Ўқув қулланма Тошкент 2011 йил

Абонент сатҳида пакетларни ўзгартириш билан боғлиқ ҳужум
Бундай ҳужумдан мақсад алоқа сифатини тушириш ёки абонент билан алоқани узишдир - DoS (ингл. Denial of Service). Пакетларни алмаштириш процедурасини eNB даражасида ва “охирги миля” каналларида амалга ошириш мумкин. Бундай ҳужумларга қарши АУ ва S-GW оралиғида абонент сатҳидаги трафикнинг бутунлигини ҳимоялаш воситалари ҳисобига курашиш мумкин.


Абонент сатҳида пакетларни ушлаб олиш ҳужуми
Ҳужум қилувчи АУ ва S-GW орасидаги ёки ҳатто ”бузилган” (“очилган”) eNB даги интерфейслардан истаганча пакетларни ушлаб олиши мумкин. Бундай ҳужумдан мақсад идентификаторлар, маршрутлаш хариталарини ва ҳ.к. ларни ичига оладиган хизмат ахборотларини ушлаб олиш ёки трафик конфиденциаллигини бузиш ҳисобланади. Бу ерда қарши чора сифатида ОТЎ моделининг пастроқ даражаларида трафик конфиденциаллигини таъминлаш учун шифрлаш қўлланилиши мумкин, яъни агар пакетларни сиқиш PDCP даражасида амалга оширилса, у ҳолда шифрлаш пастроқ даражаларда (масалан, RLC да) амалга оширилиши керак.


Таянч станцияларга жисмоний ҳужум
Шифрланган ахборотларга ва калитларга рухсат олиш учун eNB ни жисмоний бузиш имконияти назарий жиҳатдан мавжуд, чунки eNB да шундай нуқталар бўлиши мумкинки, уларда шифрланган ахборот туннеллари орасида шифрланмаган ахборотлар ўтади. Ҳужум қилувчи бунинг ҳисобига умумий махфий калитларни олиши ва тармоққа бошқа eNB тугунини қўшиши мумкин бўлади. Шундай қилиб, ҳужум қилувчи абонентларга қарши DoS ҳужумини амалга ошириб, уларни сохта АУ лар билан алмаштириши мумкин бўлади. Хаттоки, eNB ни кейинги ғаразли мақсадларда ишлатиш учун демонтаж (бузиб олиш) хавфи ҳам мавжуд. Бундай ҳужумларга қарши курашиш учун, биринчидан, eNB жойлашган жойларни жисмоний ҳимоялаш зарур (сигнализация, қўриқлаш ва бошқалар), иккинчидан, калитларнинг сақланишини ҳимоялаш керак (масалан, ўқиб бўлмайдиган смарткарталарда) ва ниҳоят, агар битта калит очилган тақдирида ҳам тизимнинг умумий конфиденциаллигини сақлаш учун ассиметрик калитлардан фойдаланиш керак бўлади.