|
3-bo’lim. Ozodalikni ta’minlash.
3.1 Xonalarni ozoda tutish va kunlik tozalash.
3.2 Xizmatchilarning etikasi (kiyinish, xonalarga kirish tartibi).
4-bo’lim. Bronlash.
4.1 Bronlash haqida umumiy ma’limot.
4.2 Mehmonxonada bron sistemasi va uni boshqarish usullari.
5-bo’lim. Transport ta’minoti
5.1 Mehmonxonaning transport tizimini (buyurtma taksi) tahlil etish.
Xulosa va takliflar.
Foydalanilgan adabiyotlar ro’yxati.
Buxoro Davlat Universiteti” Iqtisodiyot va turizm” fakulteti “Turizm (xalqaro va ichki turizm)” yo’nalishidagi 3-1TUR-17 guruh talabasi Ashurova Maftunaga
Tavsifnoma
Mamnuniyat bilan shuni ayta olamanki, Ashurova Maftuna “ ZiyoBaxsh hotel ” mehmonxonasida o’zining 12 haftalik malakaviy amaliyotini o’tadi. U shu davr davomida bizning xodimlarimiz orasida o’z bilimi bilan hurmat qozonib, mehmonxonadagi qabul qilish(Reception), xavfsizlikni ta’minlash, ozodalikni saqlash, bronlash va boshqa bo’limlar faoliyati bilan to’liq tanishib, kelajakda mehmonxona menejeri sifatida mustaqil ravishda mehmonxona ishini olib borishni puxta o’rgandi.
Maftuna o’z amaliyoti davomida o’zining mukammal nazariy bilimga ega ekanligi,mehnatsevarligi, tashabbuskorligi, ishga bo’lgan javobgarlik munosabati unga yuklatilgan vazifalarni o’z vaqtida a’lo darajada bajarganligi va amaliyotga doimiy ravishda qatnashganligi hamda bizlarning ishimizni anchagina yengillashtirganligi bilan boshqalardan ajralib turadi.
Men ishonch bilan ayta olamanki, kelajakda turizm sohasida o’z mutaxassisligi bo’yicha yetuk kadr bo’lib yetishadi va mamlakatimizda turizmni rivojlanishi uchun o’z hissasini qo’shadi.
Ashurova Maftunaga o’zim va mehmonxona xodimlari nomidan professional kasbiy faoliyat hamda shaxsiy hayotida ulkan muvaffaqiyat va omad tilab qolaman.
“ZiyoBaxsh” mehmonxonasi rahbari: Samadov.A
KIRISH
Hozirgi kunda Turizm (sayyohlik) sohasi dunyo iqtisodiyotining eng jadal rivojlanayotgan sohalaridan biridir. Uning keng qamrovli taraqqiyoti esa ko’plab mamlakatlar uchun katta daromad manbaiga aylanmoqda. BMT Jahon sayyohlik tashkiloti ma’lumotida 2015 yilda dunyo bo’yicha 1mlrd 184 mln sayyoh qayd etilgan bo’lsa, 2017 yilda 1 mlrd 235 mlnga ya’ni 3.9 % ga oshgan. Bundan ko’rinib turibdiki turizm sohasi bugungi kunning eng muhim iqtisodiy sohalaridan biriga aylandi. Shu bois dunyoning ko’plab davlatlari ushbu sohani yanada rivojlantirish bu borada tegishli infrastrukturani jahon standartlari darajasida yaratish va sayyohlar oqimini oshirish bo’yicha barcha chora tadbirlarni amalga oshirmoqda. Shu jumladan O’zbekiston ham Turizm sohasini chetlab o’tmadi.
Bugungi kunda O’zbekiston Respublikasi prezidenti Sh.M.Mirziyoyev tomonlaridan turizmni jadal rivojlantirish, afsonaviy tarixga ega bo’lgan yurtimizni butun dunyoga tanitish, sayyohlarni yanada ko’proq jalb qilish maqsadida tinmay izlanishlar olib bormoqdalar.
Darhaqiqatan ham, turizm sanoati 2015-yilda dunyo YaIM dagi ulushi 10% ni tashkil qilmoqda, shuningdek har 11 ta ish bilan band kishining 1 tasi turizm sohasida faoliyat yuritmoqda. Shularni nazarda tutgan holda ham prezidentimiz 2016-yil 2-dekabrda PF-4861-son “O’zbekiston respublikasining turizm sohasini jadal rivojlantirishni ta’minlash chora-tadbirlari to‘g‘risidagi” farmonlari qabul qilindi. Farmonning mazmuniga ko’ra, O’zbekistondagi mavjud turistik resurslardan foydalanib, turizm sanoatini iqtisodiyotning strategik sektori maqomini berishga erishish, turizm sohasini mamlakatimiz iqtisodiyotning ertangi kuni sifatida ekanligi hamda Respublika hududida yangi turdagi maxsus turizm yo’nalishlarini tashkil qilish va ularni sayyohlarga taklif etish, O’zbekistonda yangi turdagi joylashtirish vositalarini ya’ni kempinglar, yo’l usti mehmonxonalari kabilarni ko’paytirish, mehmonxona biznesi sohasida qo’shimcha imtiyozlar yaratish, tadbirkorlik faoliyatini qo’llab-quvvatlash, tashrif buyurayotgan sayyohlar uchun qo’shimcha xizmatlar sonini va sifatini oshirish kabi masalalar ko’rib chiqildi.
Bundan tashqari 2019 yilning 1- fevralidan 45 ta davlat uchun 30 kunlik muddatga vizasiz rejim joriy qilindi.
Ta’kidlab o‘tish joizki, turizmning rivojlanishi birinchi navbatda turizm industriyasining o‘zagi bo‘lgan mehmonxonalarning rivojlanishi bilan ham bog‘liq. Chunki mehmonxona biznesi turizmning ajralmas qismi bo‘lib, birinchi navbatda turistlarni qabul qiluvchi va turistlarning tunashga, dam olishga bo‘lgan ehtiyojlarini qondiruvchi, murakkab xizmatlarni amalga oshiruvchi eng muhim biznesida nafaqat xizmatlar assortimentini ko‘paytirishga, balki ko‘rsatilayotgan xizmatlar sifatini va samaradorligini oshirishga alohida e’tibor berilmoqda, ya’ni xizmatlarning sifatini va samaradorligini oshirishda yangi-yangi texnologiyalar ishlab chiqilib amaliyotga joriy etilmoqda. Ammo, takidlash joizki bugungi kunda mehmonxonalarda turistlarning bo‘sh vaqtini mazmunli o‘tkazish, ya’ni turli xil tomoshalar, animatsion dasturlar tashkil qilish muhim ahamiyatga egaligi mavzumizning dolzarbligini belgilab beradi.
Mamlakatimiz turizm tarmog‘ini Standartlashtirish bo‘yicha xalqaro tashkilot (ISO) talablariga mos kelishini ta’minlash maqsadida turizm terminologiyasi va mehmonxona xo‘jaliklari xavfsizligi talablari bo‘yicha yangi 2 ta davlat standarti ishlab chiqildi va ro‘yxatdan o‘tkazildi. Bu yuqorida aytgan fikrimizga yaqqol misol bo’la oladi. Jumladan, Buxoro va Samarqand shaharlarida sayyohlar uchun kun-u tun faoliyat ko‘rsatuvchi, har birining hududi 10 gektardan iborat "Qadimiy Buxoro" va "Samarkand city" turizm hududlarini barpo etish bo‘yicha ishlar boshlab yuborilgan
Rivojlanayotgan mamlakatlar qatori O’zbekistonda ham turizm sohasiga katta e’tibor berilmoqda. Buning yaqqol misollarini yuqorida ko’rsatilgan prezidentimiz va Vazirlar Mahkamasining sohani riovjlantirish uchun ishlab chiqilgan qonun va qarorlarida kuzatishimiz mumkin.
Biz Turizm yo’nalishi talabalari Universitetimiz tomonidan 1-fevraldan 24-aprelgacha 12haftalik malakaviy amaliyotiga yuborildik. Men bu malakaviy amaliyotimni Sharif shahar hisoblangan Qadimiy Buxoroning “ZIYOBAXSH” mehmonxonasida o’qituvchilarimdan o’rgangan nazariy bilimlarimni qo’llagan holda amaliyot bilan taqqoslab, bilmaganlarimni mehmonxona xodimlaridan o’rgangan holda amaliy ko’nikmalarga ega bo’ldim. Men amaliyot davrida olgan bilim , ko’nikmalarim va o’rganganlarim yuzasidan ushbu hisobotni yozdim va bu hisobotimda mehmonxona ish faoliyatini tahlil qilishga harakat qildim.
Do'stlaringiz bilan baham: |
