Узлуксиз таълим тизимида малакали кадрлар тайёрлаш муаммолари

 
 
 
 
 
 
 
 
 
 
 
 
 
 
 
 

---

Innovatsion yondashuvlar asosida milliy ta’lim tizimini takomillashtirish

2021-yil
 
23-aprel 
365 
6-SHO‘BA: TA’LIMDA INSON RESURSLARI: SHAKLLANTIRISH, 
BAHOLASH VA TAKOMILLASHTIRISH
 
INSON TARAQQIYOTINI BAHOLASHNING ASOSIY MEZONLARI VA 
ULARNING XUSUSIYATLARI 
Pulatov Jaxongir Nazirovich - Navoiy viloyati xalq ta’limi xodimlarini qayta tayyorlash 
va ularning malakasini oshirish hududiy markazi dotsenti, falsafa fanlari bo‘yicha 
falsafa doktori (PhD) 
 
Annotatsiya: 
maqolada Inson taraqqiyotining asosiy mezonlari va ularning amalga oshirish 
mexanizmlari yoritilgan. 
Аннотация: 
в статье описаны основные критерии человеческого развития и 
механизмы их реализации. 
Annotation: 
the article describes the main criteria of human development and the 
mechanisms of their implementation. 
Jahonda “Inson taraqqiyoti” konsepsiyasining uzviy aloqadorligini ta’minlash – davr 
talabidir. Davr esa yangicha nazar tashlashni hamda mutlaqo yangicha yondashuvlarni, 
ro‘yobga chiqarilishini aniq monitoring qilishni va xalqaro - huquqiy hujjatlar 
implementasiyasini nazorat qilishni talab etmoqda. Inson taraqqiyoti prinsiplarining o‘zaro 
aloqasi muammolarini yanada teranroq anglab yetishlariga va eng muhimi, olgan 
bilimlaridan kundalik ishlarida foydalanishlariga yordam beradi. 2020 yil mamlakatimizda 
“Yoshlarni qo‘llab-quvvatlash va aholi salomatligini mustahkamlash yili” deb e’lon 
qilingani munosabati bilan qabul qilingan dasturni amalga oshirishda ilm-fan, sog‘liqni 
saqlash, aholini ish bilan ta’minlash, tadbirkorlikni va mahalliy infratuzilmani rivojlantirish, 
atrof-muhit holatini yaxshilash, tabiat va yer resurslaridan foydalanish samaradorligi bilan 
bog‘liq masalalar muhim ustuvor ahamiyatga ega. Bularning hammasi mohiyat e’tibori 
bilan inson kamolotiga, uning ma’naviy hamda moddiy talab-ehtiyojlarini ta’minlash uchun 
har tomonlama qulay sharoitlar yaratishga qaratilgan “Inson taraqqiyoti” konsepsiyasiga 
batamom mos va muvofiqdir.
“Inson taraqqiyoti” konsepsiyasiga asosan aynan inson millatning boyligi hisoblanadi. 
Insonlarga jamiyat ijtimoiy-iqtisodiy rivojining quroli sifatida emas, balki bosh maqsadi deb 
qaralishi lozim. Har qanday taraqqiyotning pirovard maqsadi va muvaffaqiyat mezoni 
bo‘lgan inson uchun tanlovning kengayishi, o‘z erkinligini amalga oshirish, uzoq va 
sog‘lom turmush kechirish imkoni, bilim olish va munosib hayot darajasining yaratilishi 
jamiyat rivojida hal qiluvchi rol o‘ynaydi. Mamlakatimizda “Inson taraqqiyoti” 
konsepsiyasi istiqlolning birinchi kunlaridan boshlab “Islohot islohot uchun emas, avvalo 
inson uchun, uning manfaatlari uchun” degan hayotiy qoida asosida islohot jarayonlarni 
amalga oshirayotgan mamlakatimizda barcha o‘zgarish va yangilanishlarning markazidagi 
ustuvor masalaga aylanmoqda. Bu haqda so‘z borganda, O‘zbekiston Respublikasi 
Konstitutsiyasida inson huquq va manfaatlari eng oliy qadriyat sifatida muhrlab 
qo‘yilganligini qayd etish o‘rinli bo‘ladi. Chindan ham, iqtisodiy, siyosiy va huquqiy 
sohalardagi barcha islohotlarimiz pirovard natijada odamlar farovonligini muttasil oshirib 
borishga, mamlakatimiz har bir fuqarosining kasbiy, intellektual va ma’naviy salohiyatini 
ro‘yobga chiqarish uchun keng imkoniyatlarni yaratishga qaratilgandir.
Har qanday demokratik davlatning rivojlanishdan asosiy maqsadi – insondir. Jamiyat 
taraqqiyoti esa nafaqat mamlakat iqtisodiy salohiyatining kattaligi bilan, balki bu salohiyat 
har bir insonning kamol topishi va uyg‘un rivojlanishiga qanchalik yo‘naltirilgani bilan ham 
o‘lchanadi. 

---