Ва ўрта махсус

Сифат туркумига мансуб фразеологизм: узукка кўз қўйгандек, ранги совуқ, юраги тоза, оғзи катта, дили сиёҳ, томдан тараша тушгандай.
Равиш туркумига мансуб фразеологизм: ипидан-игнасигача, икки дунёда ҳам, оқизмай-томизмай, қизил қор ёққанда, туянинг думи ерга текканда.
Фразеологизмларнинг қуйидаги кўринишлари мавжуд:
- эскирган фразеологизм: алифни калтак демоқ, алифлайлони бир чўқишда қочирадиган, ўликнинг ёғини тирикнинг тирноғини емоқ, калласини ҳам қилиб, енг силкитмоқ;
- диалектал фразеологизм: алағда бўлмоқ (хавотир олмоқ), кўнгли тоб ташламоқ (эзилди), ҳалак бўлмоқ (овора бўлмоқ), қумортқиси қуримоқ(интиқ бўлмоқ);
Фразеологизмларнинг услубга кўра қуйидаги турлари ҳам мавжуд:
- илмий фразеологизм: назар ташламоқ, кўзга ташланмоқ, чамбарчас боғланмоқ, тўғри келмоқ, имкониятлар доираси.
- бадиий фразеологизм: тилларидан асал тўкилмоқ, юраги қоқ ўртасидан бўлинмоқ, оғзининг таноби қочмоқ, оғзидан боди кириб, шоди чиқмоқ, қилдан қийиқ ахтармоқ, сих ҳам куймасин, кабоб ҳам, бошида ёнғоқ чақмоқ;
- cўзлашув фразеологик бирликлари: арпасини хом ўрмоқ, ерга урмоқ, юраги қон, кўзи тор, кўзи оч, боши очиқ, тўнини тескари киймоқ.
-публицистик фразеологик бирликлар:бир ёқадан бош чиқармоқ, бел боғламоқ, енг шимариб ишга киришмоқ, уриб чиқармоқ, пўстагини қоқмоқ.
-расмий фразеологик бирликлар:овозга қўймоқ, бир овоздан маъқулламоқ, имзо чекмоқ, сўзга чиқмоқ, чора кўрмоқ.
Фразеологизмнинг аксарияти бадиий ва сўзлашув нутқига хос.
Фразеологизмларда синонимлик, антонимлик, омонимлик ҳолатлари кузатилади.
Фразеологик синонимия. Маънодошлик ҳодисаси фразеологизмларда ҳам мавжуд. Фразеологизмнинг маънодошлик парадигмасида бирликлар ифода семалари даражасига кўра фарқланади: яхши кўрмоқ–кўнгил бермоқ, ер билан яксон қилмоқ– кулини кўкка совурмоқ, ипидан игнасигача – миридан сиригача, қилидан қуйруғигача ва ҳ.