Узбекистон Республикаси Олий ва ¤рта махсус таълим Вазирлиги

Ўзлаштириш операторлари – дастурдаги ўзгарувчиларга маълум қийматларни ўзлаштириш учун ишлатилади.
Киритиш-чиқариш операторлари – тезкор хотирага бошланғич маълумотларни киритадилар ва чиқарувчи қурилмаларга ҳисоблашлар натижасини чиқарадилар.
Бошқариш операторлари – дастур операторларини кетма-кет бажарилишини ташкил этади (шартли ўтиш, такрорланиш операторлари).
Ўз таркибига кўра операторлар икки турга бўлинадилар: содда ва структуралашган (таркиблашган). Таркибида бошқа операторлар бўлмаган операторлар содда операторлар дейилади. Бир ёки бир нечта операторлардан иборат операторлар содда операторлар дейилади. Содда операторларга ўзлаштириш, ўтиш ва прцедурага мурожаат операторлари киради. Мураккаб операторларга шартли, танлаш, такрорлаш ва таркибий операторлар киради. Таркибий оператор BEGIN ва END хизматчи сўзлари орасига олинган операторлар кетма-кетлигидан иборат.
Дастурда маълум жараён битта эмас, балки, бир нечта оператор кетма- кетлиги билан ифодаланади. Шу холда оператор кетма-кетлиги таркибий оператор кўринишида ёзилади. Таркибий оператор маълум бир операторлар кетма-кетлигини оператор қавслари begin (боши) ва end (охири) хизматчи сўзлари орасига олиб бирлаштирилади.

<таркибий оператор>::=begin<оператор>;{,<оператор>} end.

Юқоридан кўринадики, ягона (таркибий) операторга келтирилаётган операторлар сони бир дона бўлиши ҳам мумкин. Агар уларнинг сони икки ёки ундан ортиқ бўладиган бўлса, улар нуқтали вергуль билан ажратилади. Тил бўйича таркибий оператор таркибига кирувчи операторларга чекланишлар қўйилмайди, улар асосий оператор ёки келтириб чиқарилувчи, шунингдек таркибий операторлардан бири бўлиши ҳам мумкин. Яъни, таркибий оператор рекурсив характерга эга.
Таркибий операторларга мисоллар:

begin i:=D end; begin y:=x/2; x:=x+h end begin k:=2; begin i:=D; ҳисобчи:=D end end

Таркибий операторларда унинг таркибига кирган операторлар ёзилиши кетма-кетлигида бажарилади. Ихтиёрий паскаль дастур танасининг операторлар қисмида ҳеч бўлмаганда битта таркибий оператор мавжуд бўлади.