ҲУҚУҚбузарликлар профилактикаси, Қонунийлик ва осойишталикни таъминлаш чоралари режа

ИЖТИМОИЙ ПРОФИЛАКТИКА ТИЗИМИ. Ҳуқуқбузарликларнинг сабаблари ва уларнинг содир этилишига имкон берган шарт-шароитлар жуда ҳам турли туман омиллар билан боғлиқ. Бироқ таҳлиллар ижтимоий, иқтисодий, руҳий омиллар жиноятларнинг асосий сабаби эканлигини кўрсатмоқда. Содда қилиб айтганда “жиноят содир этма, жиноят содир қилсанг қамаласан” деган қуруқ билан иш битмайди. Аввало, шахснинг ижтимоий ва иқтисодий муаммоларини аниқлаш ва уларни ҳал этиш чораларини лозим.
“Ижтимоий профилактика” шахснинг ижтимоий-иқтисодий муаммоларини аниқлаш ва уларни ҳал этиш орқали ҳуқуқбузарликларнинг олдини олиш тизими ҳисобланади.
Мазкур тизим асосида “Темир дафтар”, “Аёллар дафтари” ва “Ёшлар дафтари”га киритилган шахсларнинг муаммолари ҳал этиб келинмоқда.
Моддий ёрдам ва кўмакка муҳтож оилаларни, хотин-қизлар ва ёшларни ижтимоий қўллаб-қувватлаш қуйидаги уч йўналишда амалга оширилади:
“Темир дафтар”га киритилган фуқаролар бўйича:

• 
  бандликни таъминлаш;
  
• 
  томорқадан даромад манбаи сифатида фойдаланиш учун кўмаклашиш;
  
• 
  тадбиркорликка жалб қилиш;
  
• 
  моддий ёрдам ҳамда тиббий хизмат кўрсатиш.
  

“Аёллар дафтари”га киритилган фуқаролар бўйича:

• 
  бандликни таъминлаш;
  
• 
  томорқадан даромад манбаи сифатида фойдаланиш учун кўмаклашиш;
  
• 
  тадбиркорликка жалб қилиш;
  
• 
  моддий ёрдам кўрсатиш;
  
• 
  турар жой ижараси учун компенсация тўлаш;
  
• 
  тиббий, ҳуқуқий ва психологик ёрдам кўрсатиш.
  

“Ёшлар дафтари”га киритилган фуқаролар бўйича:

• 
  касб-ҳунар ва тадбиркорлик кўникмаларига ўқитиш;
  
• 
  бандликни таъминлаш;
  
• 
  тадбиркорликка жалб қилиш;
  
• 
  хорижда хавфсиз, тартибли ва қонуний меҳнат миграциясини ташкил этиш;
  
• 
  ижтимоий ҳимояга муҳтож оилалар фарзандларининг мамлакатимиздаги олий таълим муассасаларида тўлов-контракт асосида йиллик ўқиш харажатларини тўлаб бериш;
  
• 
  тиббий, ҳуқуқий ва психологик ёрдам кўрсатиш.