Ва ўрта махсус

2-топшириқ. Халқ мақолларидан антонимларга мисоллар тўпланг. Уларнинг ҳар бирини услубий таҳлил қилинг.
Мақолнинг ижтимоий қийматига ҳаётдан мисоллар келтиринг.
Масалан: Яхши ошини ейди, ёмон - бошини.
3-топшириқ.Қуйидаги жадвални мисоллар билан тўлдиринг.



4-топшириқ.Гапларни ўқинг. Антонимларни ажратинг. Улар қандай мақсад ифодалаётганини тушунтиринг.
Бир одам донишманд ҳузурига келиб, ноёб дўст топишнинг оғирлигидан зорланди.
- Сенинг ранж-аламингни баробар тортадиган, шодлигингга шерик бўладиган дўст ноёбдир, - деди донишманд. Тасодифий дўстлар ҳам учраб туради. Ҳақиқий дўст топсанг, унга хиёнат қилма, содиқ бўл. Меҳр-у муҳаббатингни ҳам қўлинг, ҳам тилинг билан кўрсат. Унинг сирини маҳкам тут, унинг олдида бировларни ғийбат қилма. Дўстинг муҳтожликда қолса, дарҳол ёрдам бер. Унда бирор айб кўринса, чекка ерда буни айт, насиҳат қил. Агар дўстинг сенинг айбингни айтса, миннатдор бўл. Дўст билан ёлғон сўзлашма, унинг душмани билан дўстлашма. Дўстинг бошига бирор мушкул иш тушса, уни мусибатдан қутқаришга жон-у дилинг билан кириш. Дўстингнинг ота-онасига, оила аъзоларига карамли ва шафқатли бўл.
Юзаки дўстларга ҳам қўлингдан келганча яхшилик қил, лекин сиру асрорингдан хабардор қилма. Улар олдида тилингни тий, ҳар хил гапларни айтма. Юзаки бўлса ҳам яхши муомала қилиб, уларни ҳам хурсанд эт. Ўз тарафингга мойил қил; улардан бири кўринмай қолса, бошқалардан унинг аҳволини сўра.
Ҳамроҳи қобил билан юр бир қарич йўл бўлса ҳам,
Юрмагил ножинс биланким, йўлда йўлдош ўзгадир. (“Қобуснома”)
5-топшириқ. Ўқинг, синоним сўзларни намунадагидек гуруҳлаб кўчиринг.
Намуна: ўртоқ, жўра, дўст, ошна, ёр, биродар.

Осмон, машаққат, улуғ, кўк, юрак, қийинчилик, буюк, кун, шамол, юз, нафис, фалак, ,одам, қалб, чеҳра, қуёш, дил, азоб, ҳаво, катта, киши, гардун, улкан, кўнгил, инсон, бино, юрт, қари, бет, нозик, овқат, халқ, кекса, маъсума, хўрак, жамоат, чол, орзу, таом, мўйсафид, ош, ҳавас, офтоб, тўфон, тилак, иморат, кулба, уй, эл.