Узлуксиз таълим тизимида малакали кадрлар тайёрлаш муаммолари

 
BOSHLANG‘ICH TA’LIMDA AXBOROT TEXNOLOGIYALARI VA 
MULTIMEDIALI DARSLARNI TASHKIL ETISH 
Sayliyeva Farida Jumaboyevna - Karmana tuman 7-umumiy o‘rta ta’lim maktabi 
boshlng‘ich sinf o‘qituvchisi 
 
Annotatsiya: 
maqolada bugungi kunda o‘quv tarbiya jarayonini zamonaviy o‘qitish 
usullaridan foydalanib, shaxsga yo‘naltirilgan hamda boshlang‘ich ta’lim nazariyasini 
yaratish axborot texnologiyalarini va multimediali darslarni o‘quv jarayonida qo‘llashni 
rivojlantirish usullari yoritilgan. 
Аннотация:
в статье рассказывается о развитии использования информационных 
технологий и использования мультимедийных уроков в учебном процессе, создании 
личностно-ориентированной теории начального образования с использованием 
современных методов обучения в учебном процессе. 
Annotation: 
the article discusses ways to develop the use of information technology and 
multimedia lessons in the educational process, creating a person-centered and primary 
education theory using modern teaching methods in the educational process today. 
Bugungi kunda barcha sohalar kabi ta’lim jarayonida ham axborot kommunikatsion 
texnologiyalari vositalaridan samarali foydalanish muhim masalalaridan biri bo‘lib ,ta’lim 

---

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
136 
jarayonini axborotlashtirish uni moddiy bazasini boyitish, o‘quv jarayonida axborot 
kommunikatsion texnologiyalari samarali foydalanish uchun kerakli zamonaviy dasturiy 
vositalar bilan ta’minlash yuzasidan ko‘plab tadbirlar amalga oshirilmoqda. Shuning uchun 
ham ta’limda eng muhim strategik yo‘nalish bo‘lib ta’lim muassasalarini innovatsion 
faoliyati hisoblanadi. Ta’lim-tarbiya tizimining asosiy vazifasi o‘sib kelayotgan yoshlarni 
vatanparvar, har tomonlama yetuk bilimdon, jismoniy baquvvat, ma’naviy jihatdan 
barkamol qilib voyaga yetkazish hamda kun sayin oshib borayotgan axborot ta’lim muhiti 
sharoitida mustaqil faoliyat ko‘rsata olishga, axborot oqimidan oqilona foydalanishga 
o‘rgatishdan iboratdir. 
Buning uchun ta’limning samaradorligini oshirish va bilimlarni to‘la egallashlariga 
erishish, shaxsning ta’lim diqqat markazida bo‘lishini va yoshlarning mustaqil bilim 
olishlarini ta’minlash, iqtidorli, iste’dodli va o‘zlashtirishi qiyin bo‘lgan o‘quvchilarga 
individual yondashish, har bir o‘quvchining eng yaxshi sifatlarini aniqlash, uni rivojlantirish 
va ularning qiziqishi, ehtiyoji, qobiliyati va shaxsiy sifatlari, intellektual xususiyatlarini 
aniqlagan holda har bir darsni tashkil etishga e’tibor berishimiz maqsadga muvofiqdir. 
Hozirgi tezkor axborot, globallashuv jarayoni biz o‘qituvchilar zimmasiga juda katta 
vazifani yuklaydi, bu ham bo‘lsa yoshlarni axborot bo‘ronlaridan himoya qilish. Bugungi 
kunda ilg‘or o‘qituvchi zamonaviy axborot-kommunikatsiya texnologiyalaridan 
foydalanmasdan dars o‘tishini tasavvur etib bo‘lmay qoldi. Chunki hozirgi tezkor davrda 
o‘quvchilar diqqatini ilm olishga qaratish uchun quruq doska va bo‘r yoki ikkita plakat 
kamlik qiladi. Yetkazuvchisi sifatida, yangiliklardan boxabar bo‘lgani holda, dars jarayonini 
qiziqarli olib borishi lozim. Dars berayotgan sinfiga taalluqli didaktik materiallarni, 
darsliklarni, uslubiy qo‘llanmalarni va elektron o‘quv vositalarini ham mukammal 
o‘rganishi, ularni darslarda qo‘llay olishi darkor. 
Boshlang‘ich ta’lim tizimida yangi pedagogik texnologiyalar, shu jumladan, axborot 
texnologiyalari bilim olish motivini rivojlantirishga katta yordam beradi. Axborot 
texnologiyalari asosida tashkil etilgan darslar tashkiliy usullari, o‘tkazish metodlariga ko‘ra 
o‘quvchi ehtiyojiga mos tushishi kerak. Chunki bunday darslar bola ruhiyatiga yaqinroq 
bo‘ladi. O‘quvchilarning o‘quv materiallarini o‘zlashtirishga bo‘lgan qiziqish, xohish va 
istaklarini qo‘zg‘atish asosida maqsadga erishish motivasiya bo‘lib, bu o‘qituvchi va 
o‘quvchilarning o‘zaro ichki yaqinlashuvidir. 
Axborot – kommunikatsion texnologiyalar – bu bilim, dalil va qonunlarni taqdim 
etishda barcha imkoniyatlarni o‘zida jamlab olgan usul va metodlar demakdir. Har qanday 
texnologiya – bu axborot texnologiyalari bo‘lib, uning negizini ma’lumotlarni qabul qilish 
va qayta ishlash tashkil etadi. 
Boshlang‘ich sinf o‘qituvchisi o‘quv texnologiyasining bevosita boshlang‘ich sinflarda 
axborot texnologiyalaridan foydalanish o‘quvchilarning kayfiyati, qiziqishlari, hayot tarzi, 
dunyoqarashi, tafakkuri, aqliy va kasbiy ko‘nikmalarini namoyon qiladi. Internet 
texnologiyalarining kirib kelishi o‘quvchilarga axborot manbalaridan foydalanish imkonini 
beradi, mustaqil ishlar samaradorligini oshiradi, ijodkorlik, malaka va ko‘nikmalarni 
egallash va mustahkamlash uchun yangi imkoniyatlar beradi, ta’limning yangi shakllari va 
metodlarini amalga oshirishga sharoit yaratadi. 
Boshlang‘ich ta’lim jarayonida multimediyadan foydalanish o‘qituvchiga: 
- darsni zamonaviy tarzda modellashtirish; 
- bilimlarni chuqurlashtirish uchun qo‘shimcha ma’lumot va axborotlarga ega bo‘lish; 
- nazariy va mustaqil ishlashni tayyorlash imkonini beradi. 
Boshlang‘ich ta’lim jarayonida multimediyadan foydalanish o‘quvchilarga: 
- fanga qiziqish uyg‘otish, o‘z bilimlarini nazorat qilish va mustahkamlash; 

---