Узлуксиз таълим тизимида малакали кадрлар тайёрлаш муаммолари

 
 
УМУМТАЪЛИМ МАКТАБЛАРИ ЎҚИТУВЧИЛАРИ МАЛАКА ОШИРИШ 
ФАОЛИЯТИГА ИННОВАЦИОН ЁНДАШУВ 
Пулотов Абдурайим Муротович - педагогика фанлари номзоди, Навоий вилояти 
ХТХҚТМО ҳудудий маркази ўқув ва илмий ишлар бўйича директор ўринбосари 
 
Аннотация:
мақолада умумтаълим мактаблари ўқитувчиларининг узлуксиз малака 
ошириш фаолияти моделини яратишнинг назарий асослари берилган. 
Аннотация: 
в данной статье рассматирвается теоретические основы создания модели 
непрерывного профессионального развития педагогов школьного образования. 
Abstrakt:
this article examines the theoretical foundations of creating a model of 
continuous professional development of school teachers. 
Умумтаълим мактаблари ўқитувчиларининг малака ошириш фаолиятини 
бошқаришда ахборот технологияларининг қўлланилиши педагогик фаолият билан 
ўзаро боғланган ҳолда кечувчи объектив жараён бўлиб, унинг кўп даражада атроф-
муҳит билан бевосита алоқадорлиги, турли хил омиллар мавжудлиги билан 
белгиланади. Бу омиллар, биринчидан, педагогик фаолиятнинг мактаб шароитига 
боғлиқ равишда тақсимланишида, бошқаришни ташкил этишда, муайян ўқитиш 
усулларига боғлиқ турли хил қонунлар билан бошқариладиган ягона жараён тарзда 
намоён бўлади. Иккинчидан, ҳар бир ўқитувчи малака ошириш давомида 
ўзлаштирган билимларини ўзи назорат қилиш билан бирга келажакда ўзлаштирилиши 
лозим бўлган билимлар даражасини ҳам белгилайди ва шу орқали фаоллик даражаси 
кўтарила боради. Бу жараён, ўз навбатида, ўқитувчининг узлуксиз малака ошириш 
фаолиятининг сифат кўрсаткичини оширишга олиб келади [1].
Ўқитувчининг узлуксиз малака ошириш фаолиятини бошқариш кўп босқичли, 
мураккаб жараён бўлиб, бу босқичлар қаторига:
- ўқитувчининг психологик ҳолатини прогноз қилиш; 
- ўқитувчининг билими даражаси янги мавзу ўтилганга қадар қандай 
бўлганлигини аниқлаш; 
- ўқитувчининг ўтилган мавзуни назарий ва амалий томондан қандай даражада 
ўзлаштирганлигини синовдан ўтказиш; 
- ўқитувчининг саволларга берган жавобларининг натижаси ва билими даражаси 
асосида хатоликлар манбаини шакллантириш; 
- ўқитувчининг мавзуларни ўзлаштириш даражаси асосида ўтиладиган янги 
мавзуларни келажакда ўзлаштириш даражасини прогнозини киритиш мумкин. 
Ҳар бир ўқитувчининг психологик ҳолатини аниқлаш учун педагог-психологик 
тестдан ўтказилади. Унинг оиласидаги, жамоат, кишилар орасидаги, синфдаги 
ўқувчиларга бўлган муносабатлари тўғрисидаги саволларга берган жавоблари таҳлил 
қилиниб, ушбу таҳлил асосида ўқитувчининг билим олишга педагогик-психологик 
жиҳатдан тайёрлиги аниқланади.
Ҳар бир ўқитувчининг билими даражаси янги мавзу ўтилганга қадар қандай 
бўлганлигини аниқлашда, у олдин ўтилган мавзу асосида тестдан ўтказилади, 

---