Veterinariya virusologiyasi

Sterillashning kimyoviy usuli – bu usulda har xil kimyoviy moddalardan foydalaniladi (antiseptika, dezinfeksiyaga qaralsin).
Laboratoriyalarda viruslarni saqlash, yorliq yopishtirish,
hisobga olish
Barcha virusologiya laboratoriyalarida viruslar bilan ishlash uchun yagona tartib o‘rnatilgan bo‘lib bunda viruslarni saqlash, ro‘yxatga olish laboratoriya sharoitida undan foydalanish va chetga chiqarish qonun qoidalari ko‘rib chiqilgan bo‘ladi.
Probirkadagi, flakondagi yoki boshqa idishlardagi virus saqlovchi materiallarga yorliq yopishtirilgan bo‘lib unda qanday virus borligi, shtammni olingan vaqti, passaj nomeri, hajmi va boshqa ma’lumotlar ko‘rsatilgan bo‘ladi. Yorliqda ko‘rsatilgan ma’lumotga laboratoriyadagi jurnalga yozilgan shtamm to‘g‘ri kelishi kerak.
Virus shtammlari muzlatgich xonada qulflangan, plombalangan yoki muhrlangan holatda saqlanadi.
Ajratilgan virus shtammlari, standart shtammlar bilan birgalikda serologik tekshirilgach solishtirib ko‘rish uchun, bir xil sharoitda uzoq maksimal ta’minlangan holda saqlanadi.
Topshiriq
1.Kafedraning virusologiya laboratoriyasi va u yerdagi asosiy asbob-uskunalar bilan tanishish.
2.Virus saqlovchi material bilan ishlash qoidalarini o‘rganish.


Material bilan ta’minlash:
Virusologik tekshirish uchun kerak bo‘lgan virusologiya laboratoriyasining xonasi va laboratoriyaning, asbob-uskunalari, stol ustiga o‘rnatilgan boks, lyuminessent mikroskop, sentrifuga, sovutgich, magnitli aralashtirgich, termostatlar, spirtovka, shisha idishlar (rezina nokcha, rezinali tiqin tiqilgan probirka, flakonlar, matraslar, petri likopchasi, pipetka) Takachi va Titertek apparati, asosiy reaktivlar va oziq muhitlar; talabalarni virusologiya laboratoriyasida ishlash jarayonida xavfsizlik texnikasi bo‘yicha instruktaj o‘tilganligini yozib borish uchun jurnal;

Nazorat uchun savollar

1.Hayvonlarning yuqumli kasalliklarida viruslarning qanday o‘rni bor?
2.Virusologiya laboratoriyasida ishlash qoidalari va xavfsizlik texnikasi to‘g‘risida gapiring.
3.Viruslarni konservatsiyalashning qaysi usulini bilasiz?
4.Laboratoriya amaliyotida viruslarni qaysi yo‘l bilan yo‘qotish samarali ekanligi haqida gapirib bering.