegu i saj i

para 3 viteve, Armir Shkurti, nuk reagoi në facebook për ngjarjen! Ja, edhe vet i madhi Zenetti i Interit më ka shkruar! Shkroi më pas edhe në një postim timin, bashkë me emra të mëdhenj të futbollit, e më pas këtë …e bënë lajm në një portal!

“Monstër” qe epiteti më dashamirës që më atribuan. E gjithë kariera ime paskësh qenë kot, më blozë aktivizmi qytetar e akoma më plehrë emisioni Alarm . Më bënë lëpirës prapanicash të partive, kurvar e çmos tjetër. Më i zi unë se Anja që i binte me sa fuqi kishte atij fëmije. ….

….. Po Ministres së Arsimit , kush nga portalet , mediat dhe opinioni publik i kërkoi një reagim? Po agjencive dhe inspektorateve të panumërta shtetërore, kush i shkoi e t’i bëjë disa pyetje thelbësore:
1 – A ishte i rregullt, me leje e gjithçka ky biznes?

Mesa jam informuar, është hapur PA LEJE! Por kjo mbetet për t’u sqaruar nga portalet, emisionet dhe opinioni publik. Mbase unë gaboj. Por nëse është e vërtetë kjo që unë di, në burg bashkë me atë rrahëse fëmijësh duhet të jetë edhe një varg i gjatë funksionarësh shteti që e kanë lënë të zhvillojë atë aktivitet Pra pasi të flasë Ministria, Drejtoria Arsimore Rajonale Tiranë, Drejtoria e Tatim – Taksave, Drejtoria e Policisë Tiranë etj, për rregullsinë e atij biznesi, pastaj në ka mbetur ndonjë gur për t’u hedhur, ia lëshoni pa problem Armirit që flet a që hesht

2 – A është Anjeza Shabani shtriga që duhet djegur në turrën e druve? Patjetër! – shkruajnë një pjesë e të indinjuarve me të drejtë. “Ta zhdukim, ta vrasim, ta dënojmë…!!!”

“E vras këdo që më prek tim bir”! – këtë deklaratë e kam bërë qysh sa i pashë sytë orën e parë që erdhi në këtë botë. Por s’qe e thënë. E kisha në një kopsht privat në mes të Tiranës. “Babi, më rrafi zysh Edlira sot. Ma skuli vesin ele më xhujti ke façja”. Më ra qielli. Thirra, bërtita, ulërita, kërcënova…po nuk e vrava dot edukatoren! Ashtu siç – besoj unë – shumica që bën be në facebook se do vrasë këdo që i prek fëmijën, tërhiqet në moment të fundit.

Pasi unë bëra namin, fëmijën nuk ma prekën më me dorë. Për hakmarrje nuk i afrohej edukatorja, nuk e përfshinte në lojra, nuk e stimulonte…

SEPSE KY ËSHTË SISTEMI!!!

Përqëndrimi i urrejtjes, mllefit, shfryrjes vetëm tek një “businesswoman” që rreh fëmijë, nëse mbetet aty, besoj se nuk është aspak e shëndetshme për shoqërinë. Janë mbushur profilet me foton e Anjeza Shabanit të krehur e pudrosur dhe të gjithë shfryjnë atje. Mirëpo ajo mbrëmë fjeti në qeli. Ne do flasim edhe sot edhe nesër , sa të na dalë ndonjë histori tjetër …qoftë edhe futbolli që do të zerë komentet a bisedat tone. Ne mbrëmë nuk pamë as më pak e as më shumë nga ç’kemi parë në kamera të tjera të fshehta në shkolla, jetimore, kopshte fëmijësh. Janë arrestuar, dënuar e liruar drejtoresha e edukatorë pafund, por janë liruar sërish e druri sërish vazhdon ndër fëmijë pa mëshirë.

A e dini se dënimi për atë vepër që patë në ekran mbrëmë nis nga ..3 muaj burg? Do të thotë se e arrestuara e mbrëmshme ka të gjithë të drejtat që të lirohet nga gjykata dhe ta nxjekë proçesin në gjendje të lirë? A e dini se për këto lloj veprash që dënohen nën 2 vjet burg, jepet masë dënimi alternative, si psh: punë në komunitet apo shërbim prove? Pra kur të tërhiqet vala e cunamit të dufit e mallkimeve, Anjezës mbase mund t’i ketë marrë me vete koshtin, por jo lirinë.

3 – A pyetën portalet dhe opinioni ligjvënësit dhe ligjzbatuesit se si ka mundësi që shteti , i ashpër deri në tirani për një kupon tatimor a gotë birrë në timon, është kaq mëshirëplotë për ata/ato që me të drejtë quan “monstra” e që jo vetëm rrahin një fëmijë, por lenë gjurmë të përjetshme në jetën e tij e gjithë atyre krijesave të vogla që shohin dhe përjetojnë tmerrin duke parë ato skena dhune? Nuk pashë as dje as sot të analizonte kush se si ka mundësi që ky shteti ynë është kaq larg edukimit të fëmijës, kaq pasiv ndaj rritjes së tyre, varfërisë e deri dhunës?

Tani dy fjalë për Anjezën dhe për Alarmin:

Emisioni investigativ Alarm u ngrit vrullshëm, brenda pak muajve, dhe u bë një ndër emisionet investigative kryesore në vend, ku gjenin pasqyrim madje edhe zgjidhje halle e probleme nga më të larmishmet: Nga keqtrajtimi i pacientëve nëpër spitale tek ai i fëmijëve në shkolla, nga polici që merr rryshfet tek deputeti, nga PD – ja te PS ­ja…

Anjeza Shabani ka qenë pjesë e atij emisioni dhe ka dhënë kontributin e saj si prezantuese. Korrekte dhe e impenjuar. Në raste të ngjashme me të sajin mbrëmë, ka mbushur sytë me lot e ka mallkuar dorën që ka qëlluar foshnjen. Në atë periudhë të paktën, se tani nuk e di, falte 5 vakte, një a dy prej të cilave në Xhaminë e Xhurës, pas Kinostudios. Iku nga Alarmi në vitin 2013 kur do lindte vajzën, të cilës i vuri emrin Diren, emrin e të cilës ia ka vënë edhe kopshtit.

Për këto arsye, tronditja dhe befasia e neveria ime ishin të mëdha. Zhgënjim nga dikush që ti pret të jetë në majat e luftës , të paktën asaj në mbrojtje të më të dobtëve. E pashë në lokalin pranë shtëpisë emisionin mbrëmë, me burra të tjerë, dhe që të gjithë njëzëri , pasi e shamë, deklaruam: “T’ia bënte tim biri, unë e kisha vrarë”….por unë e di që s’jemi nga ata burra…

Flet e ëma e vogëlushit të dhunuar nga Anjeza: Ma bëri djalin për spital
Gjëndja shëndetsore e djalit 3-vjeçar të dhunuar nga administratorja e kopshtit “Diren” mësohet se është e rënduar. Familja e vogëlushit është detyruar ta shtrojë në spital, raporton “Anabel.al”. Siç shihet edhe në fotot e publikuara, 3 vjeçari i cili shihej duke u rrahur me shpulla nga Anjeza Shabani, i është nënshtruar një rezonance magnetike.

E ëma e vogëlushit ka rrëfyer për “Anabel” se, djali është në gjende të rëndë.

“Ai ka pasoja të tmerrshme nga dhuna” rrëfen Jonida, e cila e ka gdhirë pranë të birit dhe me gjithë mbështetjen e qindra mijëra shqiptarëve të skandalizuar nga akti i adminstratores së kopshtit, ku Jonida besoi të birin.

Të hënën (20 qershor) e gjithë Shqipëria u ngrys e tmerruar, pasi pa në emisionin “Stop” një video të fshehtë ku tregohej se si ish-prezantuesja televizive e kthyer në pronare kopshti, rrihte vazhdimisht djalin e vogël që nuk pushtonte së qari.

Shabani sot paradite u justifikua me pretendimin se video nuk është e plotë dhe se ajo pasi e kishte rrahur, e puthte, por pamjet barbare dhe fakti që ai djalë sot (21 Qershor) gjendet i shtruar në spital, janë dëshmia më e fortë për tmerrin që kjo grua ka ushtruar tek vogëlushi.

Çudira shqiptare/ 250 kg peshk transportohej me autobusin e udhëtarëve
Autoriteti Kombëtar i Ushqimit ka bllokuar 260 kg peshk, që po transportohej me një autobus udhëtarësh në Korçë.

Sipas njoftimit Drejtoria e AKU-së në Korçë, në bashkëpunim dhe me strukturat e Policisë së Shtetit, Tatimeve dhe të bashkisë së këtij qyteti, ngritën grupet e punës për bllokimin e një sasie peshku, për të cilën ishte marrë informacion se dilte në treg i transportuar në një autobus udhëtarësh, pa asnjë kusht të ruajtjes e transportit të produktit, si dhe pa dokumente shoqëruese.

Nga kontrolli i ushtruar në autobusin e udhëtarëve të linjës Goricë-Korçë, inspektorët e AKU-së gjetën në bagazhin e tij 260 kilogramë peshk, i cili më pas u asgjësua, pasi veç mungesës së kushteve të transportit, ishte pa certifikatë veterinare dhe fatura tatimore.

Shantazhi i Tahirit ndaj gjyqtarit Aliaj, prokuroria i kërkon TVSH-së konferencat e ministrit

Duket se Prokuroria e Përgjithshme e ka marrë seriozisht kërkesën për procedim penal të bërë nga Këshilli i Lartë i Drejtësisë për ministrin e Brendshëm, Saimir Tahiri.

Kreu i grupit task-forcë në institucionin e akuzës Kostaq Bejluri, kërkoi vërtetësinë e thënieve të ministrit te Tahirit, gjatë 5 daljeve të tij në media ku pretendohet se ka sulmuar gjyqtarin Arian Aliaj dhe disa anëtar të KLD.

Organi i akuzës i është drejtuar televizionit publik për ti vënë në dispozicion konferencat e ministrit duke filluar nga data 8 qershor. KLD-ja i cilësoi sulmet e Saimir Tahirit ndaj gjyqtarit Aliaj si të papranueshme, fyese dhe kërcënuese.

Prokuroria po e heton Tahirin për kërcënimet dhe shantazhet e pretenduara ndaj gjyqtarit të Tiranës, ndërsa kallëzimi u regjistrua ditën e premte me poste sekrete.

KLD pretendon se sulmi i bërë nga ministri i Brendshëm ishte i motivuar, pasi gjyqtari Aliaj firmosi pezullimin e drejtorit të Policisë Shtetit, Haki Çako lidhur me skandalin e përgjimeve.

Gjithashtu së bashku me Çakon, u pezulluan nga detyra dhe dy zyrtarë të tjerë Artion Duka, drejtori i Forcave Operacionale, Entiol Xhelilaj specialist. Këta të fundit u akuzuan për ‘Veprime që pengojnë zbulimin e të vërtetës”.

Këshilli i Larte i Drejtësisë kërkon me anë të këtij denoncimi të ndjekë penalisht ministrin Saimir Tahiri për akuzat: “fyerje të gjyqtarit” për shkak të detyrës, dhe “kanosje të gjyqtarit”. Por do të jetë Prokuroria qe nëpërmjet provave do të provoje nese ministri ka konsumuar ose jo veper penale./vizion plus/

Gjykata sekuestron 8 milionë euro pasuri të Kastriot Ismailajt
Rreth 8 milionë euro pasuri dhe llogari bankare në emër të Kastriot Ismailajt do të sekuestrohet. Ky është vendimi i Gjykatës së Tiranës, e cila ka pranuar kërkesën e OSHEE-së. Ismailaj ndodhet në burg prej shumë kohësh.

Ai është nën gjykim për skandalin e vjedhjes me mbledhjen e borxheve të CEZ.

Biznesmeni i njohur për miqësinë dhe lidhjet e tij me kryeparlamentarin Ilir Meta kishte krijuar një skemë mashtrimi përmes kompanisë së tij DIA.


Rike Roçi: Ja e vërteta e lidhjes sime me Elseid Hysaj….
Ndonëse kanë kaluar disa vjet që nga koha kur Rike Roçi ishte pjesë e “Big Brother”, modelja mbetet ende ndër femrat më të preferuara të publikut shqiptar. E pikërisht në kohën kur fama e saj po zbehej, Rikja arriti të pushtonte jo vetëm vëmendjen e shqiptarëve, por edhe të mediave ndërkombëtare, të cilat e kanë konsideruar si një nga tifozet më seksi të “Euro 2016”.

Dekolteja e zbuluar e Rikes ka marrë jo pak komente në rrjetet sociale, ndërsa mediat italiane kanë aluduar se Rikja në stadiumin e Marsejës ishte për një person në veçanti, Elseid Hysajn. Por se cila është lidhja e ish-banores së “BB” me futbollistin e njohur, Rikja na e sqaron në këtë intervistë për “Summer Pages”.

“Tifozet më seksi të Europianit” është një titull që ka pushtuar të gjitha mediat. E prisje gjithë këtë vëmendje?

Nuk ishte me qëllim, e kam thënë shumë herë. Komentet nuk kanë qenë vetëm pozitive.