ҲУҚУҚбузарликлар профилактикаси, Қонунийлик ва осойишталикни таъминлаш чоралари режа

Ҳар бир маҳаллага камида бир нафар алоҳида профилактика инспекторларининг бириктирилиши ҳуқуқбузарликлар профилактика-сида Ўзбекистон учун хос бўлган муҳим тажрибалардан бири ҳисобланади. Шу билан бирга ҳар бир маҳалалада аҳолининг кунлик ижтимоий-маиший муаммоларини ҳал этиш учун – маҳалла раиси, маҳаллани ижтимоий-иқтисодий ривожлантириш учун – ҳоким ёрдамчиси, ёшлар масаласи бўйича – ёшлар етакчиси, аёллар билан ишлаш учун – хотин-қизлар фаоллари каби лавозимлар жорий этилган.

Юқоридагилардан келиб чиқиб таъкидлайдиган бўлсак, давлат органлари маҳаллаларга тушилмоқда. Ўзбекистонда маҳалла ўзига хос ижтимоий институт ҳисобланади. Мавжуд муаммоларнинг ечими асосан маҳалла доирасида ҳал этилган. Шу сабабли маҳалла асосида ишлаш тизимига ўтилаётганлиги оқилона қадам дейиш мумкин. Аммо ҳали бу борада олдинда турган баъзи вазифалар бор.

ЖИНОЯТ ВА ҲОДИСЛАРНИ ТЎҒРИСИДАГИ ХАБАРЛАРНИ ИНСОН ОМИЛСИЗ РЎЙХАТГА ОЛИШ ТИЗИМИ. Жиноятчиликка муросасиз курашишнинг энг биринчи галдаги шарти – жиноятларни рўйхатга қўйишда чекловлар ва рўйхатдан яшириш ҳолатларининг бўлмаслиги ҳисобланади. Рўйхатга олинган жиноят рамий ҳисоботига киритилади ва натижада ҳуқуқни муҳофаза қилувчи органларда ушбу жиноятларни очиш мажбурияти вужудга келади.
Афсуски жиноятларни била туриб ёки турли сабаб ва баҳоналар билан рўйхатга олмаслик ҳолатлари учрайди. Масалан, фуқаро телефони йўқолганлиги ҳақида хабар беради. Шунда тезкор ходим: “Телефонингиз ўғирланганига ишончингиз комилми, балки эҳтиётсизлик қилиб йўқотиб қўйгандирсиз” дейди.
Жиноятларни яширишнинг олдини олиш мақсадида 2021 йилдан бошлаб республиканинг барча ҳудудларида “102” тизими ишга туширилиб, барча хабарлар инсон аралашувисиз автоматлаштирилган тарзда қайд этилиши йўлга қўйилди. Мазкур тизимнинг ишга тушиши билан илгари турли “майда ҳолат” деб қаралган телефон ўғрилиги, кўчадаги жанжал каби ҳолатлар юзасидан хабар бермаганлар ҳам эндиликда ички ишлар органларига қўнғироқ қилмоқда. Натижада, ўтган йили фуқаролардан келиб тушган ариза ва хабарлар сони беш бараварга (616 216 / 3 262 667) кўпайган.