Ўқув машғулотининг тузилиши

V	-	+
?

“V”- мен билган маълумотларга мос;

“-“ - мен билган маълумотларга зид;
“+” - мен учун янги маълумот;
“?” - мен учун тушунарсиз ёки маълумотни аниқлаш, тўлдириш талаб этилади.


Мавзу: 6. Тренинг машғулотларини олиб боришнинг асосий усуллари.


Режа:

1. 
   “Ақлий ҳужум” усули ҳақида тушунча. “Ақлий ҳужум”нинг босқичлари.
   
2. 
   Бахс-мунозара усули. Тренингда баҳс-мунозарани ташкил этиш.
   
3. 
   Бошқа усуллар ҳақида қисқа тушунча.
   

Мавзу юзасидан таянч сўзлар: ақлий ҳужум, бахс мунозара, босқичлар, муаммо, ечим, усул.

Ҳар кандай тренинг машғулотларини олиб боришда самарадорликка эришиш учун энг аввало иштирокчилар орасида самимийлик, очиқлик, ўзаро ишонч муҳитини яратиш лозим булади. Булар амалга ошмасдан туриб, тренингдан кўзланган мақсадга эришиб бўлмайди. Бундай муҳитни яратиш эса бошловчидан катта маҳорат талаб этиш билан биргаликда тренинг жараёнида қўлланиладиган усулларга ҳам боғлик бўлади. Бундай усуллар сирасига "таълимнинг ноанъанавий усуллари" деб ном олаётган ва бизнинг таълим системамизга кенг кириб келаётган усуллар киради. Ана шундай усуллардан бири "Ақлий хужум" дейилади. Бу шундай усулки, муҳокама қилинаётган мавзу юзасидан ҳар бир иштирокчи ўз фикрини билдириши шарт ва тренер ҳар бир жавоб вариантларини эътирозсиз ва эътибор билан кабул килиши лозим.

Бунда муҳими билдирилаётган фикрга баҳо бериш эмас, балки уларнинг ҳаммасини қабул қилиш ва ҳар бир иштирокчи айтаёттан фикрни доска ёки қоғозга ёзиб боришдир. Айнан шу усулдан тренингларда жуда кўп фойдаланилади. Чунки бу усул иштирокчиларнинг ўз мустақил фикрларини билдира олишининг энг яхши йўлидир. Бу усулдан тренинг бошида фойдаланиш мақсадга мувофиқ. Айниқса, гуруҳ кайфиятини билиш, уларнинг билим даражасини аниқлаб олиш ва тренингдан нима кутаётганликларини билиб олишда бу — энг қулай усул ҳисобланади. Фикрий ҳужум натижасида олинган маълумотлар гуруҳ билан олиб бориладиган кейинги ишлар учун йўлланма бўлиши мумкин.
Ақлий ҳужум усулининг фойдали томонлари қуйидагиларда намоён бўлади:

• 
  нозик ва мунозарали саволларни муҳокама қилишда
  
• 
  ўзига ишонмайдиган иштирокчиларни мунозарага тортиш ва уларни қизиқтириш учун (бу иштирокчини албатта рағбатлантириш шарт)
  
• 
  қисқа вақт мобаинида кўпроқ фикр йиғиш учун бу усул жуда қўл келади.