Varieties hand out notes uzb

Isroilda
anor daraxtlari 6m x 4m yoki 6m x 5m masofada va yarim pakana 
navlar esa 5m x 3m masofada ekiladi.
AQShda
anor daraxtlari ikki tizimda ekiladi:
1.
Zich ekish sxemasi: 1.5m x 3.6m
2.
Keng ekish sxemasi: 4 (5.2)m x 5.8m
Shunday bo‘lsada, Kaliforniyaning Devis Universiteti anor ko‘chatlarini qator 
ichida 3 yoki 5m va qator orasida 5 yoki 7m sxemada ekishni tavsiya qiladi. 
Daraxtlarni ekish tartibi va vaqti 
Bog‘ yuzasi daraxt ekishga tayyor bo‘lgandan so‘ng, daraxt ekiladigan 
masofalar belgilanadi va kamida 45sm x 45sm hajmda daraxt ekish chuqurchalar 
qaziladi.
Maxsus plastik tuvakda o‘stirilgan ko‘chatlar yilning istalgan mavsumida 
ekilishi mumkin, ochiq ildizli ko‘chatlar esa bahorda ekilishi tavsiya qilinadi.

---

78 
Daraxtlarni fevral-mart oylarida ekish, ularga kuzgacha sovuq havo 
tushgunga qadar yozda yetarlicha rivojlanib olish imkonini beradi. Ko‘chatlar 
tuvakcha chuqurligida yoki ko‘chatxonada qanday joylashgan bo‘lsa o‘sha 
chuqurchaga joylab ekilishi shart.
Ko‘chatlarni ekishdan oldin unumdor tuproq yuzasidagi tuproqni 100-150 gr 
fosfor va kaliyli o‘g‘it bilan aralashtirib ko‘chat ekiladigan chuqurchaning tubiga 
joylash tavsiya qilinadi. Bu chuqurchaga azotli o‘g‘it solish tavsiya qilinmaydi, u 
ekilayotgan ko‘chat ildizlarini kuydirish mumkin.
O‘g‘it bilan yaxshilab aralashtirilgan tuproq chuqurchaga joylangandan 
so‘ng, ko‘chat chuqurcha markaziga joylab ekiladi. Chuqurcha tuproq bilan 
to‘ldirilgandan so‘ng oyoq bilan yaxshilab preslab bosish,
so‘ngra sug‘orib qoziqqa 
bog‘lash kerak.
Shamol ko‘p esuvchi hududlarda yangi ekilgan ko‘chatlarni qoziqqa bog‘lash 
talab qilinadi. Yakka qoziq shamol esuvchi tarafga qarab joylanishi kerak. Ko‘chat 
qoziqqa sakkiz shaklida bog‘lanishi kerak, bu ko‘chat tanasi qoziqda siqilib qolishi 
va ishqalanib zararlanishini oldini oladi. Ko‘chatni qoziqqa bog‘laydigan material 
keng, tekis va cho‘ziluvchan bo‘lishi maqsadga muvofiq. Izolyasiyalangan sim, 
rezina yoki boshqa shu kabi yumshoq trubkalardan foydalanish mumkin. Ko‘chat 
qoziqqa bir nechta joyidan bog‘lanishi shart. Bu maqsad uchun ochiq simdan 
foydalanmang, ko‘chat tanasiga ishqalanib uni zararlaydi va ko‘chat uchun zarur 
bo‘lgan ozuqa-suv manbalari harakatini chegaralaydi.
Ko‘chatlarni ekish jarayoni tugagandan so‘ng, ularni parvarishlash jarayoni 
boshlanadi.
Bunday parvarish quyidagilarni o‘z ichiga oladi:
-
muntazam sug‘orish.
-
oziqlantirish (yuqori foizli azot, fosfor va bir oz kaliy).
-
begona o‘tlarni nazoratga olish.
-
kasallik va zararkunanda xasharotlarga qarshi kurashish. 

---

79