«veterinariya farmatsevtikasi» kafedrasi

2.Burishtiruvchi moddalar
Ushbu guruh vositalari, yallig‘langan shilliq pardalariga ta’sir ko‘rsatishi natijasida,to‘qima oqsillari hamda suyuqlikni kaogulyatsiyaga uchratadi va albuminatlar hosil qiladi.
Burishtiruvchi moddalar 2 xil bo‘ladi.
1. Organik –tabiiy burishtiruvchilar: tanin,tannalbin, tanaform, eman po‘stlog‘i, zveroboy o‘ti, shalfey bargi.
2. Neorganik- metall tuzlari; alyumin (Burov suyuqligi),vismut (kseroform), rux (rux oksidi), simob (simob asetat), mis (mis sulfat).
3.O‘rab oluvchi (shilimshiq ) moddalar
Ushbu vositalar suv bilan birga qo‘shilib yopishqoq suyuqlik hosil qiladi. Ular asosan ichga qabul qilish maqsadida qo‘llaniladi. Chunki oshqozon-ichaklar tizimi shilliq pardalarida yallig‘lanishlar sodir bo‘lganda, retseptorlar qo‘zg‘aluvchanligi yuzaga keladi, mana shunday paytlarda o‘rab oluvchi vositalarni qo‘llash tavsiya etiladi.
Ta’sir mexanizmi: Urab oluvchi vositalar oshqozon-ichaklar tizimidagi mavjud suyuqliklar bilan birikib, bir turdagi yopishqoq massa hosil qiladi. Natijada u mikroorganizmlarni, ozuqa qismlarini, kimyoviy moddalarni, zaxar va toksinlarni o‘ziga tortib, o‘rab oladi va shuni hisobiga yallig‘langan joydagi retseptorlarni har-xil qo‘zg‘atuvchi ta’sirotlardan himoya qiladi.
Preparatlari: kraxmal, kanakunjut doni, altey ildizi, shirin ildiz, almagel va boshqalar.
ALMAGEL
Almagel – yumshoq va davomli antatsid ta’sirga ega bo‘lgan dori vositasidir. Preparatning ta’siri faol moddalarining antatsid, adsorbsiyalovchi, qoplovchi hususiyatlari bilan bog‘liq.
Almagel me’dada xlorid kislotasi va pepsinning yuqori sekresiyasini tez neytrallaydi, me’da va o‘n ikki barmoq ichak shilliq qavatining himoya mexanizmlariga ijobiy ta’siri tufayli, sog‘ayish jarayoniga yordam beradi.
Almagel preparatida saqlanuvchi aluminiy ionlari quyi ezofageal sfinkterining tonusini oshiradi, pepsin, o‘t kislotalari va lizolesitinni adsorbsiyalaydi. Shu bilan uning refluks patologiyasini oldini olish va davolashdagi samaradorligi tushuntiriladi.
Me’da shirasining oshgan yoki me’yoriy kislotaligi va ichakda ko‘p gaz hosil bo‘lishi bilan birga kechuvchi ovqat-hazm qilish yo‘llarining kasalliklari.
Preparatni quyidagilarda mustaqil yoki majmuada qo‘llash mumkin:

• 
  Gastrit,
  
• 
  me’da va o‘nikki barmoq ichakning eroziyalari;
  
• 
  me’da va o‘nikki barmoq ichak yarasi;