Vazirligi toshkent farmatsevtika

MASHG’ULOT O’TKAZISH REJASI
Novokain, atsetazolamid va furosemidni nur yutilishiga asoslangan spektrofotometrik usulda aniqlash

Turli konsentratsiyadagi standart eritmalarni tayyorlash. (0,001, 0,002, 0,005%)

Spektrning UB-sohasida optik ko’rsatkichini o’lchash

Spektrning ko’rinuvchi sohasida optik ko’rsatkichini o’lchash

Olingan natijalarga asosan yutilish

spektrini tuzish

Yutilish spektrida xarakterli chiziqlarni aniqlash

Amaliy mashg’ulotni o’tkazish uchun uslubiy ko’rsatma
Ushbu amaliy mashg’ulot novokain, atsetazolamid va furosemidlarning yutilish spektrlari bo’yicha aniqlashga bag’ishlanadi.

Moddaning nur yutishi bo’yicha tahlilida to’lqin uzunligini tanlash. Eritmalarning optik ko’rsatkichini tekshiriluvchi eritmaning maksimum nur yutishiga mos bo’lgan to’lqin uzunligida o’lchash lozim. Bunda o’lchash sezgirligi va aniqligi maksimal bo’ladi. Maksimum nur yutilishiga mos to’lqin uzunligida (D) ko’rsatkich eng yuqori bo’ladi. Tegishli to’lqin uzunligidagi monoxromatik nur bo’lagi spektrofotometrdagi monoxromator yordamida uzatib beriladi.

Tekshiriluvchi modda konsentratsiyasini tanlashda eritmalarning optik ko’rsatkichi 0,2 dan 1,0 gacha bo’lgan chegara oralig’ida bo’lishi lozim (optimal optik ko’rsatkich 0,434 ga teng).

Solishtiruvchi eritma. Eritmaning optik ko’rsatkichi additiv kattalik bo’lib, ya'ni tegishli to’lqin uzunligida nur energiyasini yutuvchi eritmadagi komponentlar optik ko’rsatkichlari yig’indisiga teng.

Shuning uchun aralashmadagi faqat bir moddaning optik ko’rsatkichini o’lchashda bir kyuvetaga tekshiriluvchi eritma solinib, boshqa kyuvetaga esa tekshiriluvchi eritmada bo’lgan xamma komponentlardan iborat (faqat aniqlanuvchi moddadan tashqari) eritma (o’shancha miqdordagi) solinadi. Ikkinchi kyuvetaga solingan eritma solishtiruvchi eritma yoki nol eritma deyiladi. Shunday qilib, tekshiriluvchi moddalarning optik ko’rsatkichlarini o’lchashda solishtiruvchi eritmaga nisbatan o’lchanadi.

UB-sohasidagi spektrometriya usuli va uning asosiy qonunlari bilan tanishilgandan so’ng talabalar novokain, atsetazolamid va furosemidning standart eritmalarini tayyorlaydilar (1 ml da 1 mg modda saqlagan).