Veterinariya virusologiyasi

«Quturish kasalligiga laboratoriyada diagnoz qo’yish» mavzusidagi laboratoriya ishining
p a s p o r t i
mashg’ulotning maqsadi: Laboratoriyada quturish kasalligiga diagnoz qo’yish usullarini o’rganish. Quturish kasalligida IFR qo’yishni o’rganish: a) oq sichqonlarning bosh miyasidan tamg’a tayyorlash; b) immunofluoressensiya reaksiyasining bevosita usuli bo’yicha preparatga ishlov berish; s) luminessent mikroskopi yordamida avvaldan musbat bo’lgan preparatni ko’rish.
Kerakli jihoz, reaktiv va asbob uskunalar: Yog’sizlantirilgan buyum oyna, yupqa tamg’a, bosh miya, fosfat bufer eritma, fluoressensiyalanuvchi gamma-globulin.
IFR ni qo‘yish uchun:
Yog’sizlantirilgan buyum oynasida yupqa tamg’a yoki bosh miyaning har-xil bo’laklaridan chap va o’ng tomonlaridan (ammon shoxi, yarim shar po’stlog’i miyacha va uzunchoq miya) surtmalar tayyorlanadi.
Miyaning har qaysi bo’limidan eng kamida ikkitadan preparat tayyorlanadi.
Shuningdek orqa miya, jag’ osti so’lak bezlarini ham tekshirish mumkin. Nazorat qilish uchun sog’lom hayvonning miyasidan (oq sichqonning) preparatlar tayyorlanadi.
Preparatlar havoda quritiladi va sovutilgan (minus 15-20°C) atsetonda 4 soatdan to 12 soatgacha fiksatsiyalanadi, havoda quritiladi, so’ngra fluoressensiyalanuvchi gamma-globulin tomiziladi va nam kameraga 37°C 25-30 daqiqa qo’yiladi, so’ngra fiziologik eritma bilan yoki pH 7,4 bo’lgan fosfat bufer eritmasi bilan yuviladi, havoda quritiladi, fluoressensiyalanmovchi immersion moy tomiziladi va lyuminessent mikroskop ostida qaraladi. Quturish virusi antigeni bor preparatdagi granulalarda, ko’pchilik holda hujayradan tashqarida har xil kattalikdagi vashakldagi sariq-yashil fluoressensiyalanuvchi rangni uchratish mumkin.
Nazoratdagida shunday nur sochish bo’lmasdan deyarli nerv hujayrasi kulrang xira yoki yashil rang sochib turadi. Nur sochishning tezligi krestlar bilan baholanadi. Spetsifik fluoressensiyalanuvchi nur sochishning bo’lmasligi natijaning manfiy ekanligini bildiradi.
Quturish kasalligiga qarshi emlangan hayvonlardan olingan patologik materialni uch oy davomida IFR bo’yicha tekshirish mumkin emas, chunki vaksina virusning antigeni fluoressensiyalanishi ham mumkin. Glitserin, formalin, spirt va boshqalar bilan konservatsiyalangan hamda biroz chirish belgilari bor bo’lgan to’qimalarni IFR bo’yicha tekshirish mumkin emas.