ҲУҚУҚбузарликлар профилактикаси, Қонунийлик ва осойишталикни таъминлаш чоралари режа

3. СЕКТОРЛАР КЕСИМИДА ҲУҚУҚБУЗАРЛИКЛАРНИНГ ПРОФИЛАКТИКАСИНИ ТАШКИЛ ЭТИШ
3.1. Секторларнинг ҳуқуқий мақоми ва ҳудудларни ривожлантириш ва ҳуқуқ-тартиботни сақлашдаги ўрни

Секторлар тизими мамлакатимизда бошқарувнинг янги тизими ҳисобланади. Секторлар тизимини бошқаришдан ҳам кўра кўпроқ халқ билан мулоқот тизимига ўхшатиш мумкин. Бунда аҳолини қийнаётган муаммолар, ҳудудларни барқарор ва мутаносиб ривожлантириш масалалари юзасидан бевосита халқ билан мулоқот қилинади.

Ўзбекистон Республикаси Президентининг 2017 йил 8 августдаги «Ҳудудларнинг жадал ижтимоий-иқтисодий ривожланишини таъминлашга доир устувор чора-тадбирлар тўғрисида»ги ПҚ-3182-сон қарори билан жойларда ишларни ташкил этишнинг мутлақо янги тизими яратилди.

Бунда Қорақалпоғистон Республикаси, вилоятлар, туманлар, шаҳарлар ҳудудларини тегишлича Қорақалпоғистон Республикаси Жўқорғи Кенгеси раиси, вилоятлар ва Тошкент шаҳри, туманлар (шаҳарлар) ҳокимлари, прокуратура, ички ишлар ва давлат солиқ хизмати ҳудудий органлари раҳбарлари бошчилик қиладиган комплекс ижтимоий-иқтисодий ривожлантириш бўйича секторларга бўлинди.

Ҳудудлар, яъни Қорақалпоғистон Республикаси, вилоятлар, туманлар, шаҳарлар ҳудудлар 4 та секторга бўлинди:

1-секторга ҳокимларга;

2-секторга прокурорларга;
3-секторга ИИБ бошлиқларига;
4-секторга солиқ инспекцияси бошлиқларига бириктирилди.

Қуйидагилар секторлар раҳбарларининг асосий вазифалари этиб белгиланган:

• 
  биринчидан, уй-жой коммунал ва йўл хўжалиги, энергия, сув ва иссиқлик таъминоти, транспорт қатнови, архитектура, арзон уй-жойлар қуриш, ҳудудларни ободонлаштириш ва кўкаламзорлаштириш, намунавий маҳалла ва хусусий уй-жой мулкдорлари ширкатларини шакллантириш соҳасидаги муаммоларни аниқлаш ҳамда ҳал этиш бўйича аниқ мақсадга қаратилган тадбирларни ўтказиш;
  
• 
  иккинчидан, ижтимоий муҳофазанинг манзиллилиги, истеъмол бозорида нархларнинг барқарорлиги, ижтимоий соҳа объектлари, энг аввало, соғлиқни сақлаш, таълим ва бошқа муассасаларнинг самарали фаолият кўрсатишини таъминлаш бўйича таъсирчан чора-тадбирларни амалга ошириш;
  
•