ЎҚув адабиёти овқатланиш гигиенаси фани бўйича ўҚув қЎлланма профессор Г. И. Шайхова таҳрири остида

Крахмални аниқлаш.
Крахмални аниқлашни сифатли реакцияси, уни ДавСт ёки РТШ томонидан бўлиши белгиланмаган маҳсулотлардан аниқлашга қаратилмаган.
Янги кесилган қиймага Люголь эритмасидан 1 томчи томизилади Агар текширилаётган колбасада крахмал ёки ун бўлса Люголь томизилган жой кўк ёки қорамтир кўк рангга киради. Крахмал фақат қайнатилган колбасаларга қўшилади.


ТАЪЛИМНИНГ ЗАМОНАВИЙ УСУЛЛАРИ
“Қорбўрон” усулидан фойдаланиш
Бунинг учун гуруҳдаги талабалар тенг 2 га бўлинади. Ҳар бир жамоага сардорлар тайинланади. Ҳар бир жамоа рақиб жамоага бериш учун 5-10 дақиқа давомида 3-4 тадан савол тайёрлашади. Тайёрланиб бўлингач жамоа сардорлари энг яхши қизиқарли тузилган саволларни танлаб олади. Жамоалар навбат билан бир-бирларига савол берадилар. Тайёрланишга 1 дақиқа берилади. Жавоб 1-2 дақиқа давомида берилади. Ҳар бир савол жавобини тўғрилигини сифатини ўқитувчи шарҳлаб туради, баённомада савол - жавоб ва қўшимча жавоблар кўрсатилади. Жавобларга 5 баллик системада баҳо қўйилади.
Қўшимча жавобларга қуйидаги меъзонларда баҳо қўйилади:
Тўғри қўшимча 1 балл, қисман қўшимчага 0,1 дан 0,5 баллгача, нотўғри қўшимча учун умумий баллдан - 0,5 балл олиб ташланади.
Хулосада ўқитувчи хамма балларни жамлайди (ҳар бир жамоаниқини алоҳида) ва 6 га бўлинади (3 та савол - 3 та жавоб) хосил бўлган 80 балл жамоанинг бир аъзосиники хисобланади. Жамоанинг фаол аъзосига умумий баллга 0,5 балл қўшилади. Пассив аъзоларидан 0,2- 0,3 балл жарима балл олинади.


ВАЗИЯТЛИ МАСАЛАЛАР

1. 
   Колбасани санитар-гигиеник текширишдан ўтказилганда нитритлар миқдори 15 мг % лиги аниқланди. Сизнинг хулосангиз?
   
2. 
   Колбасани санитар-гигиеник текширишдан ўтказилганда қуйидагилар аниқланди: қобиғи қуруқ, моғор билан қопланган ва қиймадан ажралиб турибди. Бу маҳсулот қайси гуруҳга киради.
   
3. 
   Колбаса ишлаб чиқариш жараёнида батон ичидаги ҳарорат 60 ⁰С эканлиги аниқланди. Сизнинг хулосангиз.