Veterinariya virusologiyasi

Sun’iy havo kamerasi orqali yuqtirish.
Ko‘pchilik holda birinchi o‘rinda ishlatiladi, chunki bunda virus saqlovchi materal xap katta yuzasi bilan birga bo‘lib, ko‘proq miqdorda virus hosil bo‘lishiga olib kiladi.
Bu usulda yuqtirish uchun shtativga homila yuqoriga qaratilgan holda gorizantal holatda o‘rnatiladi.

28-rasm.Ochiq usul bilan tovuq homilasining amni oniga virus yuqtirish. (Niko-lay va boshqa bo‘yicha)

Tuxum pochog‘ida ikki teshik teshiladi birinchisi havo kamerasining markazidan (havoni so‘rib olish uchun mo‘ljallangan), ikkinchisi 0.2-0.5 sm diametrda homila bor tomonning yonboshidan.
Bu usulning qiyinchilgi shundan iboratki, ikkinchi teshikni tayyorlashda, avvalo sekinlik bilan po‘choqni bir bo‘lakchasi ajratib olinadi, so‘ngra sekinlik bilan xap jarohatlanmay po‘choq osti qobiq suriladi va hosil bo‘lgan ochiq joydan havo kirishiga erishiladi.
So‘ngra rezinali so‘rg‘ich yordamida havo kamerasi bo‘shlig‘idagi havo so‘rib olinadi (25-rasm).

Yonboshdagi teshik orqali XAP yuzasiga yuqumli suyuqlik kiritiladi va teshik bir parcha leykoplastir bilan yopiladi. Birinchi teshikni yopishda hech qanday ehtiyoj bo‘lmasdan, bu usulda yuqtirilganda po‘choq osti po‘stloq jarohatlanmaydi, ammo bar’erlik vazifasini bajarib tashqi muhitdagi mikrofloraning tushishiga to‘sqinlik qiladi. Shu usulda virus yuqtirilgan homilani gorizontal holatda teshigini yuqoriga qaratib inkubatsiya uchun qo‘yiladi
Sariq xaltaga virusni yuqtirish
Xlamidiya, Marek kasalligi, otlarning rinopnevmoniya, qo‘ylarning kataral isitma va boshqa viruslarni o‘stirishda ushbu usul keng qo‘llaniladi.
Rif vodiysining virusli isitmasi 5-7 kunlik ayrim holda 2-3 kunlik yoshdagi homilalarga yuqtiriladi. Yuqtirishning ikki varianti qo‘llaniladi.
1-variant.
Homilalar shtativga vertikal holatda o‘rnatiladi. Havo kamerasining markazidagi po‘choqni teshib 3,5-4 sm chuqurlikka vertikal o‘qqa 45⁰ burchak ostida homilaga qarama-qarshi tomonga igna kiritiladi.(26 rasm).
2-variant.
Yuqorida aytib o‘tilgan yo‘l bilan homilani shtativga gorizontal holda joylashtirib yuqtiriladi; bunda homila pastki qismda joylashib sariq xalta uning ustida bo‘ladi. Tuxum po‘chog‘idagi teshikni eritilgan parafin bilan yopiladi.