Ва ўрта махсус

4-топшириқ. Қуйидаги сифатлардан фойдаланиб матн тузинг, матндаги ҳар бир сифат синонимнинг қўшимча эмоционал-таъсирчан бўёғини изоҳланг.
Чиройли, гўзал, барно, сулув, зебо, хушрўй, латофатли, кўҳли, дилбар, дилдор, санобар, келишган, ой юзли, моҳитобон, сарвиравон, сарвқомат, сарвиноз, сарвихиромон, зулфирайҳон.
5-топшириқ. Кластерда берилган қўшимчаларнинг услубий маъноларини изоҳланг.


6-топшириқ. Ранг-тус билдирувчи сифатларни топинг. Уларнинг мажозий, эмоционал-таъсирчан маъноларини аниқланг.
1.Келин, дарҳақиқат, ёш, лекин худди қизиқчиликка семиргандай юм-юмалоқ; эгнида енгсиз қизил кўйлак, бошида қушнинг тожига ўхшаган қизил шляпа, қўлидаги сумкаси, оёғидаги пошнаси бир қарич туфлиси ҳам қизил.(А.Қ.) 2.Эй, сиз, баҳодирлар, қизил мерганлар. Шу она ҳурмати туринг оёққа. (У.) 3.Қуйинг, қизилидан ичаман. (О.) 4.Илк саҳардан то қора кечгача одамлар тиним билмаган. (М.Исмоилий). 5.Бир қора қозонни амаллаб қайнатиб турибмиз. (М.Исмоилий). 6.Оқ тангам қора кунимга ярар. 7.Қиз ўжарлик билан қорани оқ деб исбот қилишга тиришар эди. (О.) 8.Эрта баҳорнинг серзавқ кунлари. Ям-яшил адирлардаги гиёҳлардан таралган хушбўй ҳидлар димоққа урилади. Офтоб чарақлайди. Кўм-кўк осмон шишадек тиниқ. Олақуроқ пахтали тўнлар елкадан тушган. Хушчақчақ қизларнинг қоп-қора сочларида толбаргдан сочпопук.
7-топшириқ. Сифат даражаларини топинг. Ҳар бир даража ясовчига хос семантик-услубий хусусиятларни тушунтириг.
1.Бектемир генералларни урушнинг бутун ҳикматини биладиган бағоят ҳурматли, азиз одамлар деб тушунарди. (О.) 2.Жуда яхши, жуда соз бўлар, ғазал ёзиб туришида денг. (С.Абд.) 3.Деразамнинг олдида бир туп Ўрик оппоқ бўлиб гуллади. (Ҳ.О.) 4. Оппоқ қизнинг кўкиш кўзлари жиққа ёшга тўлди. (А.Қ.) 5.Наргиз ўрта бўйли, қўйкўз, сарғишроқ, чўзиқ юзли эди. 6.Цехимизда фариштадай чиройли қизларимиз бор. 7.Абдушукур манглайи тиришган, кўзойнакли, этсиз, қорамтир юзи ичига ботган, ориққина киши эди.
Мустақил бажариш учун қўшимча вазифалар