Uzbekiston Respublikasi Oliy va urta maxsus ta'lim vazirligi

Inonatus  hispidus  (Inonatus  hispidus)  ham  tog„  oldi  hududlardagi 

yong„oqlarda juda keng tarqalgan vakillardan biri  bo„lib hisoblanadi.  

 

 

Gastromisetlar tartiblari guruhi - Gastromycetidae 

 

    Gastromisetlarning  meva  tanalari  nisbatan  dumaloq  shaklda  bo„lib, 

gimenial qatlami angiokarp (yopiq) tipda rivojlanadi. Ayrim vakillarida meva 

tana  ichidagi  bazidiya  va  bazidiosporalari    tartibsiz,    miseliylarining  ustida 

joylashgan  bo„ladi.  Lekin  ko„pchilik  vakillarida  meva  tananing  ichki  qismi 

ancha murakkab bo„lib, uni  glyoba deb ataladi.  Glyobasi  oldiniga  g„ovak  va 

bir xil tuzilgan bo„lib, keyinchalik bo„shliqlar yuzaga keladi. Bo„shliqlarning 

ustki qismida gimenial qatlam hosil bo„lib, u  trama deb ataluvchi miseliylar 

o„ramini  va  kapillisiya  nomli  bazidiya  va  bazidiosporalarni  hosil  qiluvchi 

maxsus  tolalarni  vujudga  keltiradi.  Bazidiya  va  bazidiosporalar    pishib 

yetilgach  meva  tana  qobig„i  (peridiy)  va  gimenial  qatlami  yemirilib, 

bazidiosporalari tarqaladi.  Gastromisetlarning ko„pchiligi tuproqda  yashovchi 

saprofitlar bo„lib, ayrimlari daraxt va butalar ildizi bilan mikoriza hosil qiladi. 

    Gastromisetlarning  tipik  vakili  sifatida  deyarli  hamma  joyda  keng 

tarqalgan yer hinasini (Bovista) ko„rsatish mumkin. Yer hinaning yosh meva 

tanasi  oppoq  rangli  dumaloq  shaklda,  ustki  qismi  esa  ikki  qavat  peridiy 

(endoperidiy  va  ekzoperidiylar)  bilan  qoplangan  bo„ladi.  Pishib  etilgach  u 

qo„ng„ir-qoramtir  rangga  kirib,  qalin  ekzoperidiysi  yoriladi  va  yupqa  parda 

shaklidagi  endoperidiysi  qoladi.  Tashqi  ta‟sirlar  yordamida  endoperidiy 

osongina  yirtilib,  uning  ichki  massasi  changiyotgan  tuproqqa  o„xshab  atrof 

muhitga tarqaladi.Yer hinasining  ayrim turlarini yoshlik paytida iste‟mol qilsa 

bo„ladi.  Dala  va  o„rmonlarda  keng  tarqalgan  yana  bir  vakili  yer  yulduzi 

(Geaster)  deb  ataladi.  Ushbu  vakil  ham  yosh  davrida  xuddi  yer  hinasiga 

o„xshab  ketadi.  Lekin  pishib  yetilgach  ekzoperidiysi  yoriladi  va  ustki 

tomonidan qaralganda xuddi yulduzga o„xshab qoladi.